جمس 2007 جنني transmisson Hot

[bu hadi]

السلام عليكم ورحمة الله وبركاتة

مثل ما هو مكتوب عندي وانيت موديل 2007 الشكل القديم

توني موضب القير ومضبطة وتعاشيقة من اروع مايكون

لا كن سالفة حرارة القير في الطبلون جننتني

خاصة اذا انا في البر والموتر ماعشق رابع تظهر في الطبلون transmisson Hot

وعاد خذ الحنة ماعاد يعشق يستوي ثقيل مرة لازم اوقف ابرد وفتح الكبوت 10 دقايق وعقبة تختفي الكتابة

المهم رحت وركبت لة مبرد خارجي وكنك يا بو زيد ماغزيت ماسوى شي ولا ستفدت منة

الأخير رحت للي وظبة وقام يتفحص ابو هنود حط الكمبيوتر ولا طلعلة كود فقط طلع transmisson temp

حرارة في القير فقط بدون اي اكواد

قال القير سليم مافية شي فقط عندك مشكلة حرارة

شيك على اللديتر حق القير وحصلة متسكر !!!!

من زود العجز فكة لحالة وصيخة على قولتة وغير الزيت وحط لي زيت فورد !!!

قال الموتر جربتة والحين تمام اذا طلع لك المسج مرة ثانية غير الرديتر

السؤال الرديتر جديد ماخذ لة شي ولا ينقص والمكينة ماتحتر عادية تحت المية بشرطة

ولا صلحت السيارة حتا بعض الأوقات على الخطوط وانا ماشي يكتب لي القير ساخن

ولازم اوقف ابرد وش السواة ؟؟؟

هل اغير اللديتر كامل رغم انة جديد مافية شي ؟ او اسيخة عند حقين الرديترات او اغير الزيت وحط DEXRON V

ابي الفزعة الله لا يهينكم كرهت الموتر رغم انة جديد

[ميكا مكشات]

هل القير فعلياً يحتر وهذا ملاحظ إذاً هناك خلل في القير أو دورة تبريد الزيت

أما إذا كان القر ما يحتر يجب فحص الحساس

تحياتي.

[صقر ا لفز عة]

السلام عليكم ورحمة الله وبركاتة

مثل ما هو مكتوب عندي وانيت موديل 2007 الشكل القديم

توني موضب القير ومضبطة وتعاشيقة من اروع مايكون

لا كن سالفة حرارة القير في الطبلون جننتني

خاصة اذا انا في البر والموتر ماعشق رابع تظهر في الطبلون transmisson Hot

وعاد خذ الحنة ماعاد يعشق يستوي ثقيل مرة لازم اوقف ابرد وفتح الكبوت 10 دقايق وعقبة تختفي الكتابة

المهم رحت وركبت لة مبرد خارجي وكنك يا بو زيد ماغزيت ماسوى شي ولا ستفدت منة

الأخير رحت للي وظبة وقام يتفحص ابو هنود حط الكمبيوتر ولا طلعلة كود فقط طلع transmisson temp

حرارة في القير فقط بدون اي اكواد

قال القير سليم مافية شي فقط عندك مشكلة حرارة

شيك على اللديتر حق القير وحصلة متسكر !!!!

من زود العجز فكة لحالة وصيخة على قولتة وغير الزيت وحط لي زيت فورد !!!

قال الموتر جربتة والحين تمام اذا طلع لك المسج مرة ثانية غير الرديتر

السؤال الرديتر جديد ماخذ لة شي ولا ينقص والمكينة ماتحتر عادية تحت المية بشرطة

ولا صلحت السيارة حتا بعض الأوقات على الخطوط وانا ماشي يكتب لي القير ساخن

ولازم اوقف ابرد وش السواة ؟؟؟

هل اغير اللديتر كامل رغم انة جديد مافية شي ؟ او اسيخة عند حقين الرديترات او اغير الزيت وحط DEXRON V

ابي الفزعة الله لا يهينكم كرهت الموتر رغم انة جديد


وعــــــلـيــكــُـم الــــــــسـلام
عـزيـزي / أبـو هـآدي
أهـــــــــلآ بـــك يـا لــطــيـب وبـــــــــــعــد :
عـــــآمل ا لـمـوضــوع مـن جـمـيـع جـوآنـبـه .


فــأذا نــظــآم تـبــريـد {{{ قربة ماء التبريد / اللديتر }}} حــآر فسوف يحتر القير
والـمــُـحـرك و القيـر أســرع ليـحـتـر
و الـحـرآرة خــطـيـرة جـدآ على القير خـآصة .
ومــُـدمـرة للــقــيـر قــبل الـمـُـحـرك :
وزيـن أنـك زودت مــُـبـرد {{{ قربة تبريد زيت القير / لديتر}}} .
بــآقــي أنك تــتــأكــد مـن مـــــــــسـتوى الزيـت بـحـيـث لا يــنــقــُص و لا يـزيد... :good2: :D ;) :) :good:


والـزيـت الـذي ذكـرتــُه أنــتDEXRON V مـن أفــضل الزيـوت للقير التـمـآتك .


أ ضـــُـن َ و الله ُ أ عــــــــلـم أن ا لـزيـت نـآقـص .


طـريـقـة فـحـص مـــــســتـوى زيـت الـقـيـر أنــك تـمشي الـسـيـآرة مـشـوآر لا يقل عن 5 كلم :
ولمـا تـوصل المـكـآن المـــــسـتوي الذي بـتـقـيـس بـه الـزيت :
يـجـب أن يـكـون عـلى ســــطـح مــــــــسـتوي {{{ لا هـو نآزل ولا هـو طـآلح }}}.

قــبل الـوقـوف /
مــرر عـصـاء الـتـعـشـيـق على جـمـيـع الـنـمر وخلها شوي بكـُل نمرة :
{{{ الــ D , L , 1 , 2 , 3 P N }}} ...

بــــعــديـن حــُـط ا لـتـعـــشــيـق فــي وضع الـتـوقـيـف P
والســيـآرة شــغــآلة لا تطفيها أبـد :

أســـحـب عــصـاء الـقـيـآس وأمســح الـزيـت مـن عـلـيـهـا ورجـعـهـا مـرة ثـآنية
وأســـــحـبـها ا لآ ن و قــــــــــس الـزيـت في ضوء وآضح :
ولازم يـكـون مـسـتوى الـزيـت
بـين أسفل شي وبين أعلى شيء في نـقـآط القيـآس
بين فـول Full و Add أو بــيـن :
مـثـل مـا في هـذي الصور تـحـت بـيـن الـنـقـآط بـأسفل العـصـاء :
https://w05.dealerconnect.chrysler.com/service/mds2002/serviceInfo/en_US/800a84e5.gif


شــــــــُـــف هــذي تـحـت يــقـول لــك بـــيــن ا لـبـآرد Cold بــأ ســــــفـل ا لــعــصـاء
و ا لـحـآر Hot بـأ عـلـى مـنـهـا شـوي حوآلي بـوصة بيـنـهــُـمـا :
http://mdt.volvospeed.com/images/repairs/atf_dipstick_marks.jpg




هـــــُــنــا تــحــت بـــيـن ا لــ الأي A و ا لــ بي B


http://ww2.justanswer.com/uploads/ttiger79/2008-07-24_222449_1.gif




http://www.aa1car.com/library/dipstick_add.jpg



لــو Low و مـــآكس . Max


أو بـــــيـن مـن . Min و مــآكـس . Max


كــُـلـهـا بـنـفــس الـمـعــآني و الـهـدف .


شـــــُـف دروســــي هـذي تـحـت تــتـعـلــق بـمـوضـوعـك هـذا :
ا لـحـرآ رة / ا لـحـرآ رة / ا لـحـرآ رة / حـلول سـريعة لو أشـتـكـيـت من حرآرة مـُحـرك (http://www.mekshat.com/vb/showthread.php?t=244293) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=244293) 2 (http://www.mekshat.com/vb/showthread.php?t=244293&page=2))


وش تـسـوي أذا بسـيـآ رتـك حـرآرة أو صوت با لمـروحة (بقـآ بـضها / الكلتش). (http://www.mekshat.com/vb/showthread.php?t=225828) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=225828)2 (http://www.mekshat.com/vb/showthread.php?t=225828&page=2))


لـو تـفـتـف أو قـطـع أو سـخـن مـُحـرك سـيـآ رتـك وش الحـل ؟؟؟ سـلـسـلة صلحها بنفسك (http://www.mekshat.com/vb/showthread.php?t=224537) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=224537)2 (http://www.mekshat.com/vb/showthread.php?t=224537&page=2))


حل مُشكلة تـهـريـب الزيت لمـُحركك أو قـيـرك أو الترس التفاضُلي مـن غـطـاء الكرتير ؟ (http://www.mekshat.com/vb/showthread.php?t=232723) :


قـلـل حرآرة مُحركك>< وكـيـف تـُـوآجـه سـخـونة مـُحـرك سـيـآرتك أو قيرها التمآتك >؟؟؟. (http://www.mekshat.com/vb/showthread.php?t=229941)


لـو أشـتـكـيـت مـن حرآرة مـُحـرك سـيـآرتك وهي وآقفة بعد ما تــشـغـل الـمـُكـيـف ؟؟؟ (http://www.mekshat.com/vb/showthread.php?t=230125)


أذا نـظـآم الأشـعـآل أبو ديلكو وآحد وما هو موزون صح يـزيد حرآرة الـمـُـحرك وبذلك القير :
نـظـآ م الأشـتـعـآ ل لـمُحركآت الأشتعآ ل ا لدآخلي Ingnition System (http://www.mekshat.com/vb/showthread.php?t=216629)



مـوفــق
وتـلـقـى خـيـر.


""" و الله ُ أعــــــــلـم وأكـــــمـــل """
تـــآ بــع د ر و ســـي لـلـفـآ ئـد ة:
أ ُعـلـمـك كـيـف تـُـصـبـح مـُهـنـدس سـيـآ رآت وكـهـربائي سيارآت ومـنـآزل ؟؟؟ 100% (http://www.mekshat.com/vb/showthread.php?t=226714) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=226714)2 (http://www.mekshat.com/vb/showthread.php?t=226714&page=2)3 (http://www.mekshat.com/vb/showthread.php?t=226714&page=3))


أن تـرى أني قـد أفـدتــُـك بــشيء ذا مـعـنى ... ;)
وأستحق مـــــــنــــــــــــك دعوة صالحة
فـــلا تــنــــــــــــــســآ ني :no2:
مـــــن صــــــآ لـح د ُعـآك.
http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)
تـحـيــــــــــــــــآ تي
<<< أ بـو عـبـد ا لـرحـمـن >>>
""" ا لأ صـيـل ا لـحـجـآ زي """
{{{ صــــــقــر ا لـفــز عـة }}}

[لن أمل من العطاء]

حبيبي

اذا كانت حرارة السيارة طبيعية
فالمشكلة من دورة تبريد الزيت

الزيت لا يصل الى المبرد بنفس الكمية المطلوبه
انسداد في المبرد
الزيت ناقص او زايد او لا يكون حسب الواصفات
نوعية الزيت تجده على معيار الزيت وتجد مكتوب نوعين او ثلاث
اختر اضل نوعية زيت موجود على العيار ولا تستخدم غيرها ابدا ابدا

سؤال هل قبل التوضيب كان يسخن؟
اذا كانت الاجابة لأ
فالمشكلة من التوضيب او يمكن يحتاج اعادة ضبط للبرمجه
من الممكن للزيت بلف خروج في وقت حرارة معين والتوضيب اخر عملية فتح البلف بذلك يسخن الزيت
مجرد تخمين

[bu hadi]

هل القير فعلياً يحتر وهذا ملاحظ إذاً هناك خلل في القير أو دورة تبريد الزيت

أما إذا كان القر ما يحتر يجب فحص الحساس

تحياتي.

مراحب اخوي وشكرا لك على تجاوبك

اكيد القير يستوي ناار لما امد ايدي لمواصير الزيت الي رايحة للديتر فعلا حارة
ولديتر السيارة ناااار بس المبرد الخارجي ثلج !!!!
ولو كان من الجرة من داخل القير كان سمعت لها صوت !!!
الموتر من ازين مايكون فقط لين كتب حرارة القير يطول في التعاشيق ويحن واذا برد رجع كما كان

هذا وحنا في عز الشتا عجل في الصيف وش بيسوي ؟؟؟

اخوي {{{ صــــــقــر ا لـفــز عـة }}}
بيض الله وجهك عز الله انك راعي فزعات ونعم فيك ولا يهونون الأخوان
بجاوب اسألتك اول بأول
القير اكيد حار والسبب كتابة التحذير في الداش بورد ان القير حار وفي الكمبيوتر عند الفحص بعد
بالنسبة للزيت هو مقيوس 100% لا هو ناقص ولا زايد مثل ماتفظلت لا كن يمكن السبب نوعية الزيت لنهم حاطين لي زيت فورد يقولون ازين وجميع المواقع الأمريكية يقولون حط DEXRON V ربما يكون احد الأسباب لكن الموتر ماكمل ممشى 5000 عشان اغير الزيت
لكن يا خوك قبل مايصيخون اللديتر على قولتهم كان مايمديلي 30 الى 40 كيلو الا وهو ساخن لكن بعد ماصيخوة وبدلو الزيت قام يطول لين يسخن !!! ووقات يمشيني على الخط 150 كيلو بس الى حاسبت ورجعت مشيت يعود يحتر اما في البر وكل الله مايمشيك 10 كيلو والله اني شاك في لديتر القير الموجود مع لديتر السيارة يمكن مسدود ولا صيخوة مضبوط !!!
جعل من جابك الجنة اخوي صقر الفزعات وبيض الله وجهك على وقتك الثمين وشروحاتك الرائعة

حبيبي

اذا كانت حرارة السيارة طبيعية
فالمشكلة من دورة تبريد الزيت

الزيت لا يصل الى المبرد بنفس الكمية المطلوبه
انسداد في المبرد
الزيت ناقص او زايد او لا يكون حسب الواصفات
نوعية الزيت تجده على معيار الزيت وتجد مكتوب نوعين او ثلاث
اختر اضل نوعية زيت موجود على العيار ولا تستخدم غيرها ابدا ابدا

سؤال هل قبل التوضيب كان يسخن؟
اذا كانت الاجابة لأ
فالمشكلة من التوضيب او يمكن يحتاج اعادة ضبط للبرمجه
من الممكن للزيت بلف خروج في وقت حرارة معين والتوضيب اخر عملية فتح البلف بذلك يسخن الزيت
مجرد تخمين
مراحب حبيبي مشرفنا الغالي
لا والله قبل التوضيب ماكان يسخن كان ينتع ويحن مايبدل اما الزيت فهو تمام وعلى المعيار
بسمع مشورتكم اول خطوة بفك اللديتر وبصيخة مضبوط
وبحط لة زيت DEXRON V
ونسيت اقول لكم ان الموتر لة 8 شهور وااقف في الشركة عقب الأستعمال
لني يوم اني شريتة كنك تقول ماخذة من السكراب من لغبار والوسخ الي علية
السيارة مخلفات شركة ماخذها عن طريق شركة الجمس وهم الي يأجرون على الشركات وعقب سنتين يبيعون سياراتهم
ويمكن هالشي سوى بلوك في مواصير زيت القير داخل لديتر القير
على العموم اول خطوة بفك اللديتر وبصيخة مضبوط
وبحط لة زيت DEXRON V وبعلمكم وش صار معي عشان الجميع يستفيدون
وجعل من جابكم الجنة كفيتو ووفيتو
وياريت لو حد من الأعضاء صارت عندة نفس مشكلتي لا يبخل علينا بالحل الي سواة ويوفر علي التكاليف الي يمكن مايكون لها داعي
السيارة حجم 2500 HD
املي فيكم كبير
اخوكم بوهادي

[سوبر VTC]

وين موقعك اخوي
ادلك على ورشة متخصصة
موفق

[ابوعبدالله530]

السلام عليكم
اخوى مبرد الزيت الخارجى حق الوكاله طوله 10 سم تقريبا
وهو دوره واحده فقط
ويوجد نوع ثانى صينى ولكن ممتاز طوله 25 سم وفيه يمكن 8 او 9 دورات ويكون كبير ولونه معدنى

انصحك يالغالى تحط الصينى لانه اكبر وانا مجربه من قبل على ونيت 2004 وكانت نفس المشكله وكنت كل ماوقفت ابرد الزيت مثل سالفه موترك افصل البطاريه علشان يعيد البرمجه بعد
وانا ضربت عصفورن بحجر صيخت الاديتر ولقيته متسدد من كثر الرايش الى جاه من تخبيطه القير وركبت المبرد وصارت السياره تمام التمام ولله الحمد
ارجو انى افدتك بذلك ولو انك بالرياض وتبينى افزع لك بهذى تامر امر يالغالى

[bu hadi]

وين موقعك اخوي
ادلك على ورشة متخصصة
موفق





مراحب مشرفنا الغالي والله انا من هل قطر لا كن كل تصليحات الوانيت تكون بالحسا

سعدت لمرورك على موضوعي وتعقيبك

[bu hadi]

السلام عليكم
اخوى مبرد الزيت الخارجى حق الوكاله طوله 10 سم تقريبا
وهو دوره واحده فقط
ويوجد نوع ثانى صينى ولكن ممتاز طوله 25 سم وفيه يمكن 8 او 9 دورات ويكون كبير ولونه معدنى

انصحك يالغالى تحط الصينى لانه اكبر وانا مجربه من قبل على ونيت 2004 وكانت نفس المشكله وكنت كل ماوقفت ابرد الزيت مثل سالفه موترك افصل البطاريه علشان يعيد البرمجه بعد
وانا ضربت عصفورن بحجر صيخت الاديتر ولقيته متسدد من كثر الرايش الى جاه من تخبيطه القير وركبت المبرد وصارت السياره تمام التمام ولله الحمد
ارجو انى افدتك بذلك ولو انك بالرياض وتبينى افزع لك بهذى تامر امر يالغالى

جعل من جابك الجنة كفيت ووفيت يالغالي

هذي صورة مبرد اللديتر للقير الي انا مركبة ونوعة امريكي من عند ترايستار

http://www.compperformancegroupstores.com/store/graphics/00000006/600-820500.jpg

لكن مانفعني وانا اخوك والظاهر مثل ماقالو لخوان لديتر القير الي برديتر السيارة منسد وبصيخة بالول وبرد لكم خبر

اما عن الفزعة كتابتك وردك على موضوعي اكبر فزعة وجعل من جابكم الجنة والله يقدرني على رد جمايلكم

اخوكم بوهادي

[bu hadi]

مراحب بالجميع

اشكر كل من ساهم بمشكلتي او حاول يساعدني

ايشركم انحلت المشكلة

اليوم رحت لراعي اللديترات وقلت لة فك لي لديتر السيارة بالكامل

قال رديترك جديد لية الخساير

قلت لة فكة ولا عليك

ويوم فكة وطرحة بالرض قلت لة رح لديتر القير الي برديتر السيارة

يوم انة فكة !!!!

جعل عينكم ماتشوف الا النور

انواع التراب وانواع الطين من داخل

تخيلو حاول ينفخ ماقدر من كثر ماهو مسدود بلوكد 100%

قال زيت القير يجي ويوقف هنا مستحيل يرجع للقير مافية ولا تنسيمة

قلت عجل كيف وانا ماشي على الخطوط مايطلع ان القير حار بس اذا صرت بالبر

قال الدنيا شتا وبرى برد فالقير يجية هوى وانت ماشي ويمشي معاك اما في البر وانت تمشي شوي شوي مافية هوى يكتم لذالك يسخن زيت القير وتظهرلك بالطبلون القير حاار

بصراحة اقتنعت فردة مقنع

لخير قال رح الوكالة جب زية وروح الوكالة قالو مايجي الا كامل مع لديتر السيارة قلت بكم قالو 3000 ريال !!!

قلت وشدعوة شاري قير انا ؟

قالو مافية رح التشليح

المهم ودور على التجاري وغيرة مالقيت

كلمت المصلح قال مادام مالقيت ارجع وجب معك شوي بنزين

جبتلة البنزيم ويغطس لديتر القير فية ويخلية حول نص ساعة وبعدها قام ينفخ فية بالكمبرسر

شوي شوي قام يصبب وينفخ شوي يوم انة فتح وعقب ماتأكد انة فتح كامل 100% حط فية ماء ووراني كيف يطلع من الجهة الثانية قوي

المهم ركبناة وربي لك الحمد صلح الموتر وضبط

تخيلو اني موضب القير وهو مافية شي والسبب كلة رديتر القير متسكر

كان وهو بارد تعاشيقة تمام بس يحتر يقوم ينتع على جميع النمر والسبب طلع ان الزيت حااار يسخن مايجية تبريد

حسبي الله ونعم الوكيل على هالورش والوكالة فوقهم الله لا يحلهم ولا يبييحهم

لكن طرحت مشكلتي للأخوان لكي يستفيدو من تجربتي المرة ولا حد يسوي مثلي والتكلفة كانت 400 ريال فقط

وانا دافع الى الحين حول 8000 ريال غير التعب والشطة

لكي تعرف انة من لديتر القير الي برديتر السيارة ماهو من القير نفسة اسحب عيار زيت القير وحط يدك على الزيت

اذا هو حاار نااار ماتقدر تمسكة فهو من المبرد واذا هو حار حرارة عادية فمشكلتك مختلفة

سلامي ومحبتي للجميع والله لا يوريكم مكروة

[لن أمل من العطاء]

الحمد
لله
كل دقة بتعليمه
لكن دقتك كبيره
8 الاف

المهم
انا دايم اشدد واؤكد على ان تحديد المشكله بالضبط هو نصف الحل

موفق للخير

[بو يزيد]

انا ما كملت قراية الموضوع

بس على عجالة

جرب تغير زيت القير

و انتبه من سالفة ارتفاع حرارة القير

لأنها تلعب في صوفة القير... مع الوقت و تكرار ارتفاع الحرارة يهرب الزيت و يبغالك تغير الصوفة

[ميكا مكشات]

الحمد لله على السلامة وعساك ما تشوف شر لنت ولا من يقرأ


تحياتي..........

[أإبوشمر]

السلام عليكم
شوف غطاء الاديتر تقليد اذا كان تقليد
رح اشتر من الوكالة اصلي وجربة وشف