مشكلة (صوت طقة قوية ) بالفتك باترول 2004 خليجي قير تماتيك/عادي

[الله يسهلها]

بسم الله الرحمن الرحيم

حيا الله النشاما اهل الفزعات
وحيا الله مدورين العلم والخبرة

:)

يا جماعة الخير عندي مشكلة , ما لقيت لها حل الى الآن
مع اني مريت ورش كثيره وكل واحد له كلام

ولا اقنعني الا كلام واحد من الشباب ( لا شاف المشكلة ولا وقف على السياره)
فقط عطيته الشرح وقال رايه

المشكلة بإختصار / اني اذا كنت واقف وجيت ابمشي ( يطلع ) صوت طقة قوية من تحت الموتر
تقريباً من القير او عمود القير - او حول الدفرنس

والصوت يطلع اذا جيت ابوقف خلاص وصار العداد (صفر) طلعت الطقة القوية

علماً انه يوجد صوت حنة في السيارة حول الدفرنس الخلفي او الكارونه نفسها اذا وصل عداد السيارة (80)
ويختفي صوت ها الحنة او الحوحرة لا تعديت 80

من اللي له سابق تجربة بالموضوع

علماً ان دفرنس الباترول الخليجي يختلف عن السعودي
والسبب وجود الدفلوك ( واظاهر ما نكبنا الا هو )



كلام خوينا اللي استشرته ( يقول يمكن فيه فضاوة بالدفرنس - بين الكارونه وعمود القير )


ملاحظة / يوم غيرت زيت الدفرنس - طلع معدووووووم وله يمكن سنين ما تغير
ولونه وريحته تصرع البعارين :(


في انتظار رايكم يا جماعة الخير

لاني متعقد من ها الموضوع وصوت الطقة مزعج وينفض الموتر

وشكلي بتهور واشتري دفرنس كامل جديد

افزعوا لنا بالراي يا الطيبين

[_دربيل_999]

أخوي..
قبل لاتروح للقير أو الدفرنس..إفحص صليبات عمود الدوران..(الكردان)
والصوت او الحنة اللي في الدفرنس يمكن ماهو كارونا..يمكن رمانات ..
لأن صوت الكارونا يبدأ من بعد الــ80 اوالــ90 الى الــ120الى140 هذا في بدايتها
أما اذا زادت تستمر من الــ80 الى مالا نهاية..


وفقك الله
الروقي

[سوبر VTC]

الله يسهل امرك
طيب وين موقعك ؟

[سوبر2005]

الله يمسيكم بالخير
الله يسهلها حياك الله
انا عندي نفس المشكله والى الحين مالقيت لها حل والصراحه شيكت على صلبان الموتر كلها سليمه والى الحين ما ادري وش علتها بصراحه مارحت افتش عن العله مخليها الين افضي للموتر وياليت الشباب يفيدونا

[الله يسهلها]

أخوي..

قبل لاتروح للقير أو الدفرنس..إفحص صليبات عمود الدوران..(الكردان)
والصوت او الحنة اللي في الدفرنس يمكن ماهو كارونا..يمكن رمانات ..
لأن صوت الكارونا يبدأ من بعد الــ80 اوالــ90 الى الــ120الى140 هذا في بدايتها
أما اذا زادت تستمر من الــ80 الى مالا نهاية..


وفقك الله

الروقي



يا ملاااا العافية يا دربيل
ما قصرت على افادتك وتعقيبك
شكر لجهودك يا الغالي

[الله يسهلها]

الله يسهل امرك
طيب وين موقعك ؟





يا هلابك اخوي سوبر فتك

انا بالرياض والشرقية الله يسلمك

[الله يسهلها]

الله يمسيكم بالخير
الله يسهلها حياك الله
انا عندي نفس المشكله والى الحين مالقيت لها حل والصراحه شيكت على صلبان الموتر كلها سليمه والى الحين ما ادري وش علتها بصراحه مارحت افتش عن العله مخليها الين افضي للموتر وياليت الشباب يفيدونا


مرحبا اخوي الغالي
مدري انت في موترك دفلوك . وهل موترك خليجي ؟

الله العالم ما لعب في مواترنا الا الدفلوك اللي ما قد استخدمته ولا ادري وش فايدته اصلاا

[سوبر VTC]

يا هلابك اخوي سوبر فتك


انا بالرياض والشرقية الله يسلمك



حياك
لك رسالة على الخاص

[سوبر VTC]

الله يمسيكم بالخير
الله يسهلها حياك الله
انا عندي نفس المشكله والى الحين مالقيت لها حل والصراحه شيكت على صلبان الموتر كلها سليمه والى الحين ما ادري وش علتها بصراحه مارحت افتش عن العله مخليها الين افضي للموتر وياليت الشباب يفيدونا


مساك الله بالرضا و العافية
لك رسالة على الخاص
موفق

[ذيب العيص]

السلام عليكم ....
تصدق عندي نفس المشكلة بس الطقه ماهي قويه بالحيل؟؟؟
مادري وش الحل؟؟؟

[السـبار2]

انا عندي باترول فتك 2002تماتيك صار نفس الشي كل ما اجي اقف عند الاشارة وصار الموتر شبه واقف صارت الطقة وضاق صدري ورحت لورش وشفت انواع النصب والاحتيال وثلاث ورش قالوا توضيب قير

بس الحل لقيته ولله الحمد عندما اشار علي واحد بأن اتصل بمهندس في القصيم الظاهر اسمه الشريدة وعندما اتصلت عليه اشار بتغيير عمود الكردان
صراحة ما اقتنعت وقلت ابجرب قبل ما اغيره وفعلا اخذت من التشليح واحد وجربته وراحت الطقة فجزاه الله عني الف خير

ومن غيرتي عليكم كتبت هذا الرد لكي لاتتعرضون للنصب والخساير اللي مالها داعي
وما ابي منكم الا الدعاء لي ولوالدي ولجميع المسلمين

[العابر2222]

اخوووووي انت تقول مغير زيت الدفرنس

اذا كان عند تغيير زين الدفرنس فاتح صرة الدفرنس التحتية ومغير الزيت كامل فمعناته موترك فيه فضاوة وكلام خويك صدق
لأن البرادة انزلت وتغيرة وزنية الكارونه ولا اضن لها حل الى بتوضيب الدفرنس لأن الحنة راح تزيد معاك مع الوقت وحتى صوت الطقة راح يطلع معاك بعدين في الطعوس والطلعات

وتبي تتأكد رح لأقرب بنشري ووقف على الحفرة وانزل وامسك عمود الكردان من جهة الدفرنس وفرة بقوه مع هزة قوية راح تحس بالفضاوة

===============

طبعا انا اعاني من نفس مشكلتك لاني غيرت زيت الدفرنس وطلعت الطقه والحنه لي قرابة ثلاث اشهور ما لقيت لها حل ابد فضاوة في الدفرنس

[abc-00-abc]

احتمال يكون صوت الطقة من جلب الاذرعة او كرسي قير او كراسي المكينة
كان عندي نفس المشكلة و الحمد لله غيرتها و راحة الطقة

[رفيع المقآم]

الله يعينكم ويجزاك خير يا صاحب الرد المهم الاستشاره والواحد ما يقدم على شي الا وهو عارف مخارجه

[الوسيطاء]

اخوي انا ماجربت بس انت سبب المشكله عند تغيير زيت الدفرنس وهو السبب الاول

بكثير الاعطال الناتجه لوجود قطع صغيره مختلطه مع الزيت خرجت من احتكاك

التروس وكانت تسد الفراغ الذي بينها والان يلز منك وضع علاج دفرنس اسئل عنه

لدى قطع الغيار وتذهب لمخرطه هوبات وتأخذ منهم قليل من النشاره وتضعها

داخل الدفرنس وان شاء الله ترتح من الاصوات

[qsmngee]

نفس المشكلة عندي عند الوقوف التام يطلع الصوت وبعض الاحيان ما يطلع الا اذا رفعت رجلك من البريك
تسمع الصوت (الردحة) تقول احد صدمك من الخلف
حتى اني اول ما شريته التفت احسب احد صدمني
الموتر فتك2005 دفلوك
وس
الت كم واحد من اهل الخبرة
مثل ابو عبدالله الصمعاني
وابو سليمان الهبيش
وفالوا لي عادي شحم العامود
جميع التبوتونك فيه المشكلة
وشحمت العامود ولا تغير شي
وش رايكم ؟؟؟؟؟؟

[ضلع]

الله يجزاكم خير جميعاً على الإفادة

لا عدمناكم ولا خلينا منكم




حياك الله يالقصمنجي

عز الله انك جبت وصف المشكلة بالضبط

اظن انا وياك قاعدين بها صح

ابدور لي ورشة بالشرقية متخصصة بالنسيان

على كل حال انا استبعد ان الخلل يكون بالدفرنس

لان الدفرنس ما يخرب في يوم وليله

يا قربها مثل ما قالوا الشباب عمود الكردان

على فكرة الصوت عندي مع الوقت يقوى

وانت كيف ؟؟

الله يسهلها + ضلع

[abulaayaan]

السلام عليكم ورحمة الله وبركاته

أنا عندي نفس المشكلة ، بالاضافة الى طقه أحياناً عند التغيير من الثاني الى الثالث.والحرة احس فيها ما بين السرعة 75الى 85 .

السيارة جيب لكزس 470 موديل 2002

اتمنى ان اجد لها حل.
الموقع مكه المكرمة

[م.أبوإبراهيم]

يمكن من وزنية عصا القير طبعا انا عندي ورشة بصناعية الدائري جا لمنا باترول 2005 تماتيك وكان عنده مشكلة بعض المرات ما يشتغل وهو في p طبعا صارت المشكلة في وزن عصا القير طبعا وزنا العصا وظبط الموتر المهم انه بعد فترة جاء لمي وقالي ترى الطقة نفس الي تقولون خفت كثير طبعا انا فسرت الموقف قلت يمكن انه الموتر اذا وقف ينقز من الدي للفاظي خفيف واذا اطلقت الفرامل رجع للدي لان الباترول عصا القير مربوط بالقير بصيخ مو مثل بعض السيارات واير يمكن اذا ضربت فرامل تحرك المكينة شوي وتحصل المشكلة للاستفسار 0554889337 وانا ودي الي عنده المشكلة يمر علي لعلها تنجح ونجرب على اكثر من موتر ونفيد الشباب بالمنتدى ان شاء الله والشغلة سهلة جدا

[waledsaleh]

السلام عليكم ياشباب الحين انتم عندكم مشكلتين الاولى اللي يقولون الصوت مع الوقفه وهذي لوتفك الدفرنس ما راح تحصل اي خلل بس افرط الكارونة وركبها واوزنها مرة ثانيه وراح يختفي الصوت وللمعلومية جتني المشكلة اكثر من مرة والموضوع الثاني اللي يقول احسب احد صدمني اللي هي الردحة مع الفرامل هذي من كراسي القير عددها 2 وقيمتها 300 ريال بس انتبه اذا فكيتها ماراح يبين لك انها خربانه لانها تنقع من الداخل ولا تبين وللإستفسار بعد اذن الادارة 0507040452 برسالة والسلام عليكم

[م.أبوإبراهيم]

للمعلومية انا جربت اكثر من موتر إذا جيت تاقف وتحطه في الفاظي قبل ما تاقف ما تطلع الردحة

[عين حصنان]

السلام عليكم جميعا

مشكلة الردحه ( الطقّه ) في الباترول ... قد تكون عيب وخلل مصنعي

انا شريت سفاري من الحمراني جديد 2006 قير تروبتينك ( توماتيك )... والمشكله هذي معه وهو جديد

طبعا رجعت لهم مع الصيانه الاولي ( علشان الضمان مايروح)

فسرت لهم المشكله ... وجربنا السياره على الطريق ولاحظوها ....

قال المهندس بعد الفحس والفحص .... نظام منانع الانزلاق ( Abs ) يحتاج صيانه

مادخلت مخي ...صيانه والموتر جديد ..... سحبت نفسي و توكلت على الله

وانا عكسكم تماما في هذه المشكله

المشكله موجوده في السياره و هي وكاله

عند حدود الـــ 50 الف كيلو غيرت فحمات فرامل أمامي فقط ... وبعدها حسيت ان الردحه بدت تخف

موتري ماشي الان 76000 كيلو ... اِختفت تمااااامااااا ولله الحمد بدون اي شغل او صيانه

في اعتقادي وحسب التجربه ان الفحمات الخلفيه تمسك اقوى من الاماميه اذا كانت كل الفحمات جدد

وانا غيرت الاماميه و خليت الخلفيه مثل ماهي .... ويتخيل لي انهن تساون في المسك واختفت الردحه

ومثل مانتم عارفين فرامل الباترول قوي قوي جدا ...

هذا والله اعلم

[ضلع]

المهندس / إبراهيم
والسمي / وليد صالح

الله يجزاكم خير لا خلينا ولا عدمنا من ردودكم المباركة


صراحة كلام السمي وليد ،اشوفه يا قررربه لمشكلتي
اللي هو كراسي القير ,,!!!

وهل لديكم اخي وليد علم عن كراسي القير للباترول الخليجي هي نفسها للباترول السعودي ؟؟
ووين مكانك يا الغالي؟الرياض- او الشرقية !

والله يعطيك العافيه يا مهندس ابو ابراهيم
لو توصف لي ورشتك ولا عليك امر

وإن شاء الله اني ابتصل عليكم كلكم لا وصلت الرياض

[waledsaleh]

السلام عليكم كله الخليجي و السعودي واحد ما فيه فرق والله يحييك في الرياض

[abulaayaan]

للمعلومية انا جربت اكثر من موتر إذا جيت تاقف وتحطه في الفاظي قبل ما تاقف ما تطلع الردحة

صدقت أخوي ابو ابراهيم، جربت طريقتك كذا مره وراحت الردحة.

واذا شبكت الدبل الخفيف في طلوع طعس احس عصا القير تتحرك، هل هذا طبيعي ؟ ولا يكون السبب كراسي القير؟

وجزاكم الله خير.

[ماجد محمد]

والله انها مشكله مواتر جديده وفيها هل المشاكل طيب هل احد من الكشاته لقالها حل
الله المستعان

[mmgarni]

اخوي اكبرر غلط تغيير زيت الدفرنسسس تاكد من الصليب اول اذا ماضبط المشكلة في الكرونة

[فارس العيون]

اخوي ابو ابراهيم

يالغالي انت ورشتك متخصصصه بالباثفندارات والباترول ولا لا ؟؟(الثنيان )

[محب الطيبين]

عزيزي انا واياك بالهوا سوا -عندي نفس مشكلتك - امس رحت وشحمت الموتر من تحت والطقة خفت واجد لكن ماراحت

[سفاري نجد]

محب الطيبين سلمك الله

ارجع وشحم مره ثانيه احتمال تروح ؟!

من خلال تجربتي ترجع مع الحمل الزائد بعد فتره ,

والله أعلم

[algali9090]

نفس المشكلة عندي عند الوقوف التام يطلع الصوت وبعض الاحيان ما يطلع الا اذا رفعت رجلك من البريك




تسمع الصوت (الردحة) تقول احد صدمك من الخلف

حتى اني اول ما شريته التفت احسب احد صدمني
الموتر فتك2005 دفلوك
وس
الت كم واحد من اهل الخبرة
مثل ابو عبدالله الصمعاني
وابو سليمان الهبيش
وفالوا لي عادي شحم العامود
جميع التبوتونك فيه المشكلة
وشحمت العامود ولا تغير شي
وش رايكم ؟؟؟؟؟؟





و


الله يجزاكم خير جميعاً على الإفادة






لا عدمناكم ولا خلينا منكم





حياك الله يالقصمنجي


عز الله انك جبت وصف المشكلة بالضبط


اظن انا وياك قاعدين بها صح


ابدور لي ورشة بالشرقية متخصصة بالنسيان


على كل حال انا استبعد ان الخلل يكون بالدفرنس


لان الدفرنس ما يخرب في يوم وليله


يا قربها مثل ما قالوا الشباب عمود الكردان


على فكرة الصوت عندي مع الوقت يقوى


وانت كيف ؟؟


الله يسهلها + ضلع






حتى أيضا أنا نفس المشكله معي باترول 2009 من أول ماطلعته من الوكاله فيه المشكله هذي



للمعلومية انا جربت اكثر من موتر إذا جيت تاقف وتحطه في الفاظي قبل ما تاقف ما تطلع الردحة


حتى أنا جربته وضبطت طيب لماذا ؟؟؟؟



عزيزي انا واياك بالهوا سوا -عندي نفس مشكلتك - امس رحت وشحمت الموتر من تحت والطقة خفت واجد لكن ماراحت


صادق تروح فتره بعدين ترجع !!!!


طيب وشرأيكم باللي قال غير عامود الكردان مع العلم بأن موتري جديد 2009 ما مشي ولا 60 ألف تكفووون أبي حل مؤكد ...

[المخلفي]

اخواني مساكم اللة بالخير المشكله موجوده مع اغلب الزملاء وهي من وجهة نظري انها عاديه. وحلها هو انك اذا جيت توقف لا توقف بشكل تام وسريع وانما عطها مجال شوي شوي لين توقف بشكل تام
برضوا اذا جيت تمشي فك عن الفرامل بشكل تدرجي قبل لا تدعس بنزين. وبها الطريقه ان شاء الله ماتسمع الصوت

سؤالي هل هالصوت اذا ماعالجته له ضرر وشكرا

[algali9090]

شبااااااااااااااب موتري جديد باتروول 2009 ومهب معقووول فيه خرابات يعني جديد وفيه

هذي الطقه وش الحل ؟؟؟؟

يعني فيه حلووول واجد بس كلهن للمواتر القديمات شوي ومعقوله يصير فيه خرابات ...

بس موتري جديد وش الحل ؟؟؟ وش رأيكم ؟؟؟

[الملتاع111]

السلام عليكم
كان الله في العون
والله مواتر جديده وفيها هالمشاكل هذا من طيب الوكالات اللي عندنا تروح لهم يقولون لك عيب مصنعي طيب صلحوه هذا العيب من عندكم
حسبنا الله ونعم الوكيل.

[الملتاع111]

حل الطقه في اللي في الدفرنس
http://mekshat.com/vb/showthread.php?p=6213864&posted=1#post6213864

[abo-khalid]

الحل هنا http://www.mekshat.com/vb/showthread.php?t=379608

[falconer-kw]

السلام عليكم انا عندي سفاري ٢٠٠٥ بالنسبه للضربه هذي عاديه وحلها طال عمرك تشحيم عامود القاردن وباذن الله تنتهي المشكله