المشورة يارجال لاتتركون خويكم

[ابو مشعل 177]

السلام عليكم
سيارتي سفاري V T C 2005 وفية رجة بالدركسون عند السرعة 90 فمافوق غيرت مساعدالدركسون وشريت استرالي من الرماية وماضبط ,
وغيرت الجلد حقت شيال الدفرنس الامامي وماراحت الرجة والكفرات جديدة ومرصصة بعد
افيدونا يااخوان واطلب منكم الحل السريع .
وجزاكم الله خير

[_دربيل_999]

اخوي..
قريت لأحد اخواني في المنتدى ان السفاري إذا قل الشحم في صليبات عمود الدوران يسوي رجة يهتز معها حتى القير.. ويؤكد هذه النظرية ويقول انه هو بنفسه ضبطت معه الرجة اللي طالما احتار فيها..
جرب ترى الدعوى خمس ريالات..
اخوي ترى صليب السفاري فيه عدة مشاحم لايشحم لك وحده ويترك البقية انزل معه في الحفرة وطالع فيه وخله يشحم كل الصليبات وكل المشاحم
وإن شاء الله تضبط..

وفقك الله

الروقي

[ابو مشعل 177]

جزاك الله خير يابن روق
بس القير توماتيك ومايرج عندي بس الطارة هي اللي ترج
ممشاة عند خط زفلتة مضبوط ماتجي هالرجة

[سوبر VTC]

هل الكفرات بالون ؟؟؟

[ابو مشعل 177]

هلا والله بالمشرف
مالك لواء
كفراته دنالوب 2009

[رفيع المقآم]

هلا اخوي الله يعينك ويحل مكلشتك مشكلتك المهم انا اعرف اللي يرج عنده الدركسون ترااه الاذرعه عموووما تقبل مرووري

[ميكا مكشات]

جزاك الله خير يابن روق
بس القير توماتيك ومايرج عندي بس الطارة هي اللي ترج
ممشاة عند خط زفلتة مضبوط ماتجي هالرجة


ذراع الدركسون هو اللي خربان فيه فضاوه جرب هزه بيدك ويبين لك خرابه



تحياتي..........

[عساف الخربوش]

السلام عليكم ياراعي الفتك وعلى اعضاء وزوار مكشات والحاضرين
اسباب الرجه والله اعلم ارفع الجيب من المقدمه بعفريته وامسك الكفر بحيث تكون يدك اليمنى تحت الكفر واليسرى فوق الكفر وحرك الكفر بقوه اذا صار فيه فضاوه فك غطاء الرمان البلي اللي فيه الشحم اللي بوسط الجنط وشد على الصاموله الى النهايه ثم ارخي عليها قليلا لكي يدور الكفر بعدها حرك الكفر مره اخرى اذا ذهبت الرجه والا شد على الصاموله مره اخرى ترااااااااه مجرب وبالتوفيق

[اسدهم]

اخوي اذا انت في الرياض مر ع الصناعية القديمة وشف شارع الي علية ميازين العضيب والمجد المهم بوة ميزان البادية تراة علاج وحدة بوحدة وتدعيلي ترا المشكلة من المساعد انا معي سفاري فل باب 1وتطلع معي الرجة ورحت للبادية وكواهاءلي

[سوبر VTC]

ابو مشعل
لاهنت
قدامك حلين باذن الله لن تتعداهم
1
ترصص ارضي
2
ترفع الكفر الامامي احد الكفرين
و تحرك الكفر بيدك فوق تحت عشان تشوف اذا فيه فضاوة ام لا
اذا فيه فضاوة يفك راس العكس و تتاكد من تيلة او وردات العكس
عادة تكون راخية

الاذرعه تكبس
في حالة ان الموتر يجنح او يطلع من يدك يهج يمين او يسار
و سبب ذلك فضاوة بالاذرعة

موفق

[ابو مشعل 177]

مشكورين يااخوان وما قصرتوا وبيض الله وجيهكم

[محتار نجد]

السلام عليكم ياراعي الفتك وعلى اعضاء وزوار مكشات والحاضرين
اسباب الرجه والله اعلم ارفع الجيب من المقدمه بعفريته وامسك الكفر بحيث تكون يدك اليمنى تحت الكفر واليسرى فوق الكفر وحرك الكفر بقوه اذا صار فيه فضاوه فك غطاء الرمان البلي اللي فيه الشحم اللي بوسط الجنط وشد على الصاموله الى النهايه ثم ارخي عليها قليلا لكي يدور الكفر بعدها حرك الكفر مره اخرى اذا ذهبت الرجه والا شد على الصاموله مره اخرى ترااااااااه مجرب وبالتوفيق

اعجبني ردك شكلك من سواقين موديل السبعينات
موفق خير ان شاء الله
انا منهم لكن اكره الصناعيه والتلاعب اللي اشوفه على
الناس سواقين الطاره فقط

[moooj]

ابدأ بالسهل
صلب الكفرات
يعني اليقدام يمين حطه ورى يسار
والي قدام يسار يجي ورا يمين
يعني حرف X
ورد لنا خبر

http://http://mekshat.com/vb/showthread.php?t=266278