!!][^][!! كيف طريقة البحث في القارمن عن الفياض والشعبان !!][^][!!

[الكرينكوف]

بسم الله الرحمن الرحيم

السلام عليكم ورحمة الله وبركاته

عندي قارمن نوفي 205 وانا في الدمام اسوي بحث عن طريق (عنوان) واكتب (فيضة) او (شعيب) فقط ولايطلع لي شي

مع العلم انه فيه خرايط البر

ابغى من اهل العلم توضيح المسألة بالتفصيل ولا عليهم امر والطريقة الزينه والسهله

لان فيه طريقتين للبحث على ما اظن

وجزاكم الله خير

[أبوالطيب]

السلام عليكم


تفضل ياأخي

1- إلى اين
2-نقاط اهتمام.
3-تهجئة الاسم
4- اكتب ما تريد البحث عنه
5- تم

وستظهر لك النتائج

ارجو ان شرحي واضح

[لبرتي]

أنا عندي 205
وكان مهبل بي

لحد ما اخذه واحد من الشباب وضبطه لي

كان اول إذا ضغط على فيضة او أي موقع في الخريطة تطلع لي رسالة ان المسار لا يمكن تحديده <-- يما معنااه

لكن دخلنا على الاعدادات وحط الخيار ( خارج الطريق )

وبعدها ضبط الجهاز معي

بالتوفيق

[أبو علي..]

أفادوك الشباب ,,,


باذن الله,,

[فارس008]

أنا عندي 205
وكان مهبل بي

لحد ما اخذه واحد من الشباب وضبطه لي

كان اول إذا ضغط على فيضة او أي موقع في الخريطة تطلع لي رسالة ان المسار لا يمكن تحديده <-- يما معنااه

لكن دخلنا على الاعدادات وحط الخيار ( خارج الطريق )

وبعدها ضبط الجهاز معي

بالتوفيق


صح عليك ,,,
ياشباب لازم كلكم تعرفون سواء الي يستخدم برنامج القارمن بالجوال او جهاز القارمن
اذا دخلت البر او الفيضه او شعيب او برااري اونفووود لالالالازم تختارون (خارج الطريق)
عشان يقطع لك قطووع وطريقتها كالاتي:
ادوات-اعدادات-توجيه-الوقت الاسرع وتختارمن عنده الخيار الاخير وهو(خارج الطريق)
واذا خلصت ودخلت الشوارع العامه قم بارجاعها الى (الوقت الأسرع)

[الكرينكوف]

السلام عليكم


تفضل ياأخي

1- إلى اين
2-نقاط اهتمام.
3-تهجئة الاسم
4- اكتب ما تريد البحث عنه
5- تم

وستظهر لك النتائج

ارجو ان شرحي واضح

في كامل الوضوح الله لايهينك

والكلام هذا جربته ولاطلع شي

يقول لي لايوجد مسارات او مدري وشو

ورحت للوكيل وقالي العامل لازم تكون في حدود المكان الي تبيه يعني بمسافه تقريبيه بـ 80 كيلو
على كلامه
مع اني مو مقتنع فيه

[الكرينكوف]

أنا عندي 205
وكان مهبل بي

لحد ما اخذه واحد من الشباب وضبطه لي

كان اول إذا ضغط على فيضة او أي موقع في الخريطة تطلع لي رسالة ان المسار لا يمكن تحديده <-- يما معنااه

لكن دخلنا على الاعدادات وحط الخيار ( خارج الطريق )

وبعدها ضبط الجهاز معي

بالتوفيق



بارك الله فيك

وإن شاء الله اجربها

وارد عليك

[الكرينكوف]

أفادوك الشباب ,,,


باذن الله,,

ماقصروا بيض الله وجيههم

[الكرينكوف]

صح عليك ,,,
ياشباب لازم كلكم تعرفون سواء الي يستخدم برنامج القارمن بالجوال او جهاز القارمن
اذا دخلت البر او الفيضه او شعيب او برااري اونفووود لالالالازم تختارون (خارج الطريق)
عشان يقطع لك قطووع وطريقتها كالاتي:
ادوات-اعدادات-توجيه-الوقت الاسرع وتختارمن عنده الخيار الاخير وهو(خارج الطريق)
واذا خلصت ودخلت الشوارع العامه قم بارجاعها الى (الوقت الأسرع)




لاهنت يالذيب

وبصراحة ياخوان ان مثلكم ينشد الظهر فيه

لاعدمناكم

[abuyad]

السلام عليكم
يا اخوان انا اواجه نفس المشكله والى الان عجزت القى لها حل جابت لي المرض غيرت الخرايط اضفت نقاط اهتمام مانفع شي وش ممكن تكون العله منه . اسماء الفياض مكتوب عالخريطه لكن لابحثت عنه ماتطلع لازم اروح اتمشى بالخريطه لين احصل الي ابي واوجه له وهالطريقه جداً متعبه. فزعتكم يا اهل الخبرة

[أبوصالح9]

لازم تكون الكتابة نفس بعض يعني نفرض مثلا الموقع على الخريطة باسم أحمد يعني همزة على الالف- لو كتبت احمد بهالشكل ماراح يطلع شي لانك ماحطيت الهمزة وهكذا

[ريف النشاما]

:D:D:D:D


الموضوع له ست سنوات


شكل الرجال وصل أمريكا وهو يدور الفياض :D



كما قال أخي


لازم تكون الكتابة نفس بعض يعني نفرض مثلا الموقع على الخريطة باسم أحمد يعني همزة على الالف- لو كتبت احمد بهالشكل ماراح يطلع شي لانك ماحطيت الهمزة وهكذا
يوم أمس 04:22 PM




قبل أسبوع كنت في دار موجه
وكان فيه شباب يبحثون في جهاز العرض على خرائط ترحال
ولا يطلع لهم شي

قلت لهم

كتابتكم خطأ
والاسم مجرد تكتب الاسم الأول يطلع لك الباقي مباشرة


مثال /

نقرة ==نقره

نقا == نقى

فيضة == فيضه