استفسارات عامه

[mr.kif]

مسّاكم الله بالخير


كم سؤال على السريع وانشاء الله القى الإفاده منكم

اشوف ناس يسقون طيورهم الماء عن طريق بخاخ المويه .. هل الطريقه زينه ولا طرية الصحون ؟ وان كان الاولى ازين يا ليت تعطونا تفاصيلها

..

وش العلف الزين للطير وكم مقدار اللحم يعني اعطيه نص حمامه ربع .. ووش الافضل اذبحها له طازه ولا مجمده

..

في الملواح وش ازين شي احط له سمانه ولا حمامه والقطعه صغيره ولا كبيره .. وهل اخليه ياكل اللي في الملواح

..

و الايام هذي ادعيه كل يوم ولا في الاسبوع مرتين ولا مره كل اسبوع ؟ وهل اعزل الصيده على طول


..

المفردات هذي يا ليت توضحونها لي

التنسير أو النسر , الثندوه



في النهايه بيّض الله وجيهكم سواء افدوتني او لا

[ابـــًًو تركـــًي]

الاحسن البخاخ الافضل يكون هو الي يذبحها وتقدر تعطيه حمامه وا نصف لاعادي حط فريه او قطع من اللحم ادعيه مره والنسر هذا طير التنسير هو اذا الطير فيه كسره من الريش ويقولوله موسر تقبل مروري

[المقناص2010]

نصية اخ لا تصقر طير حتى تخاوي صقاقير يعلمونك علشان ماتعذب البهيمه وشلون تعطي طير علف مجمد هل تدخل العقل هالكلام

[ابـــًًو تركـــًي]

وشلون تعطي طير علف مجمد هل تدخل العقل هالكلام
فيه ناس تعطي طيورها علف مجمد بس تخلي برا الفريزر لمدة ست ساعات تقبل مروري

[بعيد الهقاوي1]

هلا والله ومرحبا باخونا

بالنسبه للبخاخ ماهو زين اذا كثرته لانه يجيب الرداد للطير والمويه تدخل بالرئه احسن طريقه

اخذ لك فنجال وحطه عند منقار الطير وخله يتذوق المويه ويشرب وهو في برقعه وبعدين بدون برقع

اما العلف فحسب الطير اذا طيرك كبير تكفيه الحمامه واذا مثلوث نص مافيه مشكله والعلف على حسب الطير

اما الملواح فأفضل شي انه بدون حمامه ولا سمانه لانك تعذبها بالسحب احسن شي اخذ الملواح ومعاك حمامه ميته

او لحمه او سمانه عاد علفك اللي بتعطيه وبعد مايمسك الطير الملواح عطه العلف على يدك


اما الدعو فأفضل شي انك كل يوم تدعيه عشان تحافظ على لياقة الطير واذا ماتقدر يوميا خله يوم بعد يوم

اما المصطلحات اللي تبغا تعرفها /

التنسير او النسر : هو انك تعطي الطير علف بسيط مثلا لما يصيد الحمامه تقطع رجلها وتعزل الطير فيها بس

والنسر هو العلف البسيط جدا او الذواقه ..

والثندوه : هي صدر أي طير تسمى الثندوه ومجموعهن الثنادي ..

[بعيد الهقاوي1]

بالنسبه لاخوي صقار الوجه يقول ان التنسير هو مكسور من ريش الطير ويسمى موسر

اقول معلومتك خأطئه يالغالي هذاك اسمه التوسير ماهو التنسير التوسير تركيب ريشه للطير بدال المكسوره

اما التنسير انا موضحه في ردي فوق .

وشكرآ .

[أبو خاااالد]

افاادووك الاخوان...

[7or 100]

هلا والله ومرحبا باخونا

بالنسبه للبخاخ ماهو زين اذا كثرته لانه يجيب الرداد للطير والمويه تدخل بالرئه احسن طريقه

اخذ لك فنجال وحطه عند منقار الطير وخله يتذوق المويه ويشرب وهو في برقعه وبعدين بدون برقع

اما العلف فحسب الطير اذا طيرك كبير تكفيه الحمامه واذا مثلوث نص مافيه مشكله والعلف على حسب الطير

اما الملواح فأفضل شي انه بدون حمامه ولا سمانه لانك تعذبها بالسحب احسن شي اخذ الملواح ومعاك حمامه ميته

او لحمه او سمانه عاد علفك اللي بتعطيه وبعد مايمسك الطير الملواح عطه العلف على يدك


اما الدعو فأفضل شي انك كل يوم تدعيه عشان تحافظ على لياقة الطير واذا ماتقدر يوميا خله يوم بعد يوم

اما المصطلحات اللي تبغا تعرفها /

التنسير او النسر : هو انك تعطي الطير علف بسيط مثلا لما يصيد الحمامه تقطع رجلها وتعزل الطير فيها بس

والنسر هو العلف البسيط جدا او الذواقه ..

والثندوه : هي صدر أي طير تسمى الثندوه ومجموعهن الثنادي ..

الاخ ما قصر وكلامه ما عليه غبار :good: :good: :good:

[mr.kif]

لآهنتوا جميعا

اخوي المقناص 2010

يمكن انا ما وضحت كلامي زين او ما وصلت المعلومه زين

انا اقصد بالمجمده يعني انك تطلعها قبل لا اعلفه بـ ساعات يعني لين تدفا

ع العموم انت ما قصرت واخواني ماقصروا