قيمة الفحمه للجمس هل صحيح ذلك

[عضى]

السلام عليكم ورحمة الله وبركاته والف تحيه طيبة لكم أجمعين
ياحبايب
هل صحيح أن سعر الفحمات للجمس يوكن XL بدون دبل موديل 2009 او 2008

500ريال للفحمه الواحده يعني أربع كفرات 2000ريال مع التركيب ؟؟؟؟

وبارك الله فيكم وفي عملكم

:c :lr :l :r

[_دربيل_999]

اخوي..
بصراحة والله مدري عن السعر بس بقولك حاجة شكلك مسعرها عند الوكالة..
الوكالة عندها أسعار مجنونة..تخيل طرمبة بنزين لــ الجمس الجمي سعرتها عند الجميح بــ 3500ريال..
ورحت ولقيتها عند السبيعي في الصناعية القديمة بــ400ريال ركبتها ولها في السيارة 5سنوات زي الفل..
اذا السعر اللي قلت من كلام الوكالة ترى القطع اللي في السوق زي الوكالة بالضبط عاد مو كلها فيه تجاري ردئ

وفقك الله

الروقي

[عضى]

لا هذا كلام واحد سمعته منه واستغرب هذا الكلام

فقلت أسأل وأنتظر الردود

وجزاك الله خير يالروقي

[سوبر VTC]

حياك اخوي
العلم اللي عندي عن جمس م2001
يجي 3 انواع
نوع ب100ريال
و اخر ب140
و اخر ب240
اللي سعره ب100ريال
سبق اني جربته جيد لاباس به
و للمعلومية
العمر لكل الفحمات متقارب
يخلصن جميع تقريبا
موفق

[بدوي جنوبي]

فيه شركة اسمها يونايتيد لون الكرتون احمر واسعارها معقوله اعتقد ما تتعدى 150 ومكتوب على الكرتون made in canda

[ولد وايل..]

السلام عليكم..

اسمع سلمك الله انا عندي تاهو 2007 ونفس الفحمات لليوك والسوبر..

اخذ الفحمات من عند الوكيل الجميح ولا التوكيلات ب 500 ريال للجهة الواحد ومش للقطعه يعني امام ب 500 وخلف 510 تقريبا...

بس هذي اول مرة غيرت المرة الثانيه لا الاماميه 350 او 370 والخلفية تقريبا نفس الشي ...يعني نزلت نزول بسيط وكل مالها وتنزل ان شاالله...لا تشيل هم تراااها تصممممل صدق انا اكرررف ابو جدها اول مرة مشيتها 100 الف ما غيرتها الا مع تشييك ال100 الف والمرة الثانيه غيرتها قريب مع 170 الف وكان باقي فيها بس غيرتها ... بالتووووفيق

[3bdelm7sn]

وعليكم السلام اخوي انا عندي يوكون 2007 مغير فحماته امامي خلفي ب 1090 ريال من عند العيسى

[just 4 u]

هي تجي أنواع على حسب السعر تمشيك
النوع الأول : صناعه هندية ب 80 ريال حق 3شهور بالكثير وكربونه كثير
النوع الثاني : من AC Delco الدرجة الثالثه ب120 ريال حق 4 شهور
النوع الثالث : من AC Delco الدرجة الثانية ب200 حق 8 شهور (نوع جيد)
النوع الرابع من AC Delco الدرجة الأولى ب320 حق سنه تقريبا أحسن أنواع ال أيسي ديلكو)
النوع الخامس : حق جي ام ب 500 ريال طبعا هو أفضل شي ويطول معك أكثر من الأنواع الثانية وأداء الفرامل فيه عالي ولا يسخن بسرعة مع كثرة الفرمله

ويوجد أنواع أخرى من شركات ثانية يفدونك الأخوان فيها

هذا مالدي حسب تجرتي الشخصية

وشكرا

[الراس الجارح]

مشكور الموضوع

[ادولف هتلر]

كلها 600 او 650 ريال من عند العيسى مخرج 5 وخل يقولون لاهلها

تحياتي

[ERIC7]

مشكلة الفحمات الجديده مشكلة
فيه نوعين من الفحمات ممتازه نوع بحول الف ريال 4 فحمات وهو الافضل والنوع الثاني من 650 الى 700
مشكلة ابو الف مهوب سعره مشكلته ان الفحمة تاكل الهوب بسرعة قبل ماتتاكل وتزعج كثير بالصوت انا معي يوكون ومسعرها لاكن التغيير نصيحة لاتغير في الوكاله سعرهم عالي جدا
والكلام هذا من مهندس الوكاله نفسه
اما السعر اللي ذكرته مهوب صحيح

[ثعبان الصحراء]

الفحمات الاربع حوالي 950 مغيرها واحد من الربع

[الدافوار]

غريبة هذالغالى

[رفيع المقآم]

الله يعين بس كل شي في ارتفاع مستمر الله يستر علينا بس لو الواحد راتبه 15000 ما تنفع معه على هالمصاريف

[سوبر VTC]

هي تجي أنواع على حسب السعر تمشيك
النوع الأول : صناعه هندية ب 80 ريال حق 3شهور بالكثير وكربونه كثير
النوع الثاني : من AC Delco الدرجة الثالثه ب120 ريال حق 4 شهور
النوع الثالث : من AC Delco الدرجة الثانية ب200 حق 8 شهور (نوع جيد)
النوع الرابع من AC Delco الدرجة الأولى ب320 حق سنه تقريبا أحسن أنواع ال أيسي ديلكو)
النوع الخامس : حق جي ام ب 500 ريال طبعا هو أفضل شي ويطول معك أكثر من الأنواع الثانية وأداء الفرامل فيه عالي ولا يسخن بسرعة مع كثرة الفرمله

ويوجد أنواع أخرى من شركات ثانية يفدونك الأخوان فيها

هذا مالدي حسب تجرتي الشخصية

وشكرا


مشاركة طيبة
سبق اني ركبت ارخص نوعية
و الان لهن تقريبا سنتين فحمات خلفية
اعتقد العمر واحد
اذا كان هناك فرق فهو فرق بسيط
و هذا تاكيد من صاحب محل قطع غيار متخصص

[RASHED1384]

اخوي عضي ولايهونون الربع انا عندي يوكن 2007 ركبت فحمات امامي ب 130 ريال مع خرط هوبات لمدة 4 شهور تقريبا وما نفع رجه واخذت بعد ذلك فحمات امامي وخلفي من الجميح الامامي ب400 ريال والخلفية ب 490 ريال وركبتها ب 150 ريال للجهتين مع خرط هوبات امامي ولا نفع الخرط والان السيارة فيها رجه غير طبيعيه بس ما نفعت لان الاصلي احسن بمراحل من جميع النواحي ونصيحه للاخوان ملاك اليوكن 2007 لا تركب الا اصلي لانه يمشي السيارة تقريبا من 70000 الف كيلو الى 80000 الف كيلو يعني بحسبه بسيطه تقريبا من سنه ونصف الى سنتين حسب ممشى السيارة مع العلم بان السيارة تحتاج هوبات امامي اصلي بمبلغ 800 ريال

[ادولف هتلر]

اذا كانت الرجه مع الفرامل فهي من الهوبات 100% خذها مني


اما اذا غيرها شيك علىيها من اقرب ميزان ببلاش فحص..



تحياتي