يوسف الخليفة1
31/01/2010, 09:46 PM
يوم الربوع مسيان=مضيت لحاجه عجلان
معي باليوكن بزران=مشيت لذيك النحيه
في سوق عنيزه مقصودي=عسا مطرها يعودي
يسقي بستان ونفودي=من هماليل برديه
جيت بلازا لين الليل=باين ما يبغا الدليل
قدامه شارع طويل=غرب بيوت الاشرفيه
قضا شغلي على خير=جا من ربي تياسير
لين اذن وقت الاخير=والصلاة بحسن النيه
بعد العشا قلنا العيشه=طباخن يهبش هبيشه
وين الشيف ومغاريشه=وين الحكير وطهيه
كلمني واحد بالديره=قلت اعتقد باستشيره
نبغا مطاعم شطيره=زانت في حوف النثريه
قال وصوفه حول الساعه=فيه الشها والسناعه
باللوحه تقرا مرماعه=تلقا عليها الماريه
نصيته وانا مرتاح=والدنيا تبغا الكفاح
تجي في شوك وتفاح=والمتقي واهنيه
نصيته مفتوح الباب=حوله شيبان وشباب
فيه المقلي والكباب=والصياني والصفريه
والريّس لابس نظاره=مثل الجرذي بالخفاره
رجالن فيه القشاره=بالكرسي شكله بليه
والجرسون امسا مبهوت=بالكارافتا والكوت
سواة الكوره مشيوت=يدور بروحه وجيه
قلت ابغا مشوي فروج=او شفلي بابا غنوج
والا عطني كتالوج=بالمسلوقه والمقليه
عطاني دفتر دليله=فيه البرجر والبليله
والموجودات وتفصيله=واسعاره من عشر لميه
قلت اكتب عندك مكبوس=معها بطاطس مهروس
قيد خوف انك تحوس=واكريمه وامهلبيه
ربع ساعه ثم اجيلك=من ذيك الديره عانيلك
وانا يالمطعم بادعيلك=مير انهج عجل عليه
قال احجز واذهب للنوم=ما يجهز طلبك اليوم
تجينا بكرا مخدوم=تلقى حتى الطوفريه
قلت العجب ويش اشوف=والله لو اني مكلوف
الا عشاك معيوف=صارت علوم وقضيه
قال الناس الهتاتيش=يلقون الحمص والعيش
والا عندنا الجريش=مهروسن بالبصليه
قلت انا باكر معزوم=بالخلا مع ناس قروم
ما قيل قراهم معدوم=نلقا الدله والثنيه
ما عندهم حجز وحاجز=ولا عوقات وحواجز
وامعزبهم دايم ناجز=والقهاوي والجمريه
مير السلام عليكم=عسى الرحمن يهديكم
عسا يهنا من يجيكم=يرزقنا رب البريه
يوسف الخليفة ( أبو عبد الله )
معي باليوكن بزران=مشيت لذيك النحيه
في سوق عنيزه مقصودي=عسا مطرها يعودي
يسقي بستان ونفودي=من هماليل برديه
جيت بلازا لين الليل=باين ما يبغا الدليل
قدامه شارع طويل=غرب بيوت الاشرفيه
قضا شغلي على خير=جا من ربي تياسير
لين اذن وقت الاخير=والصلاة بحسن النيه
بعد العشا قلنا العيشه=طباخن يهبش هبيشه
وين الشيف ومغاريشه=وين الحكير وطهيه
كلمني واحد بالديره=قلت اعتقد باستشيره
نبغا مطاعم شطيره=زانت في حوف النثريه
قال وصوفه حول الساعه=فيه الشها والسناعه
باللوحه تقرا مرماعه=تلقا عليها الماريه
نصيته وانا مرتاح=والدنيا تبغا الكفاح
تجي في شوك وتفاح=والمتقي واهنيه
نصيته مفتوح الباب=حوله شيبان وشباب
فيه المقلي والكباب=والصياني والصفريه
والريّس لابس نظاره=مثل الجرذي بالخفاره
رجالن فيه القشاره=بالكرسي شكله بليه
والجرسون امسا مبهوت=بالكارافتا والكوت
سواة الكوره مشيوت=يدور بروحه وجيه
قلت ابغا مشوي فروج=او شفلي بابا غنوج
والا عطني كتالوج=بالمسلوقه والمقليه
عطاني دفتر دليله=فيه البرجر والبليله
والموجودات وتفصيله=واسعاره من عشر لميه
قلت اكتب عندك مكبوس=معها بطاطس مهروس
قيد خوف انك تحوس=واكريمه وامهلبيه
ربع ساعه ثم اجيلك=من ذيك الديره عانيلك
وانا يالمطعم بادعيلك=مير انهج عجل عليه
قال احجز واذهب للنوم=ما يجهز طلبك اليوم
تجينا بكرا مخدوم=تلقى حتى الطوفريه
قلت العجب ويش اشوف=والله لو اني مكلوف
الا عشاك معيوف=صارت علوم وقضيه
قال الناس الهتاتيش=يلقون الحمص والعيش
والا عندنا الجريش=مهروسن بالبصليه
قلت انا باكر معزوم=بالخلا مع ناس قروم
ما قيل قراهم معدوم=نلقا الدله والثنيه
ما عندهم حجز وحاجز=ولا عوقات وحواجز
وامعزبهم دايم ناجز=والقهاوي والجمريه
مير السلام عليكم=عسى الرحمن يهديكم
عسا يهنا من يجيكم=يرزقنا رب البريه
يوسف الخليفة ( أبو عبد الله )