المساعد الشخصي الرقمي

مشاهدة النسخة كاملة : فزعتكم فزعتكم ومشورتكم في توضيب مكينة باترول4500 بخاخ


vtccc
30/01/2010, 09:01 AM
السلام عليكم ورحمة الله وبركاته وبعد
الموضوع مثل ماهو واضح عن باترول4500 98 بخاخ والمشكله ان مكينته تنقص زيت علما انه مافيه اي مشكله ثانيه لا دخان ولا حراره
يعني مشكلتة فقط انه كل ما مسكت خط ومشيت عليه 400 كم ينقص ربع علبة
المطلوب
1-وش المشكله بالضبط
2-قطع الغيار المطلوبه
3-افضل ورشه متخصصه في بريده
4-كم الوقت المتوقع للسياره في الورشه
5-كم شغل اليد تقريبا + قطع الغيار
6-لاتبخلوا علي بنصايح عامه قبل وبعد عملية التوضيب
لاهنتوا يالمكشاتيه
vtccc
30/01/2010, 02:23 PM
للرفع...........
شمالات نجد
30/01/2010, 02:30 PM
يمكن فقط شمبر ولا يحتاج توضبه كامل وتخسر نفسك

ويمكن جلد البلوف

الله ييسر أمرك

سلام
_دربيل_999
30/01/2010, 04:35 PM
اخوي امش على موترك اكثر مثلاُ 4000 وان كان النقص من ربع الى نصف علبة ترى الوضع طبيعي..

وفقك الله

الروقي
vtccc
31/01/2010, 12:34 AM
اخوي امش على موترك اكثر مثلاُ 4000 وان كان النقص من ربع الى نصف علبة ترى الوضع طبيعي..

وفقك الله

الروقي
المشكله واللي لاحظت عليها انه ماينقص الا اذا مسكت خط
سوبر VTC
31/01/2010, 10:26 AM
حياك اخوي
خل الموتر يشتغل 10دقائق خصوصا الظهر
همن دس بنزين دوسة وسط
اذا طلع دخان ابيض فهذه جلد بلوف
يفك الراس و تغير الجلد
احيانا اذا شغلت الموتر و هو بارد الصبح
يطلع دخان ابيض
اهم شي
اذا مشى الموتر 2000كيلو عاير الزيت
اذا كان النقص حول النص علبة
فلا تلمس المكينة
تاكد من عدم وجود تهريبات في
وجه الكرتير و وجه صدر المكينة و الصوفة اللي بين المكينة و القير
و وجه غطاء الراس
و قد يكون سبب النقص
جلد بلوف او ضعف بسيط بشنبر البستم
عموما
مر على ورشة ابو خالد الخضير بطريق خضيراء :good2: :good:
رجال ثقة و نصوح يعطيك الحل الاكيد
و عندك بجنبه ورشة الهبيش ابو سليمان
بالتشاليح عندك ورشة ابو عبدالله الصمعاني
ان بغيت ارقام لهم علمن
غالب نقص الزيت بالباترول و الجيكسار
من جلد البلوف
موفق
max491
31/01/2010, 12:31 PM
انا وضبت اخوه ب 3500 ريال
سوبر VTC
31/01/2010, 03:12 PM
اذا كان توضيب كامل حول 4500
نص توضيب حول 2800
على حسب الخراب
هل الراس به مشكلة ام لا ؟
فحص عمود المكينة الكرنك هل به ميول ام لا؟
هل يحتاج بساتم ام لا ؟
ام يحتاج فقط شنبر
هل الراس منشعر
الراس لوحده بالتشاليح حول 2000 و طالع
جديد ب3500
و هكذا
السليطين
31/01/2010, 03:57 PM
اذا كان النقص كل 4000 كم علبه تقريبا فلا توضب ولا شئ ..

غير شنبر وسبايك فقط لاغير ....


واذا كان مايدخن الشكمان الا اذا مشيت بعد وقوف طويل او اول ماتشغل الصبح فهذا من جلد البلوف
vtccc
02/02/2010, 05:44 PM
اضافة على ماذكرت سابقا يوجد هناك زيت طال من الماكينه من عند خطاء الراس وتحياتي للجميع وشكرا على من شارك والله يجزاكم خير
vtccc
16/03/2010, 10:03 AM
للرفع لان الموضوع صار جدي والنقص صار اكثر من اللازم
ناصر الدهمشي
16/03/2010, 10:14 AM
معي مثل موترك لا حرارة ولا مشكلة

اكتشفت انها من الزيت لانه لافيه اي تهريب ولا شي

واغير زيت سوبر جيتي

اذا غيرت العلبه البلاستيك ينقص

واذا العلب الحديد ماينقص

ولا تلعب بالمكينة بعدها بتبلش يمكن يضبطونها ويمكن ماتضبط

وبعدين ربع علبة اتوقع انها عاديه

مواتر كثيره وجديدة تنقص .. الظاهر من الزيت نفسه يتبخر ولا فيه مشكلة

ونصيحتي اخر شي تفكر فيه توضبها
عبدالرحمن السالم
16/03/2010, 12:14 PM
للرفع لان الموضوع صار جدي والنقص صار اكثر من اللازم


اعتقد افادوك الشباب وقالك الاخ سوبر VTC بعض الورش مرها وشف وش فيه بالضبط لا تفكر بالتوضيب ابد الا بعد ماتتأكد ، لان على حسب علمي حتى لو وضبت يصير نقص وتقل عمر المكينه
انت شيك عليه بالاول زي ماتفضلو الشباب وبعدين قرر
موفق خير
sarab88
16/03/2010, 01:14 PM
وش اخبارك اخوووي زي ماقالولك الربع جلد بلوووووف ولالا هوب شرط الى نقص الزيت يعني فيه مشكله عادي اي موتر تمسك به خطوط طويله شوي ينقص ربع موتر واحد من الربع جديد يمسك به خطوط وينقص لكن شيك عليه احسن للراحه فقط ز وفيه محل ببريده الورش اللي عند الظاهر والله نسيته حووول السنيدي ,,,,,,,,, تقبل تحياتي
sultan911
16/03/2010, 11:21 PM
اخوي انا مطلع سياره وكاله واذا مشيت مايقارب 1500 كم ويكون ممشاي حار احصل الزيت ناقص وهي وكاله ويوصل النقص نصف علبه ورحت للوكاله وقال عادي مافي المكينه شي كل السيارات الجديده مع الممشا تنقص ولا تخاف على مكينه سيارتك وحاول تتفقدها دايم يعني تتفقد الزيت
سوبر VTC
17/03/2010, 12:10 AM
اقرا دري السابق بخصوص
وجود التهريبات ام لا
اذا كنت بالرياض عندك ورشة التركي تخصص نيسان
طيب كم تنقص المكينة عند 2000 او 3000الاف
و هل انت تسرع ؟
وش تحط زيت ؟
ابوسعودد
17/03/2010, 09:40 AM
اقرا دري السابق بخصوص
وجود التهريبات ام لا
اذا كنت بالرياض عندك ورشة التركي تخصص نيسان
طيب كم تنقص المكينة عند 2000 او 3000الاف
و هل انت تسرع ؟
وش تحط زيت ؟



الله يعطيك العافيه اخوي فتك
السياره تنقص على 1000 كيلو تقريبا وانا اذا اسرعت وانهبلت اوصل 150كيلو
اما بخصوص الزيت استخدم سوبر جتي وجربت الترا 7 ونفس المشكلة
واللي خلاني اخاف على السياره هو
اني قبل اسبوع تقريبا كانت السياره واقفه لمدة تقريبا عشر دقايق او اكثر والمكيف شغال وفي الظهر المهم اني لاحظت الموتر بدء يطلع دخان ازرق والحرار فوق الربع شوي ما تزيد
المهم يوم اني مشيت رجعت الحراره تحت الربع وراح الدخان
عصاقيل الدخله
17/03/2010, 10:39 AM
هذا رقم ابو خالد الخضير 0505132145 كلمه وشف وش يقولك