يوسف الخليفة1
29/01/2010, 01:32 PM
بسم الله المعبود نبدا القوافي=في ذكره تصير المعاني تريفه
امس الضحى مديتها للفيافي=مركوبي الموتر بلوفه صليفه
الجيب لاجل يطوف بعض الشعافي=ما بان من فوق الرفايع تفيفه
معي زهابي واشقر الريش وافي=وام الثمان طلوق يخرع رجيفه
السوبر اللي ما عليها خلافي=من طيبها السودا تصيب الهديفه
وانا عن دروب المعاسير جافي=ابي العزاز بقاصيه بان ريفه
دليت ادور ونور الافلاك طافي=ادركني الليل الحمر في نشيفه
ما فيها مرماث وحصاها صلافي=مديتها زودن ولا هي كليفه
لين ابتدا الوادي عليه السوافي=وهبايب النسري علينا خفيفه
حطيت عنّه في ذراها لحافي=وشبيت ناري بالجروم الجفيفه
لين امسا مجلاسي على الكيف دافي=والبال يهنا لاستوا كيف كيفه
والا المخاطر نلقا بالورد كافي=الدين دون الكايدات العنيفه
حطيت قدري فوق سود الاثافي=والدلة الصفرا بنارن ضعيفه
والليل كله راقد العين غافي=مرتاح بالي ما خطرني كسيفه
لين استبان النور والليل هافي=والطير من فوق المناقع رفيفه
الارض ممطوره بها الجو صافي=زملوقها بين الشجاير لفيفه
فيها الندا فوق البراعم يشافي=والبال ذاق من الطبيعه رشيفه
يوسف الخليفة ( أبو عبد الله )
امس الضحى مديتها للفيافي=مركوبي الموتر بلوفه صليفه
الجيب لاجل يطوف بعض الشعافي=ما بان من فوق الرفايع تفيفه
معي زهابي واشقر الريش وافي=وام الثمان طلوق يخرع رجيفه
السوبر اللي ما عليها خلافي=من طيبها السودا تصيب الهديفه
وانا عن دروب المعاسير جافي=ابي العزاز بقاصيه بان ريفه
دليت ادور ونور الافلاك طافي=ادركني الليل الحمر في نشيفه
ما فيها مرماث وحصاها صلافي=مديتها زودن ولا هي كليفه
لين ابتدا الوادي عليه السوافي=وهبايب النسري علينا خفيفه
حطيت عنّه في ذراها لحافي=وشبيت ناري بالجروم الجفيفه
لين امسا مجلاسي على الكيف دافي=والبال يهنا لاستوا كيف كيفه
والا المخاطر نلقا بالورد كافي=الدين دون الكايدات العنيفه
حطيت قدري فوق سود الاثافي=والدلة الصفرا بنارن ضعيفه
والليل كله راقد العين غافي=مرتاح بالي ما خطرني كسيفه
لين استبان النور والليل هافي=والطير من فوق المناقع رفيفه
الارض ممطوره بها الجو صافي=زملوقها بين الشجاير لفيفه
فيها الندا فوق البراعم يشافي=والبال ذاق من الطبيعه رشيفه
يوسف الخليفة ( أبو عبد الله )