الول مقناص لي

[السويبع]

هاذي سالفه اول مقناص حباري لي
كان عمري 13سنه
طالع من المدرسه يوم ثلاثاء ولانا با ول الموسم
لقت عماني عند الباب يحملون اغراضهم
قال واحد منهم هاه خوي(يمزح)
وانا انتشبله الا با خاويكم
ياولد برد وراك دراسه بكره
قلت ماعليك
والله واخاويهم
والله ونمشي قاصدين الدهنا
ويوم وصلنا عرق جهام ونفرق والي يحطب والي يزين الدله
ويم ركدناولا

عمي معه قدم حبارى ويوريني الجره كيف تجي
ونرقد وانا نايم زول الجره كل ماغمضت عيوني طلع لي
ونقوم الي نزين الفطور والي يتفقد ريشه طيره من بطاريات وخلافه
وكلنا فطورنا وضهورها
وندوج الين جت الساعه 9

ونضحي لنا بذاك المكان
ويدور واحد من خويانا بوكه ولا لقاه
ونعود لم مراحنا
واشوا نلقا البوك
وحنا راجعين
انا راسي اربعه وعشرين ساعه ناطله مع الدريشه
واناضر الا هاذي الجره الي امس يورنياه عمي
الموتر يمشي
قلت يا بوسعود اناشفت لي جره
قال اخافها جره حصني :D :D :D :D
قلت عود
وعمي الثاني يرجال امش بس ماعنده سالفه
والاترجعون
يوم رجعو الا هاذيهي واطيه جره الموتر حقت الصبح
جديده ميه با الميه

والله نتقصصها وبعد ساعتين نلقاها وابشركم صدناها وزانت العلوم
وسلامتكم

[المري]

مرحبا اخوي السويبع وحياك الله يالغالي..

مبروك الصيد , وهذي اول حبارى تشوفها بس ويش اعلوم الحباري اللي عقبها؟؟ هل لقيت شي غيرها ؟؟

عطنا من علومك الزينة

[السويبع]

مرحبا بك اخوي المري
السالفه ذي مبطيه لها ثمان سنين
وفيه غيرها واجد

وانشاله اكتب لكم وحده فها اليومين الي بيجن

[هاوي مقناص]

السلام عليكم ورحمة الله وبركاته


حيالله اخونا السويبع ولاتبخل علينا بها العلوم الطيبه،وشكرا لك علي امتاعنا بهالقصه الرائعه.





اخوك الخشف

[ميراج]

السلام عليكم

مشكور اخوى السويبع

مشاء الله عليك اللى شايف الهدد وعمرك 13 سنه متولع بطيور مبكر

تحياتى