استفسار لاهل الحرار الله لا يهينكم

[قنيص غبر]

السلام عليكم جميعا

البارحه جالسين انا وجماعه مثلكم وشرواكم وتحادثنا في موضوع وبغيت من اللي يعرف يوضحلي .

الطير النعيري . ماهو ؟ هل هو فصيله كالوكري او انه حجم فقط يعني مقاس اصغر من الحر التام واكبر من المثلوث ! او شو بالضبط ؟ يعني لو ان في عش واحد تلقى فروخ منهن حرار تامات وفيه نعيري ! اريد تفاصيل بشان النعيري اكثر الله لا يهينكم وشهو ماكره اذا في شي معين ماعتقد تسمية بمنطقه النعيريه :D ..

ثاني شي اللي ينقاله ربع حرار . تعريف ربع الحرار شو هو وهل له لون معين او ماكر وشياء من هالقبيل
ترا خويكم راعي جير :good2:

وتسلمون

[ابـــًًو تركـــًي]

يفيدونك الاخوان

[ولد مساكن]

السلام عليكم و رحمة الله تعالى و بركاته

الطير النعيري هو الطير الأشقر إذا ما تضأل حجمه بعض الشيء ولكن مقاييس حسنه وشكله بهي وهو نادر و غالبا مايميز بجرأه منقطعه النظير و هو يتميز بنقط منتظمه الشكل في اطول

ثلاث ريشات في الجناح وهن الموس والطوايت و النوايف و هي علامه ينفرد بها عن بقية الطيور

و بها قال الشاعر :

( شليله كما القرطاس مافيه حتى غبار---- ودق النعيري فوق الامواس كاسيته )

و هذي صوره للنعيري إستعرتها من أحد مواضيع أخونا المزروعي
http://www.mekshat.com/pix/upload/images49/mk57508_%7E3254963.jpg

[المغتر2]

السلام عليكم
الربع هو مثلوث حرار
واكثر شي عندنا بالكويت نقول ربع
والوانه اكثر شي احمر
وانشاء الله اني افدتك

[7or 100]

ما قصروا الاخوان الله يعافيهم

[333]

ماقصرو الخاون كفو ووفو
تقبل مروري اخوك:333

[صاحب نوماس]

ماقصر ولد مساكن افتاك ,,,,

[عشيق الحر]

يعني الحين النعيري هو حر ولا وشو بالضبط

[ولد مساكن]

نعم هو الحر الأشقر إذا ما تضأل حجمه بعض الشيء ولكن مقاييس حسنه وشكله بهي وهو نادر و غالبا مايميز بجرأه منقطعه النظير و هو يتميز بنقط منتظمه الشكل في اطول

ثلاث ريشات في الجناح وهن الموس والطوايت و النوايف و هي علامه ينفرد بها عن بقية الطيور

[بارود22]

السلام عليكم
الربع هو مثلوث حرار
واكثر شي عندنا بالكويت نقول ربع
والوانه اكثر شي احمر
وانشاء الله اني افدتك
مالك لولا يالمغتر
المثلوث يفرق عن الربع او (( الكوبج ))
المثلوث اكبر من الربع .... والربع تجي احجامه مثل احجام تبوع الشواهين
وهو طير مثل باقي الطيور له موكر في كل دوله
والوانه مثل باقي الطيور فيه الحمر والاشقر والاخضر والابيض

[قرناس شماالي]

مالك لولا يالمغتر
المثلوث يفرق عن الربع او (( الكوبج ))
المثلوث اكبر من الربع .... والربع تجي احجامه مثل احجام تبوع الشواهين
وهو طير مثل باقي الطيور له موكر في كل دوله
والوانه مثل باقي الطيور فيه الحمر والاشقر والاخضر والابيض
:good2: :good2: :good2: :good2:

[قنيص غبر]

ولد مساكن: الله لا يهينك يالذيب ماقصرت
بارود : مشكور اخوي لا عدمناك ..
المغتر : تسلم يا الطيب
البقيه : تسلمنون على الردود

[مشبر البران]

الأخوان ما قصروا

[الفياض***]

ما قصروا الاخوان

معلومة مفيدة

[أبو فيصل]

السلام عليكم و رحمة الله تعالى و بركاته

الطير النعيري هو الطير الأشقر إذا ما تضأل حجمه بعض الشيء ولكن مقاييس حسنه وشكله بهي وهو نادر و غالبا مايميز بجرأه منقطعه النظير و هو يتميز بنقط منتظمه الشكل في اطول

ثلاث ريشات في الجناح وهن الموس والطوايت و النوايف و هي علامه ينفرد بها عن بقية الطيور

و بها قال الشاعر :

( شليله كما القرطاس مافيه حتى غبار---- ودق النعيري فوق الامواس كاسيته )


و هذي صوره للنعيري إستعرتها من أحد مواضيع أخونا المزروعي
http://www.mekshat.com/pix/upload/images49/mk57508_%7E3254963.jpg




وصف جميل من الأخ ولد مساكن

وهو الحر التركماني اللي ما يتعدى 16,5 في الطول ولون أيديه وضبته صفراء ومنقاره أقطم وراسه ما فيه مدامع أو تكون بسيطه ... طبعآ يسمونه نعيري في السبعينات لقلة جلبه للخليج ولا أعرف سبب تسميتها بهذا الأسم ولكن بعضها يصاد في أيران لقربها من حدود تركمانستان يعني لدق حومه في تركمانستان دخل أيران

[ولد مساكن]

وصف جميل من الأخ ولد مساكن

وهو الحر التركماني اللي ما يتعدى 16,5 في الطول ولون أيديه وضبته صفراء ومنقاره أقطم وراسه ما فيه مدامع أو تكون بسيطه ... طبعآ يسمونه نعيري في السبعينات لقلة جلبه للخليج ولا أعرف سبب تسميتها بهذا الأسم ولكن بعضها يصاد في أيران لقربها من حدود تركمانستان يعني لدق حومه في تركمانستان دخل أيران

الله يسلّمك خوي أبو فيصل , و الله وصفك الأجمل و قد شرّفني مرورك على مشاركتي المتواضعه

ملاحضه : الطير اللي في الصوره طرح إيران

[المقناص2010]

ابو فيصل تاكد اخي الكريم

من الدعوج المدامع
لون الكفوف

بديت اشك في صقارتك كلامك خطاء من الناحيتين وسوف اوفر لكم تقرير كالم هذا المساء

[أبو فيصل]

ابو فيصل تاكد اخي الكريم

من الدعوج المدامع
لون الكفوف

بديت اشك في صقارتك كلامك خطاء من الناحيتين وسوف اوفر لكم تقرير كالم هذا المساء


هات علومك طال عمرك ترى صقارتي قديـــــــــمه و نعض و نفلت أحيانآ مع مرور الزمن بس يبقى الأختلاف في وجهات النظر لا يفسد للود قضيه

وأزيدك من الشعر بيت ما بعد لقيت صقاقير ما يتعايون عند الطيور وترى في كل شي ... لكن أنا أبقترح نحط موضوع فيه صور الطيور وكلن يذكر جنسية الطير من صورته و تقاطيعه ... خلنا نشوف رأي المشرفين بس ترى ما في الطيور بنغالي