تسأولات حول لقاح الناقة وحول العناية بالحوار !!

[أبوزيد]

السلام عليكم

)( الناقة بعد تضريبها متى يتم التأكد هل لقحت أم لا ؟( لأن حملها ونقلها مكلف ) ؟

)( الحوار الصغير هل هو بحاجة للفيتامينات ؟

[ريم البراري]

السلام عليكم

)( الناقة بعد تضريبها متى يتم التأكد هل لقحت أم لا ؟( لأن حملها ونقلها مكلف ) ؟

)( الحوار الصغير هل هو بحاجة للفيتامينات ؟


وعليكم السلام

اعتقد من 10-15 يوم

الحوار يحتاج حليب امه:) وبس:)

[ابو سعد 515]

كلام اختي ريم البراري هو الكلام الي كنت بقوله يعني انا مع اختي ريم البراري في جوابها

تقبل مروري

[جرة عقرب]

هلا اخوي
اقل شيء 15 يوم - ولا تستعجل في نقلها حتى تعشر
اما الحوار لايحتاج الا حليب امه - لاتتعرضه بعلاجات اخرى (الطبيعه وبس )

[راعي النوادر]

عليكم السلام ورحمة الله وبركاته
يأخوان فيه فرق بين المعشر واللقحه
المعشر هي بداية اللقاح ويبان عشار الناقه بعد 10 الى 15 يوم من الضراب والمعشر ماتسمى لقحه الى بعد مده لاتقل عن 3 اشهر وقبل ثلاث شهور تسمى معشر والمعشر معرضه للتفيخ واسباب التفيخ لو جاها بعير غشيم وحاول يضربها بالقوه تخاف وتفيخ او الهجيج القوي او الشيل في الدينه
والرزق من الله سبحانه انا كان عندي ناقه معشر وهجت هجيج قوي وشلتها في دينه والحمدالله مافيخت لقحة وأنتجت
وبخصوص الحوار أهم شي يشرب من السرسوب (اللباء) وهو الحليب الي يكون في ديد الناقه خلال 24 ساعه بعد الولاده عشان هو الي يعطي الحوار المناعه وافضل وقت بعد الولاده بساعتين تساعده على الوقوف وتعطيه من السرسوب ومن بكره نظف الديد من الحليب عشان مايكثر منه ويسببله اسهال
والله يرزقنا ويرزقك من فضله

[هليَل]

الحوار اذا كان رضاعه ضعيف او فكه ضعيف .. او كان هزيل ... يعطى فيتامين(يوجد في الصيدليه) وهو ينفع ولا يضر ... لكن شف رضاعه بعد ما يأخذ الفيتامين... ما تلحق معه شي اذا جيت تبي تحلب امه.

[تيم1]

اولا العشار وهبة من الله ومنه

ثانيا الناقة لاتحمله بدينه الا بعد اربعين يوم من تحقق العشار
واذا بغيت تحملها خلك عندها وبشويش على الناقة

ولا يحملها غشيم يطاردها ويبركها غصب

وحط في سقف الناقة ملح على شان تضم سقفها ولا ينفتح الرحم خلال التحميل والخوف

وخلال الأربعين يوم اكرمها بالأعلاف المشتملة على الفيتامينات العالية
والعشار في المربعانية من تسعة ايام لاحدعشر يوم
وغيرها من ثلاثة عشر يوم الى سبعة عشر يوم والنياق تختلف

والله يرزقك وكل مسلم

[Hch]

عليكم السلام ورحمة الله وبركاته
يأخوان فيه فرق بين المعشر واللقحه
المعشر هي بداية اللقاح ويبان عشار الناقه بعد 10 الى 15 يوم من الضراب والمعشر ماتسمى لقحه الى بعد مده لاتقل عن 3 اشهر وقبل ثلاث شهور تسمى معشر والمعشر معرضه للتفيخ واسباب التفيخ لو جاها بعير غشيم وحاول يضربها بالقوه تخاف وتفيخ او الهجيج القوي او الشيل في الدينه
والرزق من الله سبحانه انا كان عندي ناقه معشر وهجت هجيج قوي وشلتها في دينه والحمدالله مافيخت لقحة وأنتجت
وبخصوص الحوار أهم شي يشرب من السرسوب (اللباء) وهو الحليب الي يكون في ديد الناقه خلال 24 ساعه بعد الولاده عشان هو الي يعطي الحوار المناعه وافضل وقت بعد الولاده بساعتين تساعده على الوقوف وتعطيه من السرسوب ومن بكره نظف الديد من الحليب عشان مايكثر منه ويسببله اسهال
والله يرزقنا ويرزقك من فضله



هذا الكلام الصحيح.امش على هالكلام ان شاالله الله يرزقك.

لايقرب الملح سقف الناقه في عشاره تفيخ علطول

[أبوزيد]

لا هنتوا يارجال

غفر الله لكم ولوالديكم وللمسلمين . .

[قرناس شماالي]

ماقصرو الاخوان عطوك العلم الوكاد

[بن ردعة]

السلام عليكم اخوي يظهر وقت الناقة انها معشر يعني لقحت عندك حالتين الاولي : اذا كانت الناقة عجم صغيره يعني اول مره يجيها الفجل بعد 12يوم يبين عشارها يعني انها لقحت ضمت والثانية : عندك الناقة التي ولدت كذا مره يبين لقاحها بعد 14او15يوم شلون تبي تعرف انها عشرت تحدها على البعير الفجل وإذا شالت بذنبها يعني ارفعت ذيلها بشويش تراها معشر يعني لقحت واذا ان شاء الله ولدت تقطعها من الماء حول 24ساعة ولا تعطيها شغير لمدت ايام والمقصود من ذلك علشان ماتدر حليب وبعدين يموت الحوار ويورم ديد الناقة وعلشان كذا لاتعطيها شعير بل عطها حشايش لين يكبر الحوار شوي ويقوى فكه وتدريجيا وهكذا انا عندي حول 17خلفه وعندي ابل والسلام عليكمك