وشلون ادخل سيارتي معي داخل التنهات

[ابو لح لح]

السلام عليكم ورحمة الله وبركاته انا ياشباب ناوي اكشت بعطلة الربيع الجايه وحبيت اسئل من هاللحين عشان ما اتوهق بعدين.
ونيتي ان شاء الله اكشت بالتنهات لي يومين ولاكن انا جيته قبل سنه ولبقت سيارتي عند العواميد ودقيته رجليه انا والعفش اللي معي يجي لك 500 متر لين مالقيت مكان زين وانا ماودي يصير لي زي ماصار لي زي اول وسؤالي هو هل اقدر ادخل سيارتي معي جوى التنهات ولا لا ؟

واذا بوه مكان زين وبوه ربيع زي التنهات قلولي وعادي اذا كان المكان بعيد لاكن اهم شي يصير بوه ناس حوللي وللمعلوميه تراي مامعي قارمن يعني قلولي مكان ينوصف

[abofahad01]

قردن اللي على البوابة يمكن يدخلونك

بالعربي اذا ما معك واسطة لا تجي لا لخريم ولا التنهات

[المخلفي]

الفياض واجد
واكثرها طارحينها الزملاءهنا بها القسم
لو تشوف وتشيك على المواضيع بتلقى اللي يسرك
وتوقف سيارتك محل ماتبي

بالتوفيق اخوي

[عبودي2002]

خل عنك التنهات والفياض القريبه والمحاطه بصبات او مواصير عندك عطى الله الصمان وان كانت طلعتك عوائل عليك بخريم هي الي مربعه من جهتها الجنوبيه الغربيه

[جامع الغضى]

اترك عنك المحميات واطلع لصمان هناك الربيع صح لا عمود ولاشبك .والحطب واجد والخير كثير الحمد لله عندك فيضة العميى او ام المصران . والفياض واجد اترك عنك المحميات وانااخوك اطلع واستانس بحريه كامله ........:good2:

[a1Ruwais]

ارض الله واسعة والخير واجد

يعــــــطيك ألف عــافيـــهـــ

[ابو لح لح]

الله يجزاكم خير جميعا وماقصرتوا كفيتو ووفيتو بدركم السريع

هو كلامكم صحيح 100 % وانا داري انه فيه ازين بس المشكله انه مامعي قارمن ولا معي موتر على ماقال كل اللي معنا هلي وبلايزر وانا ابي مكان يوصف لاكن على العموم ابسمع نصايحكم وابحاول ادورلي منا ولامنا لعل وعسى احصلي شي زين

[ابو لح لح]

على فكره كنت ابسئلكم على طاري الصمان هو انتم تعرفون لي مكان زين هناك ويوصف
( يعني مايحتاج قارمن لانه مامعنا ) <<<<<<<<<<< تسنه يلمح



وشكرا . .

[ابولولو]

اخوى فيه حل لفيضه التنهات وخريم
فيه عربيه على كفرين ويدينه من فوق ووذفه جدا وخفيفه تحط عفشك وتدف واى واحد حرمه اوصغير يقدر يدفه وسعره زهيد وبسيط تلقاه عند راعين الاوانى المنزليه او ابوريالين
ارجوا انى افدك ملاحظه اخوى ممكن تعلم على الجوال بسرعه وتحط فيه احداثيات ويوصلك اى مكان
موفق خير

[ابو لح لح]

اخوى فيه حل لفيضه التنهات وخريم
فيه عربيه على كفرين ويدينه من فوق ووذفه جدا وخفيفه تحط عفشك وتدف واى واحد حرمه اوصغير يقدر يدفه وسعره زهيد وبسيط تلقاه عند راعين الاوانى المنزليه او ابوريالين
ارجوا انى افدك ملاحظه اخوى ممكن تعلم على الجوال بسرعه وتحط فيه احداثيات ويوصلك اى مكان
موفق خيرمشكور وماتقصر لاكن مافهمتك اخوي يوم انك تقول يمديك تعلم على الجوال و.........الخ

[مقناص 20]

لاتروح لائي مكان الا بقارمن
لاتوهق ترا البر مافيع لعب
والله يحفظك

http://img130.imageshack.us/img130/913/sign3fe.jpg

[ابو لح لح]

لاتروح لائي مكان الا بقارمن

لاتوهق ترا البر مافيع لعب
والله يحفظك



http://img130.imageshack.us/img130/913/sign3fe.jpg

مشكور وماتقصر وانت صادق الواحد المفروض مايروح منا ولا منا الا بقارمن شاكرين مشاركتك

[ابولولو]

اخوى اكثر الجولات فيه جارمن حط الاحدثيه واشتر كتاب الشبانات او الشلاش فيهن احداثيات واماكن كثيره
ارجوا انى افدك

[ابو لح لح]

اخوى اكثر الجولات فيه جارمن حط الاحدثيه واشتر كتاب الشبانات او الشلاش فيهن احداثيات واماكن كثيره
ارجوا انى افدك
ماتقصر جزاك الله خير

[صقرن مبرقع]

يابو لح لح انس الموضوع حالك حال الشعب الا اذا عاد تبيي يفتحون لك البوابه طال عمرك

[ابو لح لح]

يابو لح لح انس الموضوع حالك حال الشعب الا اذا عاد تبيي يفتحون لك البوابه طال عمرك
هههههههههههههه انت فاهم غلط انا قصدي يمدي منا ولا منا اقدر ادخل له من ورى مسوي ذيب :D

[بدر4]

عادي فككها وركبها داخل

[ابو لح لح]

للرفع......

[سوبر VTC]

على فكره كنت ابسئلكم على طاري الصمان هو انتم تعرفون لي مكان زين هناك ويوصف
( يعني مايحتاج قارمن لانه مامعنا ) <<<<<<<<<<< تسنه يلمح
وشكرا . .


الله لا يحيجك لاحد
قل امين :)

[القنـاص2008]

الاخوان افادوك

[رساوي مهاجر]

مساك الله بالخير ، وفعلا لأهلك عليك حق ، وإذا كان معك عوائل ضروري السيارة بجنبك والحلول :
- فيضة الخويش في الجزء الجنوبي من الروضة تعرفها من مدخل الشعيب على الروضة جميلة جدا ومربعة وسيارتك معك .
- تشتري العربية أم كفرات اللي ذكرها أحد الزملاء ولا تكثر العفش .
- تغير الموقع وتبحث عن بدائل مثلا روضة المسعودي عند مفرق سعد .
- تذهب إلى الأرطاوية أو الزلفي وتستأجر شقة تنام فيها والصباح تروح لشعيب جراب أو بقر أو للفياض .
وفقك الله .