هذا والله النشبه..........يابن الحلال ترك فغصت

[خشم الحصان]

الاخوه الغالين
السلام عليكم
اخواني في الله لشك ان البعض يعانون من الاشياء لي عليها خوفه من التلف والخراب خاصه في عملية وضعها في السياره لئن مثل هالاشياء ماتنشراء الا اخر شي قي الرحله .
وقد يحدث ان يركب معك واحد زود في السياره وانت ماخذت بالك وناسي ثم يجي ها لمودماني ويرزح بعمره علي المرقد او الفرش وبعد فتره من السواقه في البر تذكر ان الرجيلي قاعد فوق الطماط ولاك مثل لي واطي جمره وهو حافي من الروعه ثم ولا هاك البريك لي مخليتن الرجيلي قدام بعد مكان فوق المرقد او العفش
وجع وش فيك علي هالفرامل وانت ماتشوف الطماط تحتك فغصته يرد الحبيب وانا وش دراني عن طماتكم انه تحتي ورا ماعلمتني فبل ثم خذ هوشه وصياح
ولا يكون البيض ملفوف في احد الفرا ويجي وحيد مشاء الله عليه سنه برميل غاز 25 رطل مكبوس ويجلس علي الفروه وانت ماتدري او مع الدوشه نسيت وبعد فتره تذكرت ان البيض ان سان فيه بيض في الفروه لي تحت البرميل
ثم تلتفت يم الحبيب وتقوله ....... :( اخي الفروه تحتك يرد ايه
تراء فيها البيض الله يغفر لنا ولك ...............ويرد وسيع الصدر :director: وانت خايف لايها تفقس تحتي
انت من جد تحسي وهو من سعه يرد
المشكله انه وش الحل لمثل هالاشياء لي بسرعه تتلف
احد منكم له طريقه معينه يحفظ بها الطماط ويالبيض والفواكه وغيرها لي نشريها بالكراتين واذا وصلت البر الصالح النصف اما جلس عليها احد او كلها منعدمه اذا حصل سواق جرفلي وبرميل 25 وسيع صدر
اخوكم
خشم الحصان

[ابو شكاع]

هلا ابو جراح

شف وانا اخوك .... من ناحية الطماط ... خذ علب ازين لك ....علشان اذا جلس الواحد على علبة طماط قعد يتحقرص من الألم اللي يجيه بعصعصه قلعته يستاهل ....اجل يجلس من دون ما يشوف وش هو جالس عليه ...

من ناحية البيض ....خذ لك طبق بيض نعام ... لأن بيض النعام كبير ويبي يبان لأي واحد وما راح يقدر يجلس على بيضة نعامة الا اذا هو عاد ما يدري وين الله مدعيه وفضيخ

طيب اذا قلت ما ابي الا بيض دجاج ....هالسالفة تسد هرجوا به من قبل ...شف الله يسلمك ...تجيب طبق البيض وتاخذ معه من التموينات طبق فاضي ...يعني بيض بدون مح .... امزح معك ....تجيب طبق فاضي ما به بيض وتخلي البيض بين الطبقين ..وتلف عليه شطرطون(تيب) ويطلع ما يحتاج لو تطامر مثل مطامر حقين مواتر ال big foot البيض ما يجيه شي ابد ...حتى لو تقلب بالبر البيض ما يجيه شي << وش هالهرج
هذي مجربة ياعميم .... الطماط من جديد ... ما عندي علم ... لكن ....فيه حافظات صغار يجي لهن غطا كبس ..من اللي يحفض بهن الخضروات بالثلاجة ...اعتقد ممكن تساعد بس لازم تهوي للطماطم اذا وقفت في مكشاتك

[رسلان]

السلام عليكم ..
أخوي : خشم الحصان ..
الحل وبكل بساطة ...
الثلاجة اللي على البطارية مثل هاللي طايحينبه العالم ..
حط أغراضك وانس الهم ...
(الله كم من طماطة ونت مفغوصة .. ومن خيار انعوج يلتوي آآه .. ومن بيضة جاه يومه قبل الوصلة .. وأسبابه طعس عر السواق السيارة عشانه .. ومانقول إلا : الله يعوضنا .. ثمن العوض ولا القطيعة )

[الاحداثي]

--------------------------------------------------------------------------------
اخوي خشم الحصان / حياك الله ....
تفقد أغراضك ونظمها في ( عزب ) خاصة حسب كل نوع . وتنتهي الله يعينك مشكلة ( تفغيص الطماط والبيض ) !! . (( يعني لا تحط الله يهديك هذه الأغراض على المراتب )) مع تمنياتي لك برحلات موفقة وممتعة .

[الرحال999]

اخوي مساك اللة بالخير
اللة يعينك على اللي يجيك يدربي راسة ويحط راسة مكان رجلية بس فية حل للبيض حيث يوجد حافضات بلاستيكيه خاصة بالبيض تباع عند محلات القنص كما ان هناك حافظات بلاستيكية للخضارعند محلات الاواني. واللة يعينك

[المترو]

السلام عليكم ورحمة الله وبركاته
هلا عمي خشم الحصان
انا اقول
على صاحب السياره وضع كرتون خاص بالخضار وخلافه للرحله بموقع مناسب التهويه وبعيد عن الشيل والحط والنزول والركوب بالسياره اذا لا يوجد ثلاجه بالسياره

والسلام عليكم ورحمة الله

الرحال2003

ملاحظه
كأن لي مشابه بهالموضوع الرحال999 وين مولود يا الحبيب وكم عمرك وين درست الجامعه

اخوك الرحال2003

[عبد الله الفايز]

وشو هالحكي ماسنك رجال مجرب وتعرف هالامور زين

والا يمكن تبي تعلم هالشباب الصغار

والا تبيني اذكرك

من ناحية الطميطات الله يغفر لك

الى منه رخص الطماط اشتر لك سلتين أو ثلاث من الصفر الكبار وبعدين خل أم عيالك تشرحهن وتشرهن

بالطاية على بساط نظيف بالشمس

عقب يومين ظفهن ودقهن وحط الطحين بقوطي نيدو واكشت وملعقة وحدة عن ثلاث طماط

البيض وش تبي به ؟

تبيه مسلوق اسلقه قبل الكشته

تبي شكشوكة

http://www.mekshat.com/vb/showthread.php?t=15671&highlight=%D4%DF%D4%E6%DF%C9

أما المقلي فهم مايمدحون أكله للكشاته ====> مالقيت حل

وبعدين لاتحمل العدة إلا عقب مايركب خويك النشبة

[عبد الله الفايز]

؟؟.................

[عروان]

أبو جراح الله يحفظك من كل جرح و مخز أبره


يا عمي

أشر طماطك و بيضك و كاسات جبن بوك اللي تحبه و حطهن فوق المراتب و لا تهتم.


و بتسألني وين يجلسون أخوياي ؟؟




بسيطة



اشتر لك قلص و ركب خوياك فيه و أسحبهم وراك. أهم شئ لا يقربون الباض :good2:




هههههههههههههههه

[خشم الحصان]

الاخوه الغالين
السلام عليكم
حياكم الله وياهلا كل الهلا بكم هالمشكله يالربع موذيه الكثير منا وخاصه اهل الجيوب الربع او الثلث(الشراع) وذلك لعدم وجود فراغ كبير فبها.
.......................
الاخ الغالي والحبيب
ابوكمره لي منباعة
ابو شكاع
ياخيي قوطي الصلصه ماله طعم مثل الطماطم خاصه اذا كلنها في الصبح ثم جمجم الريق يوووووه ثم قطرة السعبوله غافل عنها ثم رشختل الباقب
ابو شكاع الحين اقول بيض دجاج ولنت تجيب نعام الحين مالقينا مسان لبيض الدحاج وين نلقاء مسان لبيض النعام
الله ينعم عليك بالصحه والعافيه الله يغفر لنا ولك امين
ياخيي سوينا لي فلت جبنا غطا بيض وربطناه بالشطرطون المشكله ان الطبق كرتون ولي جالس 25 رطل يعني صبه حقنه
ايه بنسبه للبلاستيك زين حول الحريه الله يثيبك
اخوك
خشم الحصان
............................
الاخ الحبيب
رسلان
ياجعلك تسلم امين يابعدهم الحين مالقينا مسان نقعد فيه نجيب ثلاجه الله يغفر لنا ولك ودنا بس مهنا مسان يابعدهم
اجل خذ
ياونتي ونة طماطه مفغوصه............ تحت هقل عقله فظيخه
ولابيضه في الفروه ملفوفه ............ورجن عليها واحدآ سطيحه
اخوك
خشم الحصان
........................
الاخ الكريم
الاحداثي
ياخيي الله يرفع قدرك وعلمك مهنا مراتب الثلث مرتبه وحده يعني مهناش ولي ورا ماخذ العفش كل المسان وين تبيني احطه فيه وش رايك
نحطه فوق الشراع ونربطه او نغريه ولا بعد ابرد له متوافقني
اخوك
خشم الحصان
...........................
الاخ الحبيب
الرحال 999
حياك الله يابعدهم الله يحفظك امين وكلانك في محله بس كم سعر هالي تقول حقة البيض لئنه اذا تكسر مامن عوض اما الطماط يزيك طعمه
اخوك
خشم الحصان
..........................
الاخ العزيز
الرحال 2003
علي رسلك رحمك الله (كلمة عمي )ماتطوف ياحلو :mad: طيب ياخيي جبن كرنون وحطيت الاغراض نحطه تحت العفش بينفغص نحطه فوق العفش كل شوي دازينه ورا والسبه البطاميج والسواق الجرفلي يعني تحت فوق
سيم سيم
وبعدين وش :hot: هالحراره يوم شفت الرحال 999 ( الرحال999 وين مولود يا الحبيب وكم عمرك وين درست الجامعه ) اقول الرحال 999 ارسل له برنت عن سيرتك الذاتيه كوده ينام
اخوك
خشم الحصان
........................
الاخ الغالي
عبد الله الفايز
ياحبيلك يابعدهم ياخيي طف النور لا تقضي البطاريه ثم وش بيدف هالموتر ولاالموت اذا هو طماطيق
شف ياخيي انت ابخص ودرا
وبعدين هالي تقول ينفع في الصيف وحنا الحين في الشتاء
لو قلت حطهن في الفريزر واذا تجمدن حطهن في كرتون
او اعصرهن ثم حطهن في اكياس ثم في الفريزر واذا جمدن اجمعهن في كرتون
ياخيي الله يغفر لنا ولك النشبه مايجي الا في الزحمه يعني مالقاء مسان مع احد ثم يكسر الخاطر ثم يركب ويكسر العفش
اخوك
خشم الحصان
...........................
الاخ الحبيب
عرون
وانت مثل الله يحفظك يابعدهم من كل مكروه امين
اخيي الله يثيبك قلص الحين مرتاعين وحنا في السياره من سواقة الجرفلي تبينا نركب الربع في القلص طيب مهيب مشكله ركبنا في القلص علي مضض واذا الجرفلي سج مع الاسلكي وهو جالد المويتر ثم جاء مطب تهقاء بتلقاء احد في القلص اضن لا ياخيي بتلقناء نسابق صاروخ ديكفري في السماء اقول لو اروح لصمان رجليه ابرك.
باض يصير خير
اخوك
خشم الحصان

[SilverSniper]

الأخ العزيز أبوجراح.... وشلونك وكيف حالك يا بعد الدنيا..
والله مشكلة صراحة لكن أتوقع الحل عندي...
حط الطماط يا طويل العمر في شليلك.. منها تضمن انه ما احد يقعد عليه.. ومنها تهقش لك كم طماطة على الدرب.. أما البيض.. في شليل واحد من ربعك.. برضه.. تضمن انه ما احد يقعد عليه.. وتضمن انه رفيقك بيحرص عليه ويمسكه زين ولو كان السواق جرفلي.. لأن شليل الرجال وثوبه على المحك... وأي كسره معناها وداعاً للثوب.. فمن المؤكد انه بيحرص عليه.. ويا هلا بك والله يا أبوجراح ونورت يا خلفهم..

[ميراج]

السلام عليكم

ابو جراح الله يجزاك خير إلاقلى وش تبى تاخذ طماط وبيض معك للبر

الصبح اظبط لك قرص جمرى وخل البيض فى الديره :D

والغداء جربه بدون طماط بس انت مشكلك قروى توه طايح بالطماط والبيض ما غير ينقلهن فى البران :D

يصلح العيد بلا حنا

تحياتى

[حد السيف]

خلوة على ما يعرفلة الا انا
ابو جراح (ابو محمد سابقا )
الظاهر انك اللي فاغص الطماط والبيض وتدون من تحط حرتك فية
وبعدين بالله عليك وش تشيل اكالت النمل كرتونين مع فراشك والسيارة مليانة
بعدين ومن زين الزين حاط مركى بينك ويبن الراكب
وبعدين السيارات تعبى بانزين وسيارتك عذائها الوحيد الجح ولا غير الجح وبدون رصاص خالى من البذور
والدليل شفك باحل بروحك يوم انها مابغت الجحة االي انت شالق ولقيت بها بذور وفاتح الكبوت تسولف عليها وتهاديها
الله يرحم من عقبوك :heart: :heart: :heart: :heart: تبيع

http://www.mekshat.com/pix/upload/images6/mk5_DSCN0170.jpg
الجحة كم تقطع بها من كيلو
يعني مشوارك من غرب الرياض الى شرقها كم جحة تستهلك
وبعدين مكان الجالون حطبة صندوق يحفظ بيضك وحمامك وطماطك :good2:
على فكرة الكريك للبيع :director: مابعد الحراج الا البيع كم نقوللللللللل

محبك اخيك حد السيف

[خشم الحصان]

الاخوه الغالين
السلام عليكم
اخواني في الله حياكم الله
..................
الاخ الغالي
الصياد الفضي(SilverSniper)
الله يغفر لنا ولك شليل ياخيي ذكرتني (ياشيلي حطي) عرفته براهيم حبيب (دار الهوااااء دار)
الطماط مهيب مشكله انا اباكل بس رفسيزي وش بياكل وبعدين وش يفرق البيض عن البيض واذا كان الرفيز حركه
ولا بطنه خانه في ذيك الحظه ابقعد اترجاه اصبر اصبر ابخذ من شليلك البيض
اقول وش نبيب البيض اذا هذا سوايها
اخوك
خشم الحصان
..............................
الاخ الغالي
ومشرفنا الفاضل
ابوطارق
ميراج
طقيت الجرح و ادميته الله يثيبك القروي ماودك يتمدن خله في قريته حول مديه وانت ابخص
والعيد يسقم بليا حنا
اخوك
خشم الحصان
..............................
الاخ المتميز
حد السيف
لاياك ترجم وجدارك قزاز وش فرق (اكالت..........) عن سيارة المندي والحنيذ الصماني
اخي والله نسو استر الله يستر عليكم وعلي ذريتكم دنيا واخره قطع جعلكم ماتطحون في عوره ولا توثيق بالصوره يزي الكتابه
اخوك
خشم الحصان
..........................

[شايب الصمان]

أسمع ياخيي

كم واحد الي بيطلع وكم يوم بتطلعون وكم وجبه بتأكلون ؟؟؟

شف كل واحد كم ويش يكفيه من الاكل ووزع الطماط والبيض وعط كل واحد حقه ناشف وهو يمسكه ويطبخه على كيفه وكل واحد بيكون حريص على قسمه. :good2: :good2:

[ريف النشاما]

:D :D

:D

:D


:D


:D

:D

:no:


الطماط تنبلع بس البيض وش هوله يابو جراح وي :no:

أقول هو صدز اسلقه وكل واحد عطه بيضته :D

[حد السيف]

مساك الله بالخير
ابوجراح رجمت وشب بقى يالغالي

http://www.mekshat.com/pix/upload/images6/mk5_DSCN0170.jpg
خشم الحصان مهنا فرق بيني وبينك

http://www.mekshat.com/pix/upload/images6/mk4544_Picture-034.jpg

خشم الحصان تبية محلي او سفري



محبك اخيك حد السيف

[راعي الكيف]

اقترح انكم تعرضون المشكلة على مجلس الامن يمكن يبت فيها ...!!!!



هههههههه تحياتي لك خشم الحصان

[ابو مساعد]

السلام عليكم ورحمة الله وبركاته

الاخ العزيز خشم الحصان والاخوه الكرام والله اني قرية الموضوع وابتلش مثلكم ....

ولاكن وشرايك .......

جبلك ماسورة ماء أنش ونصف طول متر وسكر وحد من الجوانب بتسكيره ثابته وأحشي بها الطماط والثانيه أحش فيها الباض وربك يسهلها .

بس تدري علبة النيدو اذا حطيت فيها قطن ولا صوف وعبيتها باض والله فكره ممتازه ....

ولا تدري مع الماكينه 100/100 علقها بكيس عند الماكينه ولا بشاصي .
ماتوصل ولا الماكينه موفره لك الطبخ .

اخي طبق البيض حطه تحت مرتبة السايق أو الا في جنبه ولا في درج السياره هذا مكانه والطماط علقها فوق راس ذا خويك البلشه وكل مطب للسياره بياخذ حصته من الطماط .....

وسع صدرك مع الشباب تحياتي الخالص لك والله يوفق الجميع .

[خشم الحصان]

الاخ المحامي
(يكيكي) شايب الصمان
السلام عليكم
اخيي هذا وهو طبيقين لو نشدنا كل واحد يالله يجعل اميمك وبيك في الجته امين كم بيستهلك سان نشيل معنا كرتون
الحين مالقينا الا الفروه و رجن عليها هالمرجوج الكرتون وش بيصير عليه يبي يفقس يابعدهم
اخوك
خشم الحصان
...........................
الاخ الغالي
ومشرفنا الفاضل
ريف النشاما
السلام عليكم
اخي هالضروس وشفنها لي سنها دعاية معجون اسنان لكن ياخيي الله يثيبك وش البيض (بيض) لاتروح بعيد
ويومك تقول (وي) انا اقول (بي كوز) علي وزن حليب كيكوز
المشكله ياخي اذا كلها مع بر وشرب عليها ابن خلفات ثم قال ابركد معك في الخيمه وش الحل
اقول اخيي من اليوم رايح ابخذ كمام انت ابخص (بيض+بر+ حليب+بطن متين+ تفاعل بطني= ..........
يازين الرقده جنب الضو او في الغماره
اخوك
خشم الحصان
....................................
الاخ المتميز
حد السيف
السلام عليكم
اخي الله يرفع قدرك امين لا سفري ولا محلي ابي الفكه (ماكو ماكو ماكو فكه منك ياحد السيف فكه) ياخي مثل القطب في الصوف
اخوك
خشم الحصان
.......................
الاخ الحبيب
راعي الكيف
السلام عليكم
اقول الله يغفر لنا ولك هذي صورتك مشاء الله الله يرزك في الدنيا ولاخره امين
اخوك
خشم الحصان
............................
الاخ الغالي
ابو مساعد
السلام عليكم
اخي جبنا للموسير طيب اذا كلنا لنا مطب ثم تكسر البيض في المسوره وشلون نصلح الشكشوكه
والله قوطي النيدو فكره ماجربتها وش ريك بدال القطن نحط رمل مه البيض علشان يمسكه صح فكره
حنا ياخيي الله يغفر لنا ولك في المربعانيه يعني كلش بارد هذي تنفع في الصيف
في الدرج يصير خير طيب اذا جيت عند نقطة تفتيش ثم قال عطني الاستماره ثم فتحنا الدرج والبيض متكسر والاستماره مليانه بيض سنه خشم واحد مزكوم اقول خلنا في قوطي النيدو الله يثيبك
الحين يابعدهم مقدر يثبت من ندون شي فوق راسه تبيه يثبت وهو ماسك الطماط فوق راسه الضاهر اذا وصلنا يالله كود الصندوق نلقاه
الله يوسع صديرك بالعافيه يالغالي
اخوك
خشم الحصان

[شايب الصمان]

خشم الحصان

اللهم آمين وامييمتك وأبيك والمسلمين أجمعين .

{{{{الاخ المحامي (يكيكي) شايب الصمان }}}} أنكان أنتخبتوني يكيكي فأنا سوف أسعى بفتح مكتب رسمي

حتى تكون مرافعاتنا رسميه ويكون لنا هيبتنا عند الخصوم ......

ولكن نحتاج موظفين فمن يود التقدم على الوظائف عليه التقدم بفيضه _____ , أو الصمان في _____ .

ويصطحب معه المتندات التاليه : العزبه وملحقاتها , ووووووووو.للمطابقه .....