المساعد الشخصي الرقمي

مشاهدة النسخة كاملة : مشكله في القير


النوبل
29/01/2010, 01:01 AM
السلام عليكم ورحمة الله وبركاته


أخواني


عندي مشكله ف القير والسياره جمس قير تماتيك

القير ف النمر (التعشيقات الأماميه) تمام ولا فيه مشكله

لكن اذا احتجت الريوس كأنه في الفاضي (N)

(خانني اليوم وانا ف البر وقدامي طعس وغراز حسبي الله على العدو)


ارجو من الي عنده خلفيه او مرت عليه المشكله يفيدني

والى اي ورشه اوديه ابي ورشة قيرات مجربه وشغلهم زين

ولكم مني جزيل الشكر



دمتم بحفظ الرحمن
_دربيل_999
29/01/2010, 01:48 AM
أخوي..
ياليت يكون سؤالك اوضح شوي عشان الاخوان يقدرون يجاوبوك..
انت تقصد ان الريوس في السيارة غير شغال..يعني تعشق ريوس وكأنه فاضي..
أو تقصد ان عصا القير غير مضبوطة..

ارجو التوضيح..لتحصل على الإجابة الأخوان متاكد انهم مافهموا المشكلة ايش..

تحيتي لك..

الروقي
النوبل
29/01/2010, 03:33 PM
أخوي..
ياليت يكون سؤالك اوضح شوي عشان الاخوان يقدرون يجاوبوك..
انت تقصد ان الريوس في السيارة غير شغال..يعني تعشق ريوس وكأنه فاضي..
أو تقصد ان عصا القير غير مضبوطة..

ارجو التوضيح..لتحصل على الإجابة الأخوان متاكد انهم مافهموا المشكلة ايش..

تحيتي لك..

الروقي



مرحبا بك اخوي الروقي ( دربيل 999 )

اذا عشقت الريوس كأنه فاضي مايتحرك (الريوس مايشتغل) .. تمام عليك

يعني السياره الحين ماترجع ورى

العصا تمام مافيها مشكله



احترامي وتقديري لك
Ali Al Hazmi
29/01/2010, 03:39 PM
اخوي فيه احتمال يكون حساس وهذا بسيط وفيه احتمال يكون ترس الريوس وهذا يعني
تفك جميع التروس لانه اخر ترس ويكلفك 2500 ريال واهم شي يكون ميكانيكا فاهم

ليخرب اكثر من يصلح والله يوفقك
سوبر VTC
10/02/2010, 09:59 PM
هذي ورش من الاخ ماجلان

ورشة ال موسى تخصص قير و دبل




اقتباس:
اقتباس:

عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...

والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب

وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه

وفي عندك صناعية ام الحمام ورشة القحطاني رقم 11 سوداني فلته في الكهرباء



رد من عضو اخر




اقتباس:
السلام عليكم يا اهل الجموس , نصيحه لوجه الله لا تغيرون اي قطعه الا بعد فحص الكمبيوتر , انا سيارتي الجمس ذوقتني الامرين سنه كامله حتى هداني الله الى مركز فيه كمبيوتر متخصص بالجمس 100 ريال و 10 دقايق ويقول هذي المشكله و10 دقايق والسياره 100 % الحمدلله .
موقعه : صناعية العاصمه مخرج 28 الدايري الغربي . اول شارع من الشمال ( ورشة الشباب )

بالنسبه للقير العادي هذا جوال مهندس قير نصوح بالصناعيه القديمه استفسر منه ( ابو عمار 0508229600)
ارجو التوفيق للجميع


ادخل الرابط :good:
و ان كان ودك لعل ردي يفيدك


๑×۩۞۩๑ اذا سيارتك قير اوتوماتيك وصار فيه خلل هذه بعض النصائح๑×۩۞۩๑ ‏ (http://www.mekshat.com/vb/showthread.php?t=221402)

قد تكون المشكلة ان الزيت ما يضغط للريوس
مثل تهريب او انفلات ماصورة الريوس
و قد تكون المشكلة من حساسات الكهرب
كل نمرة له حساس كهرب ‏

موفق
النوبل
10/02/2010, 10:26 PM
أخوي سوبر vtc


لاهنت

طلبنا الفزعه من اهل الخبره لكن تأخر الرد

رحت لمشعل العتيبي

وطلعت المشكله من الربل الي بآخر العمود (منقطع)

غيرت طقم اصلاح كلتش + درام + حساسين داخليه

والحمد لله ضبط والشغل قدام عيني


وأشكرك ولاقصرت ولو ان الرد جاء متأخر
ذيب العيص
11/02/2010, 01:31 PM
الله يوفق الجميع