منشدي مركوب امنوّل يحوم (جديد)13/2/1431هــ>>>>>>>>>>>>>>>>> اللغز حله ( ابن الضمين )

[ابو ماجد 2]

بسم الله الرحمن الرحيم




السلام عليكم ورحمة الله وبركاته



غطوةٍ لو كان غطتها الهدوم=مثلك اللي كاشفٍ عنها غطاه
منشدي مركوب امنوّل يحوم =ماجهلنا يافطن درب خطاه
يضرب ادروبٍ ولا يترك وسوم=بس نلقى فيه وسم اللي امتطاه





امنوّل .المقصود من اول وكتبتها حسب النطق


تحيتي وتقديري لجميع الزملاء



ابو ماجد . منتديات مكشات

[مسيرs]

وعليكم السلام ورحمة الله وبركاته
تحريك وتسجيل حضور يااستاذ

خط البلده اللي انت خابر

[ابو ماجد 2]

وعليكم السلام ورحمة الله وبركاته

تحريك وتسجيل حضور يااستاذ



خط البلده اللي انت خابر


هلا بك يابو معاذ
وصباح الخير
مالك لوى
وخط البلده يترك وسم اذا سلك درب ترابي او مسك فرامل
اصتدم بالجدران وخبرك كانت الطرق ضيقه
ههههههههههههه
انتظر مرماعك القادم

[وضح النقى]

بسم الله الرحمن الرحيم





السلام عليكم ورحمة الله وبركاته



غطوةٍ لو كان غطتها الهدوم=مثلك اللي كاشفٍ عنها غطاه
منشدي مركوب امنوّل يحوم =ماجهلنا يافطن درب خطاه
يضرب ادروبٍ ولا يترك وسوم=بس نلقى فيه وسم اللي امتطاه





امنوّل .المقصود من اول وكتبتها حسب النطق


تحيتي وتقديري لجميع الزملاء




ابو ماجد . منتديات مكشات






وعليكم السلام ورحمة الله وبركاته

صح لسانك يا زعيم
وصبحكم الله بالخير جميعا

ممكن يكون ( الخشب اللي يركبون عليه كبار السن والعجزه في الطواف واللي يشيلونه الأفارقه ويقولون كشب كشب كشب )

تحياتي للجميع
أبو لجين

[بدوي]

صح السانك يابو ماجد
رمعه ماني مقتنع فيها
الطير وبرقعه
لكن الشطر الاخير نبي له توضيح
الوسم هل هو في المركوب والا في الدرب؟

[هيل]

السلام غليكم ورحمةالله وبركاته
وش رايك ابوماجد
بمجرالكبش(التبانه)
تحياتي

[ابو ماجد 2]

وعليكم السلام ورحمة الله وبركاته



صح لسانك يا زعيم
وصبحكم الله بالخير جميعا


ممكن يكون ( الخشب اللي يركبون عليه كبار السن والعجزه في الطواف واللي يشيلونه الأفارقه ويقولون كشب كشب كشب )


تحياتي للجميع

أبو لجين


صباح الخير يابو لجين
وصح بدنك
تفكير رائع ولن مابعد صدت الحل
ولا تنسى
الشطر الاخير
تحيتي لك

[ابو ماجد 2]

صح السانك يابو ماجد

رمعه ماني مقتنع فيها
الطير وبرقعه
لكن الشطر الاخير نبي له توضيح

الوسم هل هو في المركوب والا في الدرب؟


صح بدنك يالغالي
وصح بدنك
والرمعه مالك لوى
يضرب ادروبٍ ولا يترك وسوم......بس نلقى فيه وسم اللي امتطاه
الضمير بقولي فيه يعود على المركوب وغيرت درب الى دروب املاً ان لايلتبس الضمير
تحيتي لك وتقديري

[ابو ماجد 2]

السلام غليكم ورحمةالله وبركاته
وش رايك ابوماجد
بمجرالكبش(التبانه)
تحياتي

وعليكم السلام ورحمة الله وبركاته
هلا ابو عبدالله
مالك لوى يالغالي

[أبو رافع الظاعن]

صبحك الله بالخير يا أ با ماجد ...

ما رأيك بالحمام الزاجل يحمل الرسائل؟؟؟

[فهد الهلالي]

ابو ماجد صح السانك وبيض الله وجهك

دوك هالرميعات
اختار وحده
الدواسه للعيش
الرحى
الرشاء والمحال
وش رائك بالتلوين للرمعات
مايشبهن البيز لاتجامل قل الصراحه منك استفيد
والشيخ مسكين يسلم عليك

[ابو ماجد 2]

صبحك الله بالخير يا أ با ماجد ...

ما رأيك بالحمام الزاجل يحمل الرسائل؟؟؟

اسعد الله جميع اوقاتك
والرمعه مالك لوى وسأزيد بيت لعله يوجه للحل
تحيتي لك وتقديري

[ابو ماجد 2]

ابو ماجد صح السانك وبيض الله وجهك



دوك هالرميعات
اختار وحده
الدواسه للعيش
الرحى
الرشاء والمحال
وش رائك بالتلوين للرمعات
مايشبهن البيز لاتجامل قل الصراحه منك استفيد

والشيخ مسكين يسلم عليك


هلا بك ابو محمد
المراميع مالك لوى
والالوان ذكرتني باللفه على السياكل قديماً
تحيتي لك وتقديري

[ابو ماجد 2]

الزملاء الافاضل

اليكم زيادة بيت لعله يحدد الوجهه




غطوةٍ لو كان غطتها الهدوم=مثلك اللي كاشفٍ عنها غطاه
منشدي مركوب امنوّل يحوم =ماجهلنا يافطن درب خطاه
يضرب ادروبٍ ولا يترك وسوم=بس نلقى فيه وسم اللي امتطاه
ينسب اِلرجال للكايد عزوم=والنسب باقي ولو طول بطاه





امنوّل .المقصود من اول وكتبتها حسب النطق


تحيتي وتقديري لجميع الزملاء




ابو ماجد . منتديات مكشات

[فهد الهلالي]

ابو ماجد تحياتي
ويش رايك طال عمرك بهذا وش تسمونه انتم يالشياب
حنا مالحقنا عليه ياليت يابو ماجد تعطينا نبذة قصيره عنه
الله يحفظك


http://www.albrari.com/vb/uploaded/7974_31245001156.jpg


صورة ابو ماجد الاول من اليمين

[أبو رافع الظاعن]

أهلاً بك أخي من جديد..

أما يكون النعش ... ووسم الذي امتطا ه مشلح الرجل أو عباءة المرأة؟؟

كل ابن انثى وإن طالت سلامته*** يوماً على آلة حدباء محمولُ...

[ابو ماجد 2]

ابو ماجد تحياتي



ويش رايك طال عمرك بهذا وش تسمونه انتم يالشياب
حنا مالحقنا عليه ياليت يابو ماجد تعطينا نبذة قصيره عنه
الله يحفظك


http://www.albrari.com/vb/uploaded/7974_31245001156.jpg



صورة ابو ماجد الاول من اليمين


هههههههههه الله المستعان يابو محمد نسينا اسمه وتعرف ذاكرة شايب
وكن مالك لوى
تحيتي لك

[ابو ماجد 2]

أهلاً بك أخي من جديد..

أما يكون النعش ... ووسم الذي امتطا ه مشلح الرجل أو عباءة المرأة؟؟

كل ابن انثى وإن طالت سلامته*** يوماً على آلة حدباء محمولُ...

مالك لوى يالغالي
والوسم باقي عليه

[أبو رافع الظاعن]

ما رأيك بالبرقية ... وكان يسمى البرق...

دام عزك...

[ابو ماجد 2]

ما رأيك بالبرقية ... وكان يسمى البرق...

دام عزك...

مالك لوى يالغالي
ينسب الرجال للكايد عزوم...والنسب باقي ولو طوّل بطاه
انتظر مرماعك القادم

[فهرنهايت]

صح لسانك

وش رايك بالسفينة

[ابو ماجد 2]

صح لسانك

وش رايك بالسفينة

صح بدنك يالغالي
والرمعه مالك لى
تحيتي لك

[صقرالمدينة]

المكوى الله يكافي الشر

[ابو ماجد 2]

المكوى الله يكافي الشر

مالك لوى يالغالي

[برق القصيم]

صح لسانك زعيمنا

اول ماجا بالبال النعش يابوماجد لكن لقيت احد الاخوان رمعه!!!!! ولاصابت
يمكن هالمركوب ركابه مهم اوادم

طيب وش قولك بالصميل طال عمرك

[ابو ماجد 2]

صح لسانك زعيمنا




اول ماجا بالبال النعش يابوماجد لكن لقيت احد الاخوان رمعه!!!!! ولاصابت
يمكن هالمركوب ركابه مهم اوادم


طيب وش قولك بالصميل طال عمرك


هلا بك ابو عبدالرحمن
وصح بدنك يالغلا

والصميل مالك لوى يالغالي

[الثوري]

حياك يا بو ماجد وش رايك بالطيارة ما تسوي اثر ولا لها وسم بس نسمع صوت المحركات واحيانا الدخان والمحركات هو اللي يمتطي الطيارة . اما البيت الاخير ينسب الرجال للكايد عزوم المقصود الطيار هذي

[أبو صالح الخلاوي]

هلا بك يابو ماجد

وش رايك بزماننا من اول نركب على صدام الفورت الخلفي ونسميه ( التعلق )

http://up2.m5zn.com/photo/2009/3/24/04/4rgryly8l.bmp/bmp

[برق القصيم]

هلا بك يابو ماجد

وش رايك بزماننا من اول نركب على صدام الفورت الخلفي ونسميه ( التعلق )

http://up2.m5zn.com/photo/2009/3/24/04/4rgryly8l.bmp/bmp


قيدن معك مؤيد طال عمرك

[ابو ماجد 2]

حياك يا بو ماجد وش رايك بالطيارة ما تسوي اثر ولا لها وسم بس نسمع صوت المحركات واحيانا الدخان والمحركات هو اللي يمتطي الطيارة . اما البيت الاخير ينسب الرجال للكايد عزوم المقصود الطيار هذي

حياك الله يالغالي
مالك لوى وينسب لرجال معروف بالاسم
انتظر مرماعك القادم

[ابو ماجد 2]

هلا بك يابو ماجد

وش رايك بزماننا من اول نركب على صدام الفورت الخلفي ونسميه ( التعلق )

http://up2.m5zn.com/photo/2009/3/24/04/4rgryly8l.bmp/bmp


هلا بك يابو صالح
وبينوا الشيبان
والرمعه مالك لوى
تحيتي لك وتقديري

[ابو ماجد 2]

قيدن معك مؤيد طال عمرك


مالكم لوى
ينسب لرجال معروف باسمه
تحيتي لك

[وضح النقى]

أبو ماجد
ما يكون ( الحمًّال )

[ابو ماجد 2]

أبو ماجد
ما يكون ( الحمًّال )

مالك لوى يالغالي
وهالمركوب منسوب لفلان (معروف بالاسم )
تحيتي لك وتقديري

[مسيرs]

محاوله
الجمل سفينة الصحراء او الشداد والسرج

[ابو ماجد 2]

محاوله
الجمل سفينة الصحراء او الشداد والسرج

مالك لوى يالغالي
انتظر مرماع قادم

[برق القصيم]

والله اني انجمت يازعيم
احس ان الحل ماهو بعيد مير تعومسنا
نقول البحر
لكنك تقول منسوب لرجال............نقول الزير !!!
مالنا الا القصف العشوائي :D

[سطام F15]

صح لسانك يابو ماجد توني جاي من طمية ولك هالمسرعة



وش رايك باللي منول يشيلون العروس فيه على البعير
معرفت اسمه زين إسمه
أو السقا قديم
تحياتي

[فهد الهلالي]

ابو ماجد الله يصبحك بالخير
رمعه
مايكون مكان المعاوني



http://www2.0zz0.com/2009/05/04/22/324494423.jpg

http://www.alriyadh.com/2009/10/30/img/074190166673.jpg

http://www.q8car.com/10KD/C/71893d.jpg


تحياتي لك

[ابو ماجد 2]

والله اني انجمت يازعيم

احس ان الحل ماهو بعيد مير تعومسنا
نقول البحر
لكنك تقول منسوب لرجال............نقول الزير !!!

مالنا الا القصف العشوائي :D


صباح الخير يابو عبدالرحمن
احيانا المراميع الاولى على اللغز تصرفه وتبعد عنه الحل وهذا ماحصل هنا
مالك لوى والرمعه المطلوبه .....والنسب لاسم شخص بعينه وليست بوظيفته وهو نفس الشخص اللي يمتطيه
تحيتي لك وتقديري

[ابو ماجد 2]

صح لسانك يابو ماجد توني جاي من طمية ولك هالمسرعة




وش رايك باللي منول يشيلون العروس فيه على البعير
معرفت اسمه زين إسمه
أو السقا قديم

تحياتي


هلابك اخوي ابو مازن وصبحك الله بالخير
مالك لوى وما اقوله لك نفس ماقلته لبرق القصيم
تحيتي لك وتقديري

[ابو ماجد 2]

ابو ماجد الله يصبحك بالخير

رمعه
مايكون مكان المعاوني




http://www2.0zz0.com/2009/05/04/22/324494423.jpg


http://www.alriyadh.com/2009/10/30/img/074190166673.jpg


http://www.q8car.com/10KD/C/71893d.jpg




تحياتي لك


صباح الخير
حلوه الصور يالغالي
مالك لوى
انتظر مرماع قادم ولا تنسى ردي على برق القصيم

[صقرالمدينة]

الفشقه (الطلقه) وهذه اخر محاولة

[قريب الدار]

السلام عليكم

رمعتين :
المنطاط
او التلفريك

[ابو ماجد 2]

الفشقه (الطلقه) وهذه اخر محاولة

مالك لوى يالغالي
واتمنى ان لاتكون الاخيره فتواصلك يشرفنا يالغلا

[ابو ماجد 2]

السلام عليكم

رمعتين :
المنطاط
او التلفريك

وعليكم السلام ورحمة الله وبركاته
مالك لوى يالغالي

[قريب الدار]

السلام عليكم
" الخط" "الظرف" او كما يسمى عند البعض " الزرف" يكون عليه اسم المرسل
و معروف دربه - جهة ارساله- و كنا نقول هذا خط فلان -و نحن حاليا استغنينا عنه
و لك جزيل الشكر ..... وآسف على الإسهاب

[ابو ماجد 2]

السلام عليكم
" الخط" "الظرف" او كما يسمى عند البعض " الزرف" يكون عليه اسم المرسل
و معروف دربه - جهة ارساله- و كنا نقول هذا خط فلان -و نحن حاليا استغنينا عنه
و لك جزيل الشكر ..... وآسف على الإسهاب

وعليكم السلام ورحمة الله وبركاته
مالك لوى يالغالي
وما اقصده مركوب قديم والخط مازال له وجود

[ابن الضمين]

السلام عليكم
الاخ ابوماجد
عندي مجموعة حلول والله اعلم
1- مقام ابراهيم غليه السلام
2-بساط الريح للنبي سليمان عليه السلام
3-الهودج الذي تحمل عليه المرأة في الماضي
4-المرقاب
5-المنارة للمؤذن
6- الكر المستخدم لتسلق النخل
7-العربه التي تستخدم لبيع الماء والقاز سابقا
والله اعلم

[ابو ماجد 2]

السلام عليكم
الاخ ابوماجد
عندي مجموعة حلول والله اعلم
1- مقام ابراهيم غليه السلام
2-بساط الريح للنبي سليمان عليه السلام
3-الهودج الذي تحمل عليه المرأة في الماضي
4-المرقاب
5-المنارة للمؤذن
6- الكر المستخدم لتسلق النخل
7-العربه التي تستخدم لبيع الماء والقاز سابقا
والله اعلم

الله الله يالغالي
ياسلام عليك
نعم مقام ابراهيم عليه السلام
ولشرح اللغز
غطوةٍ لـو كان غطتها الـــهدوم.......مثلك اللي كاشــــفٍ عنها غطاه
منشـدي مركوب امنوّل يحـــوم ........ماجـــــهلنا يافطن درب خطاه
كان اثناء بناء الكعبه يصعد وينزل يتقدم ويتأخر على جنبات الكعبه حاملاً ابراهيم عليه السلام
يضرب ادروبٍ ولا يترك وسوم........بس نلقى فيه وسم اللي امتطاه
دروبه حول الكعبه ولا يترك اثر لارتفاعه بالهواء ولكن تجد عليه اثر قدم ابراهيم عليه السلام
ينسب اِلرجـــال للكايد عـــزوم........والنـــسب باقي ولو طول بطاه
ابراهيم من اولي العزم من الرسل حتى على قول من حصرهم بخمسة من الانبياء
ونسب الحجرله يبقى مهما طال الوقت (مقام ابراهيم )
صح لسانك ملايين
وبيض الله وجهك

[ابو ماجد 2]

اخوي ابن الضمين
صح لسانك يالغالي
وماقصرت ولكن احب التنويه ان بساط الريح قصة خياليه لاتمت بسليمان عليه السلام بصلة
وان سليمان سخر الله له الريح تسير بامره وليس للموضوعين اي علاقه ببعض
وتقبل تحيتي

[أبو صالح الخلاوي]

حنا حطينا حيلنا بهااالفرووووت يابو ماجد

واثر اللغز يبي له غوص

صح لسانك وصح لسان اخوي ابن الضمين

[ابو ماجد 2]

حنا حطينا حيلنا بهااالفرووووت يابو ماجد

واثر اللغز يبي له غوص

صح لسانك وصح لسان اخوي ابن الضمين

هلا بك يابو صالح
انت والربع حليتوا الاصعب
ولكن اللغز احيانا يبعد مداه المراميع الاولى