مطلوب خيام

[شرقاوي وبس]

السلام عليكم

كيفكم ان شاء الله بخير

ياشباب احنا مجموعة شباب قررنا نطلع طلعات وكشتات وهيك

نبي فيكم من يراعينا بالسعر

نبي خيمتين وحده ام عامودين والثانيه ام عامود

وبكم يطلعون؟
بس يكونون نضيفين

وابي سعر كل خيمه لحال

وشكرا مقدما

[kahhhv]

سلام عليكم

واحد من اخواي عندة اربع خيام 1ام ثلاث عمدان مدري والله كم حجمها
و2 ام عمودين مدري عن الحجم و1 ام عمود 4×4 مع العلم انه كلة جديد بالخيشة

اذا لك رغبة راسلني وانا اكلمة لك

[لاتكب البيالة]

السلام عليكم
بما انكم شباب انصحك ناخذ من الخيام الخفيفة اريح واحسن
واذا تبي تصاميم مناسبة وخفيفة ورخيصة وبعضه لم يطرح بالسوق علمن ارسل لك وفصل على كيفك

[اميرالصمت]

هذا رقم واحد يأجر خيام وبيوات شعر 0532525117

[kahhhv]

سلام عليكم اخوي

اخوي زي ماقلت لك

بس انا اعلمك ترا جديدة يعني بالخيشة يعني سعرها مراح يفرق عن المحلات كثير

واذا انت جازم عليهن كلهن قلي اخاف اقولة وانت تهون ولا شي

وعلمني اذا تبيهن كلهن ولا تبي بعضهن

[شرقاوي وبس]

اخوني تسلموووو ع المرور

kahhhv
اخوي اساله ابي وحده ام عامودين وام عمود بكم
ووين مكانه؟


لاتكب البيالة
اخوي مدري احس التفصيل بيطلع اغلى بكثيررر مادري ليش

امير الصمت

تسلم يالغالي تعبتك معاي
بس ودي اشتري مو اجار ;)

[kahhhv]

ابشر اخوي ولا يهمك اكلمه لك ولايكون خاطرك الى طيب

طيب اخوي فيه العامودين الظاهر مقاسين وش تبي منهم الظاهر فيه وحدة 4×6 وحدة اكبر
واذا تبي اغراض ثانية ترا هو عندة محل ادوات رحلات والخيام هاذا اللي بقا عندة

[شرقاوي وبس]

4×6 المقاس

مادري احنا تونا راح نبدي نشتري اغراض كامله للرحلات

[kahhhv]

ابشر يالغالي تبي 4×6 و4×4

طيب ولا يهمك

واذا نقصكم شي من الاغراض كلمني مع العلم ان مكاني القصيم

[شرقاوي وبس]

وااال اخوي على كذا بعيد انا عنك كثثثثييير

انا بالشرقيه

[شرقاوي وبس]

ياشبااااب معقووله ماحد يعطيني حتى اسعار

او وين احصل خيام؟؟
او ارقام محلات ؟

[عاشق الشعبيات]

عندك سوق الخيام اللي في الغرابي

[شرقاوي وبس]

عاشق الشعبيات
احرجتني بصراحه :$

لاني مادل وينه فيه الغرابي

[ولـد الدوادمي]

شرقاوي وبس

وأنا اخوك مر سوق الخيا الي بالدمام داخل سوق بالدمام

بتلقاء مطلوبك ان شاء الله

والموقع خلك عن اشارة المركز والطواري يكون على يمينك ابتل سيدة ثالث اشارة لف يسار وعلطول المحلات بتجيك على اليمين واليسار أرجو أني أفدتك ولو بالقليل وأي شي تبية من الشرقية أنا حاظر وبخدمتك

مابي من إلا الدعاء

أخوك : ولد الدوادمي

[شرقاوي وبس]

تسلم يالغالي
والدعوه تجيك

ولا يهمك

الله يوفقكم بدنياك واخرتك حبيبي