صوت ماء يخض كنه وسط صميل

[السنع كله]

لي كم يوم اسمع في سيارتي هذا الصوت من الجهة اليمنى تقريبا وخاصة عند الملف يمينا بقوة هو وش يصير ابد كنه ماء في علبه وماملاها
بصروني دابتي سوبر بان 99دبل ماشي نص مليون كم

[_دربيل_999]

هلا فيك اخوي..
يمكن صوت البنزين في التانكي..
عب الصميل ..عفواً التانكي فل وشف الخضخضة تروح ولا لاء..http://www.alrahalat.com/vb/images/smilies/biggrin.gif
لاتنسانا من اللبن هههههههhttp://www.alrahalat.com/vb/images/smilies/biggrin.gif
الله يوفقك..

الروقي..

[السنع كله]

هلا بك ابشر باللبين فوقه زبده
لا وسلمك الله لاعلاقة له بالبانزين موليه واحسه قدام والتانكي خلف وركها

[ميكا مكشات]

إذا كان الصوت عند رجلين المعاوني إحتمال كبير يكون من المكيف أو الدفاية ولكن هل..؟ تنقص موية الاديتر تأكد من ذلك ..عموما حاول فتح لي تصريف مياه التكثيف للمكيف الموجود تحت مواسير الدفاية من الخارج ... او أن الصوت يكون موية محبوسة في البدي من تحت من جراء الامطار...

تحياتي....

[شاص]

الله أعلم إنه صوت الماء بثلاجة المكينة

[فحل الجو]

هذا الله يسلمك بلف ثلاجة الحار داخل الطبلون اذا طلع الصوت أفتح على الحار ومن ثم اغلقة وينتهي بأذن الله والحمدلله انه صوت ماء وليس صوت دفرنس :D

[رفيع المقآم]

هلا بك اخوي السنع كله
هل عندكم بديرتكم امطار وانت دخلت بالسياااره بالمناقع يعني دبل وجمس مرتفع
هذا سواالي اذا كان الجوااب نعم فانا كد شفت موضووع ان واحد يصيرله زيك ورد عليه ثاني يقول ارفع موترك بستم وشف فيه تحت الموتر ربلات سووود افتحهن ويطلع الماء بكمياات كبيره هذا ما عندي وارجو ان افدتك
تقبل مرووووري

[السنع كله]

باهلا فيكم والنعم والله فيكم:ميكا مكشات::شاص ::فحل الجو::منوتي الشاص::ياسلام عليكم وجعلكم موفقين لكل خير
اخوتي دام فضلكم الاديتر عندي ينقص واجد وليس تهريب منه ولا من طرنبة الماء ولا خراطيش ولا غطاء الاقرب تبخير مع القزوز ان صدق التخمين ومابد من فتح مكبنه وهذا اللي رادني لان فتحها يتبعه امور وامور
ولم ادخل وسط ماء اطلاقا لكن هل تتوقعون نقص الاديتر يروح للمكيف ووين يمكن ينحبس

[ميكا مكشات]

إذا فيه رائحة موية إديتر داخل الغمارة معناتها تهريب من الدفاية شغل المكيف على البارد وشم رائحة المكيف وبتعرف.............. أو يروح تحت الفرشات أو يدخل داخل البدي

اما إذا كان التهريب عن طريق القزوز معناتها الراس أو وجه الراس

تحياتي ....

[السنع كله]

اما إذا كان التهريب عن طريق القزوز معناتها الراس أو وجه الراس

فهمني ياطويل العمر والسلامة

[غربي هواوي]

ما داوم فيه صوت ماء شكله الثلاجة

واذا شفت انها بدت ترتفع حرارة السيارة

افصل الحار

[كاسر الأمواج]

وديها لميكانيكي .... شاطر

[محتار نجد]

افضل وديها لاكثر من ميكانيكي وشوف توافق التشخيص
وان بغيت الشور ما دامه ماشي واجـــــــــــــــــــــــــــــد
غيره وارفع الموديل شوي
لا يتقضقض العود ويتعبك موفق خير ان شاء الله

[salih100]

تصير معي في كامري وفي فترة البرد فقطططططططططط وهي والله اعلم الماء الدافئي الي يجي من المكينه لدفاية المكيف وما عليك منها ضرر موليه واذا بغيت تفتك منها افصل الليات وسدها ببوجي بس ترا ما فيه تدفيه بعدها

[ميكا مكشات]

اما إذا كان التهريب عن طريق القزوز معناتها الراس أو وجه الراس

فهمني ياطويل العمر والسلامة


يعني الراس مشعور

[السنع كله]

واذا الراس مشعور ماهي علاماته وكم قيمة تصليحاته
وجعلك ماتشوف شر

[ميكا مكشات]

واذا الراس مشعور ماهي علاماته وكم قيمة تصليحاته
وجعلك ماتشوف شر

الماء ما يقعد بالإديتر ولا تشوف تهريب ماء وإذا شغلت والموتر بارد يتفتف ويطلع ماء ( أسود ) مع الشكمان وإذا إحتمى الموتر التفتفة تروح والماء ينقطع ليش ينقطع لانه يتبخر قبل ما يطلع مع الشكمان إذا هذه العلامات موجودة عندك يبي لك تغيير الراس وهذا يختلف من سيارة لسيارة ومن تشليح لتشليح ومن محل لمحل

على العموم أنا متفائل ولا عندك هالكلام انشاء الله


تحياتي..........

[سوبر VTC]

وين موقعك ادلك على ورشة ؟
قد يكون عندك ضعف بوجه الراس مايحجب الماء عن الزيت
او
عندك تهريب او تبخير باحد طبات السلندر (رقعه)
او الرقعه اللي بين القير و المكينة
قد تكون المشكلة
من الثلاجة اللي امام الراكب
ارفع الفراشة اللي تحت رجلين الراكب
احتمال تحصل اثر ماء من الثلاجه او من مواصيره
تفك الثلاجه و تلحم

افتح غطاء الزيت و الموتر حار
اذا حصلت على نفس الغطاء حليب ابيض بخار فهذا ماء
يصير ضعف بوجه الراس مايحجب الزيت عن الماء
او شعر بسيط بالراس

[السنع كله]

حياكم واسعدكم وهداكم ومن كل ماطلبتموه اعطاكم سيارتي شفرصالون 99وانا في الرياض وياليت اعرف ورشة تعمل صح
وشكرا للجميع اللي اتحفونا بتعليقاتهم