اقتراحاتكم لرحلة مع الأطفال للبر

[فتى السيح]

السلام عليكمودي بمساعدتكم بسدح بعض الأقتراحات انا وخواني طال عمركم بنطلع لرحلة برية بصحبة اطفالنا لتعليمهم علوم الرجالواعمارهم 7 و8 سنوات .وش اقتراحاتكم لأمتاعهم واستفادتهممع العلم ان الرحلة من الصباح الى ما بعد المغرب وشكرا

[البتار2011]

1- علمهم كيف يسوون القهوة ... فقط الطريقة مو شرط يسووون بيديهم ... خلهم يصبون لكم ويعرفون وش يقولون ( تقهو - ويلزم عليك اذا قلت بس )
2- علمهم صدر المكان يكون للكبير ..
3- ما يقاطعون احد وهو يتكلم
4- بعض الكلام غير مناسب في المجالس وامام الكبار
5- اذا حولك حطب ارطى او غيره خلهم يتعاونون معك
6- ...
7-...
8- اترك الباقي لإخواني

[سطام F15]

1- علمهم كيف يسوون القهوة ... فقط الطريقة مو شرط يسووون بيديهم ... خلهم يصبون لكم ويعرفون وش يقولون ( تقهو - ويلزم عليك اذا قلت بس )
2- علمهم صدر المكان يكون للكبير ..
3- ما يقاطعون احد وهو يتكلم
4- بعض الكلام غير مناسب في المجالس وامام الكبار
5- اذا حولك حطب ارطى او غيره خلهم يتعاونون معك
6- ...
7-...
8- اترك الباقي لإخواني

أنا أؤيد كلام أخوي البتار ولكن أزيد عليه


9- علمهم مايلعبون بالبر وينسون الصلاة
10- علمهم أن يتعودون على ترك المكان أفضل مما كان
11- عدم الإسراف بالنعم أثناء الكشتات والرحلات
12-الترتيب ومساعدة الكبار بجميع الرحلة
أترك المجال للإخوان الباقين

[فتى السيح]

ماقصرتو وجزاكم الله خير وانتظر المزيد

[الجبيري1]

أنا أؤيد كلام أخوي البتار ولكن أزيد عليه





9- علمهم مايلعبون بالبر وينسون الصلاة
10- علمهم أن يتعودون على ترك المكان أفضل مما كان
11- عدم الإسراف بالنعم أثناء الكشتات والرحلات
12-الترتيب ومساعدة الكبار بجميع الرحلة


أترك المجال للإخوان الباقين


13-الدعاء اذانزل منزلا في سفر اوغيره


14-الجهات الأربع عند الدخول للنفود


واترك المايك للأخوان

[عبودي2002]

ماقصرو الاخوان
وازيد عليهم
علمهم بعض الاخطار التي قد تحصل لهم لاسمح الله من اخطار العقارب والثعابين وكيفية العمل اذا حصل ولدغ احدهم ان يهرع الى والده او اكبر المجموعه ويخبره بما حصل
علمهم احترام كلام امير الطلعه وان كلمته نافذه على الجميع ليتعلم النظام من صغره
علمهم كيفية تحديد القبله من حيث النجوم وطوالع الشمس وانها تختلف باختلاف موقعهم

واترك البقيه لاخواني

[جامع الغضى]

بلخير يافتى السيح
اهم شي اهتم من شي اسمه البرد وعلمهم كيف يجمعون الحطب وكيف يشبون النار :f
واهتم من مقيالهم ترا البزران يبيلهم مقيال :eek: .ولاتنسانى من تزويدنا عن الرحله الله يسعدكم ياشيخ :good2:

[محمد بن ناصر الثبيتي]

يافتى السيح

علمهم بعلوم الرجال اللي تعرفها انت وبس مايحتاج تنشد!!!!!!!!

[a1Ruwais]

فكرة رائعة
يعــــــطيك ألف عــافيـــهـــ

[هوايتي مكشات]

اوؤيد كلام اخواني اللي سبقوني ولا ازيد عليهم بشي

[ابولولو]

اول شى الله يصلحهم ويحفظهم من كل شر
وجهت نظرى نصايح الاخوان جميله وطيبه
بس خفف عليهم شوى ماهب باول طلعه تعلمهم كل شى صعب حتى على الى اكبر منهم شوى
اكل العنب حبه حبه
لوتحط لهم مسابقه خفيفه بعلوم الرجال والبر ويصير لهم جوائز لانه تعطيهم داف معنوى قوى والطفل ماينساء
هذى وجهت نظر
اتمنا لك الفائده وصلاح الذريه وللمسلمين اجمعين

[صقرن مبرقع]

ربي يوفقهم ان شا ءالله ويسعدهم علمه علوم المرجلة الي تناسب عمرهم وكيف التعفر مثلا وقضاء الحاجة في البر وادابها وشب النار وعدم الأسراف في البر بالماء وماشابه ذالك والله يسعدكم يارب
كتب

[ولد وايل..]

يافتى السيح




علمهم بعلوم الرجال اللي تعرفها انت وبس مايحتاج تنشد!!!!!!!!




هذا الكلام....

من طلعتك من البيت وركوبك السيارة خل تعليمك لهم مش بس بالجلسه ووقت الوصول ...

علمهم الإثار لو شح الموجود من اي شي قد يستعمل او يؤكل او لو طلب أحدهم شي انه ما يتقدم ع اخوه الأكبر او اللي طلب قبل. يعني ما يكون حنّان رنّان ...

الفزعه بالخدمه لأخوه مش شرط تطلب الخدمه من كبير ويسويها وهو مغصوب......


السواليف الزينه وحسن الإستماع...

تدبير امورة ما يحتاج احد يدبره ..

المحافظه ع الصلاة بحال انه ما ينسمع صوت المساجد...


الحذر من الدواب والتصرف الأمثل معها...

وقبل هذا كله ترتيب مكان الجلسه واختيار المكان وتجهيز الجلسه...
_________________________


ملاحظه ولا اقصد فيها احد.....
وهي ان تعليم الأبن لاخلاق الرجال وتربيته عليها لا تحتاج لطلعة بر...

وأخلاق الرجال ما تجي بالبر بس اذا كانت المرجله واخلاقها ما تجي الا بالبر الله لا يعيدها من اخلاق !!!

انا اتكلم لانه ع ما الاحظه ان بعض الناس عندهم معادل ((راعي بر = رجااااااااااااال كفو !! ))

انا اقول كذا وهو واقعحتى تشوف بعض الأشخاص ما يبدأ منسوب الهياط الا لما يطلع البر ظنا منه انها مرجلة!!

والملاحظ خاصه الإجتماعي تلقاه لاطلع من هنا ولا هنا ودخل عند ناس كاشتين اما بدعوه له ولا احد من ربعه

يعرفهم تشوفه وتكبره تقول هذا شنب وخر عنه ولا شفت سواياه ع الواقع عرفت ان شكليته تتشكل ع حسب المكان اللي هو فيه ...

عموما طولت عليكم بس شي بالخاطر ....