فرط المكينة .............تنصحون فيه

[شامخ ألهيلا]

السلام عليكم

اسعد الله ايامكم بكل خير

اخواني عندي لاند كروزر 2002 جي اكس ار
ولي فترة اعاني من نقص الزيت

مريت ورشة احد اصحابي ولقيته شاري باترول من مزاد الجيش وفارط مكينته ورجع يطبقها مرة اخرى
وآشار على اني افرط مكينة الجيب عنده واغير الشنبر وبعض القطع المتهالكه في المكينه

هل اسمع شوورة

او اغير شنبر بس

نبي رااايكم لاهتنم

اخوك
شامخ

[براق الحجاز]

وعليكم السلام
يا أخي الكريم الفهم الخطأ عندنا أنه أذا فرط المكينة بعد فترة تكثر مشاكلها وهذا كلام غير صحيح ولكن أهم شي أذا فكيتها لزم يكون عند واحد ممتاز وتتغير كل شي أصلي ولاتسترخص




ونصيحتي أتوكل على الله وصلحها

[kmn]

حبيبي شوف اذا ودك افرط بس اعمل حسابك انها راح تكلفك كم الف وبعدين هل خويك واثق من شغله لا يجينا اللي يقول ( جاء بيكحلها عماها ) ....
على العموم التكلفة تتقرر بعد فك المكينة وما تحتاج اما الاشياء الضرورية اللي لازم تتغير
1- طقم وجيه السعر فوق 500 ريال.
2- سبايك متحرك وثابت السعر اكيد فوق 300 ريال .
3- صنفرة بلوف 100 ريال .
4- شغل اليد 1000 الى 1500 ريال .
اما اذا قال لازم خرط مكينة نقول جهز لك فوق 8000 ريال .
1- خرط سلندر 150 ريال اقل شي .
2- شراء بساتم اكبر يعني فو 700 ريال
3- شنابر مثل مقاس البساتم اللي تبي تغيرها سعرها فوق 300 ريال .
4- تغير بلوف فوق 400 ريال .
5- طبات 100 ريال او اقل .
6- اذا خرطت الكرنك 150 ريال ولازم تغير السبايك .
7- وغيرها من الخفافيات لين توص التكلفه 8000 وفوق .

اهم شي القطع اصلي ويكون خويك ماهر في شغلة والنصيحه الاخيرة اذا كان موترك ينقص خفيف خله على حله لا تقول ( كنك يابو زيد ما غزيت )