أبي مشورة كل بواردي في هالمنتدى

[Al_zenad]

مساء الخير أحبائي أعضاء منتدى مكشات ...



الصراحة ناوي اشتري البلجيكية الجديدة فيوجن ايفلوف 2 ماصورتها 32" ماغنوم ، علماً أنني أملك حالياً رمنقتون 1100 بس ترمي إلى (40 جرام ) 4/3 2 , و أبي نصيحتكم هل آخذها أو أبقى على الرمنقتون أفضل، أو أشتري بنلي m2 وأريح راسي من البراوننج و الرمنقتون.



أبي مشورتكم لا تبخلون علي بها ...



و لكم كامل الشكر و التقدير



أخوكم الزناد

[معدي المرقاب]

تحية طيبه اخوي ويشرفني ان اكون اول واحد يرد عليك والله ريح راسك من بدري وشترلك سوبر او بانلي لان العالم هالوقت ترمي ماهو مثل اول وينوعون بالضغوط فمالك الا الي قلتلك ...وتقبل تحياتي...وجهة نظر.

[Al_zenad]

هلا و مرحبا أخوي معدي المرقاب ...
و الشرف لي أنا إني أحضى بمشورة مثلك وشرواك ...

[~ V T A C ~]

اخوي انا اصحك باالبنلي

وان حصلك اكستيرما 2 تراها ممتازة

بالتوفيق

[عاشق تشاد]

يالطيب انا العام نفس هالوقت شريت بلجيك فيوجن نفس اللي انت قلت عنها .. وبعدين يجن شكلين وحده مكينتها سوداء والثانيه مكينتها بيضاء وفيها زخارف وكلهن نفس الشي .. بالنسبه لمكينتها ترمي الا ..56 جرام.. والبندق رميها زين مره وانا بعتها العام والحين ادور مثلها بس والله مالقيت نصيحه اشترها وبعدين البنلي ماصورتها المعروفه 28 وان جاء شي ماعرفها يبي ياصل30 والبلجيك افضل ماصوره واهم شي الماصوره ومكينتها زينته ترمي الا 56 . نصيحة مجرب اشترها ولا تراني شاريها .. لو سمحت ممكن تقول لنا كم سعرها وهل البندق جديده ولالا وهل البندق بشنطتها ووشلون مكينتها بيضاء ولا سوداء لاني ناوي اشتري وحده وابشوف سعرها عن العام تغير ولالا .وتراني شراي ان ماشريت .. تقبل تحياتي

[اخو سعود]

تبي نصيحه دور لك x3 ونشستر والله انها اطيب بندق مرت علي وان ما حصلت خذ الافلف قريبه منها جدا جدا
وكلهن بلجم هرستال اف ان

[Al_zenad]

هلا أخوي عاشق تشاد بالنسبة للفيوجن اللي غطاء مكينتها سوداء تحد حالياً حول 10800-11000 طبعاً بشنطتها وكامل أغراضها و البيضاء أكيد أغلى بس ماأدري كم توصل.
و ودي أعرف الفيوجن هل لها وصلة مخزن ثمان؟

[سطام F15]

تبي نصيحه دور لك x3 ونشستر والله انها اطيب بندق مرت علي وان ما حصلت خذ الافلف قريبه منها جدا جدا
وكلهن بلجم هرستال اف ان



أنا أؤيد أخوي اخو سعود خذ الونشستر SX3 وأنا أمتلك هذه البندقية والحقيقة أفضل قمة بكل ماتعنيه الكلمة
ويكفي أنها الأسرع بالعالم إلى الآن وماصورتها ضد الصدأ وغيره من المميزات

وطولها 32 انش والبانيلي ممتازة ولك لازم تولف لها ماصورة بلجيك والتوليف ترى والله خطير جدا
أنصحك خذ الونشستر ومالك ومال التوليف اللي مايعقب الخير وللو أنها نجحت إلى الآن ولكن صدقني ماهنا أطيب من شد البلد مهما كان
والراي للك يالغالي

[عون الخوي]

السوبر بانيلي
او
الونشيستر sx3

وعسا فالك الصيد الجزل

[ابو سفيان]

يخوي ريح راصك واشتري اكستريما 2

[Al_zenad]

اخواني

ابو سفيان

عون الخوي

سطام F15

اخو سعود

~ V T A C ~

يعطيكم العافية على الردود

بس خياراتي إنحصرت بين الفيوجن ايفلوف و البنلي m2
وش الأفضل للصيد و الرمي خاصة رماية الأجوال و القطا و الكرك
ودي من اللي جربو البندقين يفيدونا

[نحال الجبال]

السلام عليكم ان انصحك با الونشستر الى ضد الصدا واسرع بندق الى الان وترمى الا56جرام ويا زينها فى رمى الطيار وتكفون الى يعرف التوصيله رقم صفر يعطينا علمها وله جزيل الشكر

[محب العقاب]

أخوي إن كان ميزانيتك 10000 ريال وفوق عليك بالبرتا أو البنيلي أو البراوننج (القولد هنتر بالذات ممتازة مره سعرها 9500 تقريبا ) والسلام عليكم

[بواردي الروضة]

ان كانت حصلت m2 بنلي خذها وانت مغمضضض (وانت مغمض)

او سوبر بنلي


ترمي اي ضغط تبي

و ماعليك من الماصورة طويلة والا قصيرة
الماصورة مالها اي دخل

وطع شوري

[عاشق تشاد]

يالطيب اذا قالو وش البندق وش مميزاتها اول ماينشدون عن الماصوره .. والفيوجن ماصوره 32 ومكينتها زينه ومناسبه لك مره وبالنسبه لي لو يوقولون اللي يقولون مثل البلجيك الفيوجن ماشفت مره وللمره الثانيه البندق ماصوره.. ومن ناحية سعرها العام نفس هالوقت شريت وحده بثمانيه وخمسه ميه بدون شنطه بس مارمت جديده وهالسنه مرتفع سعرها دامك تقول حول 11 بشنطتها .. نصيحه لك ياخوي خذ لك فيوجن على شان ماصورتها وبالنسبه للمكينه ممتازه وترمي ضغوط ومطوره مكينتها عن المكاين القديمه.. وشكرا

[عاشق تشاد]

وحبيت اقولك الفيوجن مالها وصله ثمان نفس نضام الاولات اربع بالمخزن والخامسه ببطن النار. وانا مولف لها محزن بثمان مية ريال يشيل 13 طلقه ورميها مالها مثيل بالنسبه لي البنادق الثانيه زينه واغلى منها بس رمي البلجيك معروف على شان ماصورتها.

[هوايتي مكشات]

خذ بنلي وريح راسك

[Al_zenad]

و الله ياجماعه تحيرنا وش نختار بس الوكاد الإختيار إنحصر بين البراوننج و البنلي m2.

لكن هل رمي الـm2 بارد على حسب مانسمع ، وخاصة وقت طرد الأجوال ؟؟؟

[عاشق الفتك 20]

سوبر بنلي ولا تحتاار

[بواردي الدبدبه]

بنلي وريح ...

[بواردي الدبدبه]

بنليوريح .........

[عاشق تشاد]

الله يعينك بماصوره كانك تبي تشري بنلي .. تماكن عمرك وخذ مثل ماقلت لك الفيوجن ولا اشتر بنلي ودور لك ماصوره بثلاثه الاف اقل شي وشف السعر كم يطلع عليك .. وشكرا .

[قناص خليص]

دور برتا إكستريما 2 تراها زينة بالحيل وترمي كافة الضغوط

[قناص الاما]

انصحك بي البنلي و ريح نفسك

[shooter1000]

الله يعطيك خيرها ويكفيك شرها