استفسار عن تنظيف السلاح@@@@أول مشاركة لاتردوني

[مسعود2]

السلام عليكم
هذي أول أول مشاركة لي معكم واتشرف بالانظمام لكم
سؤالي عن تنظيف السلاح
احترنا بخلق الله ناس تقول بعد ماتنظف السلاح زيته(مثلا زيت مكاين الخياطة او غيره)
وناس تقول شحمه
وناس تقول لاتزيت ولاتشحم(يجمع الغبار الزيت والشحم)
وكل شخص وكلامه ولاعاد ندري وين الصحيح من الغلط
أ/بعد ماننظف السلاح سواء قبل التخزين او بعد التخزين او قبل الرماية او بعد الرماية وش نسوي؟نزيت او نشحم او لا؟ابي رد كل واحد منكم له خبرة(مع ذكر هل هو يزيت او يشحم مع ذكر النوع)ثم قبل الرماية هل تزيل الزيت او الشحم او لا؟وماهي الطريقة المتبعه لذلك؟
ب/واحد من الربع الله يهديه شرء عدة التنظيف(بعد الفنايل والفرش العاديه خخخ)وكان مع عدة التنظيف الريش الحديدية مثل ذي(الصورة من الشيخ قوقل خخخ)
http://www.syadh.com/vb/img/2/46187alsh3er.jpg
وقام ركب الفرشة بالصيخ ودخلها بالمكان الي تدخل فيه الطلقة(اعوذ بالله نسيت اسمه)وخذ لعب يدخلها مع فوهت السلاح(المكان الي تطلع معه الطلقة)الى ان يوصله بيت النار)فهل هذا يضر سلاحه؟؟هل يستطيع استخدامه مستقبلا ام ان السلاح انتهى؟؟(ماادري ان كانت الخطوط الحلزونية جاها مخوش او تشوهات لاني ماشفت السلاح ولكن على وصفه فقط)


هذي سؤالين واتمنى منكم الاجابة عليهن ولاتفشلوني

[مسعود2]

كذلك وش طريقتك بالتنظيف؟(هل تغسله بقاز والا ترشه ببخاخ مثل Ac90 مدري شسمه)والا وش الطريقة

صارن 3 اسئلة خخخخ جاوبوا قبل تزيد

[صايد وفايد..]

اقول العن والدين السلاح بلا تنظيف بلاهك
اذا حسيته هنق معك ماعليك جبلك بخاخ صدا ورش المكينه
وصلى الله وبارك
وراح يفيدونك الشباب مايقصرون
تقبل مروري

[مسعود2]

اقول العن والدين السلاح بلا تنظيف بلاهك
اذا حسيته هنق معك ماعليك جبلك بخاخ صدا ورش المكينه
وصلى الله وبارك
وراح يفيدونك الشباب مايقصرون
تقبل مروري
ههه راي جديد
ودي بس اقدر السلاح ولاودي عليه بالشين(وبعدين ليه تخليه لين يهنق!!نظفه من البداية اسلم)

[azoz_2006]

السلام عليكم ورحمة الله وبركاته
اخ مسعود انشاء الله ني افيدك
اولا الله يسلمك بالنسبه لزيت فيه بخاخ خاص بالسلاح
ويوجد في السنيدي والرمايه وبعض المحلات الخاصه في ادوات الصيد والرحلات
البخاخ هذا هوا اللي ينضف ويزيت يعني بعد ما تقنص ثلاث مرات او اربعه تفك السلاح قطعه قطعه
وتكون معك قطعة قماش تبخ على القطعه وتبدا تمسح بالخرقه حتى يزول عنها الوسخ. ما بالنسبه للماصوره والمخزن
هذه تحتاج عده مثل اللي بالصوره لكن ماهي اسياخ تكون قطن تبخ عليها حتى تبتل وتبدا بالتنضيف بالسبه للزيت راح يبقى زيت قليل يكفي المنع تأكل المكينه ويمنع الصدا باذن لله.
امل ني افدتك واسمحلي بالقصور

[مسعود2]

السلام عليكم ورحمة الله وبركاته
اخ مسعود انشاء الله ني افيدك
اولا الله يسلمك بالنسبه لزيت فيه بخاخ خاص بالسلاح
ويوجد في السنيدي والرمايه وبعض المحلات الخاصه في ادوات الصيد والرحلات
البخاخ هذا هوا اللي ينضف ويزيت يعني بعد ما تقنص ثلاث مرات او اربعه تفك السلاح قطعه قطعه
وتكون معك قطعة قماش تبخ على القطعه وتبدا تمسح بالخرقه حتى يزول عنها الوسخ. ما بالنسبه للماصوره والمخزن
هذه تحتاج عده مثل اللي بالصوره لكن ماهي اسياخ تكون قطن تبخ عليها حتى تبتل وتبدا بالتنضيف بالسبه للزيت راح يبقى زيت قليل يكفي المنع تأكل المكينه ويمنع الصدا باذن لله.
امل ني افدتك واسمحلي بالقصور
وعليكم السلام يالذيب
1-الله يجزاك خير
2-وش اسم البخاخ الخاص بالسلاح؟وطريقة استخدامه الي فهمتها منك انك تنظف السلاح بالبخاخ هذا فقط(واذا خلصت ماتحط لازيت ولاشحم ولاغيره ولكن بقايا البخاخ تعتبر بدل الزيت)
3-بيض الله وجهك مامن قصور

[عقيد حرب]

اخوي الغالي فية اكثر من نوع انا عن نفسي افك السلاح واحط القطع [المعدنية] بسطل بنزين وانظفهاا بالفرشات ارش البخاخ على الاجزاء الداخلية للبندق وحاول انة ما يلمس البوية الخارجية يقولون مع مرور الوقت تطير البوية اذا لمسهاا ثم بعد ذالك زيت المكينة وصل الله وسلم
عن نفسي استخدم بخاخ ايسيدلكو حق الكلبليتر بس تررى قوي شوي لزام تكون حذر منة وافضل لك البخاخات الي عند السنيدي والرماية

تقبل مروري 00000000000000000عقيد حرب

[مسعود2]

اخوي الغالي فية اكثر من نوع انا عن نفسي افك السلاح واحط القطع [المعدنية] بسطل بنزين وانظفهاا بالفرشات ارش البخاخ على الاجزاء الداخلية للبندق وحاول انة ما يلمس البوية الخارجية يقولون مع مرور الوقت تطير البوية اذا لمسهاا ثم بعد ذالك زيت المكينة وصل الله وسلم
عن نفسي استخدم بخاخ ايسيدلكو حق الكلبليتر بس تررى قوي شوي لزام تكون حذر منة وافضل لك البخاخات الي عند السنيدي والرماية

تقبل مروري 00000000000000000عقيد حرب
ارحب ياشنب
وبيض الله وجهك
لكن لاجيت ترمي تنظفه من الزيت والا ترمي وزيته عليه؟؟
ونفس الطريقة لو كنت تبي تخزنه تنظفه وتزيته ؟؟

[مسعود2]

بيض الله وجيهكم كلكم
ولكن ابي اعطيكم طريقتي والي كثير من الربع يخالفوني عليها وكل شخص يدعي انه الافضل
انا كل شهر تقريبا انظف السلاح(اهتوي الشغلة ذي)افك السلاح وارش عليه بخاخ Ac90 ان كنت ماني واهم هذا اسمه وامسحه بخرقة(قماش)ثم امسحه بزيت المكاين(سواء شتاء والا صيف)وارجعه لجرابه ، وطبعا كل شهر او شهرين مرة وبعد الرمي وهذي طريقتي معه(واحيانا يحصل اني اتركه كذا شهر ومالاحظت عليه شي)هل طريقتي زينه والا لا؟خصوصا ان بعض الربع يحط شحم ، وبعضهم يقول لاتحط لاشحم ولازيت لانها تجمع الاتربه ، ولكن رش عليه البخاخ ثم امسحه بخرقة وخلااص ، وش رايكم

[قانوص قديم]

السلام عليكم ورحمة الله وبركاته اول شي روح محل بيع معدات الاسلحه واخذ منه زيت تنظيف لازالة الكربون المترسب من الفشق بعدين فك السلاح ونظف مجموعة الاقسام بواسطة فرشاة اسنان ناعمه وكذلك نظف مجاري الاقسام داخل بدن السلاح بعدين رش مزيل الكربون داخل السبطانه وامرط السبطانه بقعة قماش من حجرة النار الى الخارج ولا انصح بستخدام البروش النحاس الي حاط صورته هذا يخدش السبطانه بعدين نشف كل القطع الي تم تنظيفها وزيتها بزيت السلاح ولاكن من غير مبالغه بحدود المعقول ولاااااااا تقرب الشحم انتبه وفي زيت سلاح نوع بنلي موجود بالكويت هذا من افضل زيوت السلاح الي استخدمتها اجهل اذا كان هل النوع موجود في المملكه ولا لأ واحرص انه التزيت مايكون مبالغ فيه وسلامتك وتعيش