المساعد الشخصي الرقمي

مشاهدة النسخة كاملة : غشيم يبي يكشت للصمان ويدور على خارطه ساعدوه تكفون!!!


كتكوت مفترس
05/01/2005, 10:16 AM
من الفقير الى عفو ربه/ الكتكوت المفترس
الى حضرة جناب الاخوة اعضاء مكشات الكرام

السلام عليكم ورحمة الله وبركاته وبعد

اخوكم في الله ناوي يكشت مع جماعته للصمان ويرغب في الحصول على خارطة مفصلة للصمان وما اعنيه هو خارطه ورقيه اللي تطوى الين تصير مثل مخططات الاراضي والا الصكوك اللي تصدرها المحاكم.
فمن يدلني عليها واين تباع فسادعوا له في كل مرة افتحها.
جزاكم الله خيرا.

والله الهادي الى سواء السبيل.
NaHar
05/01/2005, 11:56 AM
السلام عليكم ورحمة الله وبركاته


اخي العزيز ابشر بسعدك إذا انت بالرياض .... الخرائط كلها موجوود ومقسمه \بالمقاس الي تحب
بمقر الهيه السعوديه للمساحه والجولوجيا..
خلف مبني القوات الجويه الجديد المبني الشرقي ...الملز شمال كوبري الخليج سعر الخريطه 20 ريال وعندهم كتاب خاص لهواة الرحلات البريه قيمة 120 ريال جد ا مفيد وووافي مع العلم ان الكتاب مدعم بالخرائط والاحداثيات اذا شريت الكتاب أن شاء الله راح يغنيك عن اي خريطه
تحياتي ............ اخوك نهار
كتكوت مفترس
05/01/2005, 12:14 PM
يامال الغناة
يا والله اللي بيضت وجهي عند الربع بيض الله وجهك ورحم الله والديك.

ياليت تكمل معروفك وتوصف لي وانا متجه من شارع الستين شمال والا من شارع الاحسا.الى وصلت كوبري الخليج وين اروح؟؟
ماعليش تحمل اخوك وانت انشاء الله على اجر.
عروان
05/01/2005, 01:42 PM
أقترح عليك شراء كتاب روائع الاحداثيات. تجد مرفق معه خريطة للثمان و الكتاب يشرح لك كل مربع في الخريطة.

تجده عند شمالات أو دار موجه.


بعدين وش فيها الثمامة؟؟ :D
المربد
05/01/2005, 02:13 PM
انصحك بكتاب روائع الاحداثيات مؤلفه (الشلاش) يجي معه خريطة وسعره مناسب وموجود عند اغلب محلات الرحلات ورايته الخميس الماضي في بقالة محطة حفر العتش وتروح وترجع بالسلامة.
NaHar
07/01/2005, 08:48 PM
السلام عليكم ورجمة الله وبركاته
وانت متجه من شارع الستين شمال بتجيك اشارة خذ الاشار لليسار متجه لدوارالمستشفي العسكري ...قبل الدوربعد المحطه ...فيه شارع يتجه شمال بزاوية الشرقيه لوحه الهيه المساحه....