تهريب دبل اليوكن

[azooz252]

السلام عليكم ورحمة الله وبركاتة


أخواني أعضاء منتدى مكشات المحترمين

اليوم واجهتني مشكلة وقلت مالي إلى الله ثم أنتم في حل هذي المشكلة

أنا معي يوكن 2004 دبل
المشكلة بالضبط قبل يومين شفت تحت السيارة زيت خفيف ولا شلت هم
البارح رحت للبر وطعست على خفيف
اليوم رحت مشوار 160 كم
تذكرت بعد العشا التهريب رحت للبنشر نزلت تحت السيارة شفت التهريب من
الدبل مالي تحت السيارة زيوت أنا قلت الدبل راح قلت للعامل زود زيت الدبل
زود الزيت قال ناقص نصف علبة
معليش طولت عليكم

أنا أبي أسألكم المشكلة هذي من وين
حل المشكلة
الدبل خرب ولا إلى الحين
تكلفة التصليح وطريقة التصليح تكفون أبي حل أنا محتار ومادري وش المشكلة

[azooz252]

وينكم ياشباب أنا في حيرة من أمري

[براق الحجاز]

وعليكم السلام ورحمة الله وبركاتة
يا أخي الكريم قد مرت علي نفس المشكلة وكانت الصوفة وقيمتها 70 ريال وتركيبها غالي شوي ولكن أذا الصوفة هي خربانة عندك لاتشيل هم ولين تصلحها حافظ على مستوى الزيت لاينقص وأذا ماطلع الدبل صوت طقطقة أن شاء الله مافيه شي

[بدوي جنوبي]

الدبل فيه صوفتين فقط
وواعتقد ما يتعدى سعر الواحده 100 ريال وتركيبها ب 50 ريال فقط

ويش نوع الزيت اللى اضافه البنشر
بالتوفيق

[azooz252]

أولاً مشكورين وماقصرتو وجزاكم الله خير
زيت قير ac delco
أنا رحت اليوم للورشة قالي التهريب فية شعر بجرم الدبل

[omerqaz]

صحيح ان الصوفه ما تتعدى 100 ريال
لكن تركيبها اقل شي 300 ريال

[عاشق بترول]

السلام عليكم ورحمة الله اخوي الكريم الدبل سليم باذن الله ولكن انت عندك جرم الدبل صر فيه خرق بسيط جراء ظغط طرنبه زيت الدبل بمكنك تتلحق المشكلة قبل ما تكبر طريقه تصليح تكون 1 تغير جرم الدبل بوحد جديد او مستعمل 2 تثبيت طرنبه الزيت بلحم وسد ماكن التهريب بلحم كذلك ..... 2 تقريباً 500 وانت وشطرتك و1تقريباً700 ولاتنسناء من الدعاء اخوك عاشق كشتات

[مغلي]

الدبل فيه صوفتين فقط
وواعتقد ما يتعدى سعر الواحده 100 ريال وتركيبها ب 50 ريال فقط

ويش نوع الزيت اللى اضافه البنشر
بالتوفيق


بس 50 ريال قيمة تركيب الصوفه لدبل اليوكن
.
.
انا قريت هنا بالمنتدى
ان سعر تركيب صوفة الدبل بين 800 ريال الى 1000 ريال
فمن الصح ومن الخطا

[سوبر VTC]

وش صار عليك اخوي ؟؟؟

موتري جمس م2001
عندي تندية بجرم الدبل تعريق
و ينقص تقريبا بالسنة حول البيالة فقط

اذا كان تعريق لاتحرك ساكن
و اهم شيك على مستواه كل فترة
اغسل الجرم بالبخار او بنزين
عشان تحدد مصدر التهريب بالضبط
موفق

[الواااافي]

السلام عليكم ورحمة الله وبركاته

اولا بخصوص تهريب زيت الدبل
ان كان ندى بس فهذا من الصوفه

وان كان تعريق يقطر فهذا شرخ في جرم الدبل لانه المنيوم ومثل ماقال vtc اخونا العزيز بسبب طرمبة الزيت
وترا على فكرة طرمبة الزيت ماتشرخ الجرم الا بسبب

نوع الزيت المستخدم في الدبل على حسب كتالوج موتري سييرا 2006 زيت جي ام سوبر تراك تو لون الزيت ازرق وزيت القير لونه احمر
وانا بدلت الزيت للدبل مسوي فيها فاهم بزيت قير للجمس من فتره وعقب استعمال الدبل شرخ الجرم وقام يهرب بسبب نوع الزيت
وبدلته ب1200 ريال قيمة الجرم من قطع الغيار في محل السبيعي بالرياض والتركيب ب1000 عند ترايستار في الخرج والصوفه 360 ريال هذي فوق البيعه مع انها ماكانت خربانه بس احتياط وجلبه ب 170

والسبب الثاني لشرخ جرم الدبل المطامر بالسياره وعندك احد كراسي المكينه ولا القير منكسره ولا المساعدات اللي قدام منتهيه

وسلامتك والعذر على القصور

[الواااافي]

ترا قطع الغيار كله اصلي جي ام ماهيب اي سي ديلكو :)

[مغلي]

هل الموضوع عن تهريب الدبل او تهريب الدفرنس الامامي
لان الموضوع التبس عندي

[سوبر VTC]

هل الموضوع عن تهريب الدبل او تهريب الدفرنس الامامي
لان الموضوع التبس عندي


شفت التهريب من
الدبل مالي تحت السيارة زيوت أنا قلت الدبل راح قلت للعامل زود زيت الدبل
زود الزيت قال ناقص نصف علبة

[alqadi2002]

شكرا على التوضيح ....
وأحب أزيد شغلة بسيطة ثانية للموضوع لأنه حصل معي نفس الشي تهريب للزيت ..
فيه فتحة تهويه في جرم الدبل يكون منها أحيانا تهريب إذا كان هناك فضاوة في عصى الدبل يعني من الجلدة الداخلية للدبل والإصلاح بيكلف تقريباً 500 ريال فك الدبل وتغيير الجلدة ,,,,

[بوخضب]

الله يستر انا عندي زيت تحت يم الكنداسة