ابشرو ياهل المقانيص... بعد الله.... ماعاااد يضيع طيرك لو يتعدى الغلاف الجوي !!! [الأرشيف]

راعي ملموم

31/01/2010, 11:45 PM

بسم الله والحمدلله اما بعد...
يسعدني وشرفني ان اكون من ضمن اعضاء منتدى مكشات ..ماودي اكثر عليكم الكلام
تم بحمد الله عمل جهاز تتبع الطيور وسيرى النور انشالله الموسم القادم تكلفته عاليه جدا جدا ونحاول الان دراسة التسويق والاسعار بحيث يكون في متناول الجميع الجهاز عباره عن ..............ولا ماودي اتكلم عنه الموسم القادم انشالله راح تقنص وانت متطمن يعني اذا ضاع الطير ماعليك الا تكلمني بالجوال...تقريبا الاسعار التي ندرسها هي الريشة 1000 ريال واشتراك سنوي 3000 ريال والريشة صالحه للعمل اكثر من ثلاث سنوات ...
الموضوع مو مسالة سعر الموضوع مسالة الطير لو تشتريه 10000 الف ريال انت متطمن الضيعه ماعاد في شي اسمه ضيعه الا عاد ان تعدى الغلاف الجوي او مات ....والوعد قدام وابشروا بالخير...:good2: :good2: :good2:

صقر القصيم 16

31/01/2010, 11:48 PM

ما شاء الله عز الله اللي بيدعون لك الصقاقير

Lance-501

31/01/2010, 11:50 PM

جزاك الله خير على الجهاز الطيب

مرهف

01/02/2010, 12:01 AM

مشكور اخوي راعي ملموم على هذة الاخبار الطازجة ,,طبعا,, العلم بحر بلا شاطئ
تقبل مــــــــــــروري

راعي ملموم

01/02/2010, 12:03 AM

مانبغي منكم الا الدعوات الطيبه لنا ولجميع القائمين على هذا المشروع الضخم والمسلمين اجمعين بس ودنا ناخذ رايكم في الاسعار هل هي مناسبة ولا عاليه لان بكل صراحه صعب صعب جدا ننزل عن هالاسعار لان مثل ماذكرنا ان المشروع ضخم ضخم جدا وتكلفته عاليه لذالك والله اني مناشب الربع على الاسعار وهم يقولون مايوفي معنا وانا اقول الخير بالقليل المتصل ولا الكثير المنقطع..وتحياتي لكم

صقار الأسياح

01/02/2010, 12:22 AM

راعي ملموم

01/02/2010, 12:54 AM

اخوي هل الريشه تنزع من الطير او زي الشريحه اذا هي زي الرريشه العاديه اتوقع ليست ذي فائده المطلوب ان تكون مخفيه يعني لو حصل الطير ضعيف نفس وبغا يسرقه ما يقدر اما اذا كانت ريشه عاديه محدودة الفائده والله يوفقكم
اخوي صقار الاسياح ....اشكرك على الاهتمام بالموضوع وعلى النقطه المهمه
لكن اخوك حاسب لكل حاجه حساب ولاتحاتي مثل ماعلمتك المشروع ضخم جدا جدا جدا وانا راعي مقانيص وعايش وعارف كل هالامور ولاتحاتي ارقد وامن بفضل الله كل الامور طيبه ...
الريشه نوعا ما بينه على الطير بس حجمها تقريباا انش يعني صغير جدا ماهي واضحه جدا ولا هي زي اي ريشه شفتها او سمعتها مشروع جديد ولا مر على اي بشر ولله الحمد وضعوف النفوس ماله حل وعقابهم عند رب العالمين بالاخره....
لكن نزع او ازالة الريشه سوف يكون مقابل حيات الطير يعني بالعربي اللي يحصل الطير قبل لا يمسكه يقول يارب مافيه ريشة الرشيدي لان ان شافها ضاق صدره :good2: :good2: واشكرك على هالمرور الكريم والنقاط المهمه
وتقبل تحياتي...

alkreze

01/02/2010, 01:12 AM

ـالله يوفقكم أن شاء الله

بس يالغالي الريشه بتشتغل على أيش .؟
على بطارية ولا على شحن كهرب ولا الطاقة .؟
وطريقة الاتصال بكم عن طريق الجوال أو عن طريقة الأنترنت .؟

قنااااص

01/02/2010, 01:16 AM

ماشاء الله والله شي طيب

راعي ملموم

01/02/2010, 01:52 AM

ـالله يوفقكم أن شاء الله

بس يالغالي الريشه بتشتغل على أيش .؟
على بطارية ولا على شحن كهرب ولا الطاقة .؟
وطريقة الاتصال بكم عن طريق الجوال أو عن طريقة الأنترنت .؟

شكرا على هالملاحظات...
الريشة فيها بطارية مدتها ماتقل عن اسبوعين من غير شحن...ولكن طريقة شحنها على الطاقة الشمسيه وحنا ولله الحمد ماعتقد مر علينا اسبوعين من غير شمس ....
الافتتاح والاحتفال في هذا المشروع راح يكون ضخم وكبير بمقدار المشروع وسوف يكون هناك عروض تشمل الريش والاشتراكات السنويه وعروض وانشالله راح يكون الاتصال بنا عبر الجوال والانترنت لكن ماهو في الوقت الحالي لان هناك موقع خاص وسوف يدشن خلال الاشهر القادمه وهناك ارقام بداله سوف نوافيكم بها حين يتم الانتهاء منها...

القناص j

01/02/2010, 02:08 AM

المشكله ان في ناس تقنص في دول كلها ثلوج مثل روسيا_مغرب _ قرغيزستان ... هذي الشمس مب قويه عندهم بالشتا

راعي ملموم

01/02/2010, 02:31 AM

المشكله ان في ناس تقنص في دول كلها ثلوج مثل روسيا_مغرب _ قرغيزستان ... هذي الشمس مب قويه عندهم بالشتا
صح فعلا كلامك عدل....لكن مثل ماذكرت البطارية مدتها اسبوعين تقريبا يعني اعتقد ان هالمده كافيه بانهم يتصلون علينا وماهي مشكله شمس ولا غير شمس اسبوعين كافيه ووافيه :good2: ;) ...
مشكلة ربعنا ماينظرون للمشروع النظرة الاجابيه بالعكس غرامهم النظرة السلبيه يعني ماطرى على بالك تقول اسبوعين كافيه البطارية ......كنهم يقولون ماعندك سالفه هههههه لكن عامله عامله لو مايشترك فيه الا اناا ;)

@السيف@

01/02/2010, 04:36 AM

بيض الله وجهك ودي لو اركب لي ريشه انا كثير الطلعات في البران لو ضعت او سارلي مكروه يحددون موقعي الروح اهم من الطير ههههههههههههههه

هواي داورد

01/02/2010, 05:44 AM

راعي ملموم

01/02/2010, 07:48 AM

طيب أخوي ماتلاحظ إنها غالية

أنا مثلا عندي ثلاث طيور ...

كل طير يبي له ريشة وإشتراك

يعني 12000 ريال

12000ريال هاذي تعشيني وتغديني من كودو سنتين

أنا بصراحة مؤيد لمشروعك

ومن زمان وحنى نتمنى هالشي ...

لاكن الأسعار الله لايوريك مكروه .... غالية

صار الواحد هالحين يمشي وهو ماسك مخباه :j

تقبل مروري

أخوك : هواي داورد

مرحبااا ومسهلاااا ياااهواي ابرك الساعات اللي تشرفني بالرد عليك انت والربع اللي مثلك وشرواك

الاسعار مقدور عليها انشالله نحاول نخلي الاشتراك 2000 والريشه 1000 يعني ننزل اللف مافي مشكله نحاول نحاول ولكن لاتنسى انه جهاز ومشروع ضخم جدا يعني يمكن نحارب من جميع شركات تتبع الطيور مارشال وغيره ولكن ربك يعينا ويسهل هالامور,,,
وكل الافكار موجود وجايز بعد موسم ولا موسمين نحاول نخلي الدفع بالاقساط اللي تريح ولا تكلف الربع ,,
وابشروا بالخير والله يالربع اني معكم ومنكم وفيكم وعارف وشايف .....شكرا هواي وتقبل تحياتتي بارك الله فيك

بحري 99

01/02/2010, 08:04 AM

ما شاء الله .. تبارك الله
اسأل الله لك التوفيق
فمثل هذه الأعمال تستحق منا لك الدعاء

صقار شياهين

01/02/2010, 08:22 AM

مشكور اخوي راعي ملموم بس الاسعار زي ماقال اخوي هواي داورد نار صراحة يعني قيمة الريشة واشتراك الطير تجيب طير ثاني ارجو تنزيل الاسعار للمواطنين العاديين بعض الناس يشري طير قيمته 4000 ريال كيف يشترك بنفس قيمة مشتراه وبعدين ياخي اخذو تكاليفكم وارباحكم من الشيوخ الله يعزهم اما المواطنين خفضو لهم اكثر من الالف وتقبل تحياتي ،، ،، ،،

هرطبيل

01/02/2010, 08:33 AM

جزاك الله خير على الجهاز الطيب

فارس طيء

01/02/2010, 08:45 AM

صبحك الله بالخير يا راعي ملموم

الفكره هذي عرضت علي عن طريق مهندس كندي وصقار بنفس الوقت قبل سنتين وكان الموضوع يدور في بالي لكن التكلفه عاليه جدا من ناحية تبني المشروع وعندنا بالسعوديه حقوق الصنع غير محفوظه يعني لازم تسجل براءة الاختراع بالخارج عشان مارشال وغيره يلزم حدوده ومن الميزات الي طراها لي ان الجهاز يعلمك تفاصيل الطير هل هو حي او ميت , كم له بالمنطقه , سرعته , نبظات قلبه الخ

ومن ناحيت الاشتراكات يكون عن طريق البطاقه الائتمانيه عند ضياع الطير لاسمح الله يتم الاتصال عليك على رقم مجاني وقبل تحديدك للمكان يتم سحب مبلغ وقدره مئة الى ميتين دولار تقريبا وكذا تكون التكلفه على الطرفين اقل

المهم يالغالي اذا بغيت معلومات اكثر عن الشخص انا حاضر تراه رئيس نادي الصقارين بالمنطقه الي انا فيها بكندا والي جمعني بهالرجال بريدر معروف وله بالامور الشيقه هذي ولا تتردد بمراسلتي لاني ادور هالحركات لان خاطري بجير شاهين خلوي هههههه

تحياتي
فارس الفارس

ريش النعام

01/02/2010, 08:49 AM

الله يبيض وجهك ياراعي ملموم.... على حسب كلامك فهمت انه راح تكون زي الاحداثيات بحيث تصبح الريشه او القطعه اللي في الطير احداثيه ثابته زي رقم ريشه واذا غدى الطير لا سمح الله نتصل على المركز المسئول ونعطيه الاحداثيه ويدخل الاحداثيه بالجهاز عنده وتطلع له احداثيه اللي فيها موقع الطير.... اتوقع انه كذا ويمكن اني خطأ بس بزعمي فاهم
تقبل تحيات / اخوك ابو عمر ....

المري

01/02/2010, 08:53 AM

نتمنى ان ترى النور هالفكره بأسرع وقت ممكن!

مشكور اخوي راعي ملموم وماقصرت وعسى الله يساعدكم

اخوكم - المري

shaheen70

01/02/2010, 08:59 AM

السلام عليكم
أخي العزيز
الله يجزاك خير وبارك الله فيك
في أمــــان الله
أخـوك shaheen70

سيف الظفير

01/02/2010, 09:16 AM

الله يرزقك من حيث لا تحتسب

وان شاء الله تلقى الدعم من السعودية او من الامارات او من قطر

لأن اهلها مولعين بالطيور

ابوسعد 3

01/02/2010, 09:44 AM

ماشاء الله
الله يوفقكم .

ابـــًًو تركـــًي

01/02/2010, 10:03 AM

الله يوفقك ان شاء الله على الخبر

قرناس شماالي

01/02/2010, 10:40 AM

خوي السعر غالي ومشروعك ممتاز بس الاسعار لتخليناء نسوي حمله عليك خلوهاء تصدي خخخ

صاحب نوماس

01/02/2010, 11:04 AM

موفقين خير ان شاء الله

هرطبيل

01/02/2010, 11:18 AM

جزاك الله خير على الجهاز الطيب

Moo7al

01/02/2010, 12:01 PM

اعتقد والله العالم أنه الجهاز مهمته اعطاء احداثيه الطير اذا نزل عقب هداد او حوم
وهي شريحة تركب في الطير

نفس دراسه مشروع شبك المحميات بحيث أنك اذا لمست الشبك اعطاهم احداثيه موقعك .

والله اعلم وبكرى بيبن لنا العلم

الله يرزقنا وياك

@قرناص@

01/02/2010, 12:16 PM

الله يعينكم ويوفقكم ,,

نتمنى ان يكون الجهاز فعآل وبشكل جيد ..

والسعر يستاهله الطير الطيب ,,

المؤمن كالغيث

01/02/2010, 12:29 PM

الله يعافيكم ويسهل اموركم
الريشه هل ستتاثر بالعوامل الجويه كاالامطار
وإن شاء الله مع الوقت تتطور هذه التقنيه

أبو فيصل

01/02/2010, 01:17 PM

هذا المشروع عندنا في السعوديه و متعاقدين مع شركه خاصه للحفاظ على المعدات من السرقه بتثبيت شريحه Ic وكذلك موجود على المعدات كاميرا صغيره وكل هاذي مربوطه بالنت و تحدث كل دقيقه أو حسب رغبتك

هذا المشروع يستخدم للسياراتها للحد من السرعه و لأغراض أمنيه كذلك

ولكن ما دام من طرفكم أحسبني أول المشتركين بــــ ثلاثة طيور والله الله بالخصم الزين ولا رحت للشركه مباشره أو أشتري الجهاز الألماني.

بو غازي

01/02/2010, 01:52 PM

السلام عليكم ورحمه الله وبركاته
عساكم على القوة ودنا نشوف ننتظركم السنة الجايه

راعي ملموم

02/02/2010, 02:38 AM

لاهنتوا جميعا على ماقدمتوا من افكار واراء وبارك الله فيكم ولا خلا ولاعدم...

ALAMIR

02/02/2010, 02:43 AM

عساكم على القوة

abdulmohsin

02/02/2010, 05:20 AM

الله يوفقك مشرووع جميل جدا ولاكن الاشتراك غااااااااااااااااااااااااالي جدا جدا جدا

فالح العرجي

02/02/2010, 05:28 AM

بيض الله وجهك
والله يوفقكم ويرزكم
وعندي سوال
هل الطير اللي فيه الريشه اذا وقع على اسلاك الكهرباء او الضغط العالي هل هو يحترق
مثل الطير اللي فيه ريشه
وشاكرا لكم
وتقبلوا مروري