ياهل الفتك - واللاند كروزر الجديد - تفضلوا لاهنتو

[النايف999]

السلام عليكم ورحمة الله وبركاته
انا عندي طلب واستشاره وان شاء الله ماتقصرون معي
انا جربت الباترول موديل 99 و2000 السيارات كانت خفيفه بالبر لاكن عانيت من 4 نقاط
كرهتني في النيسان وهي :
1- صرفية البنزين كان الفل مايمشيني 350
2- الرجه اللي من 80 الى 100 ماخليت شي ماسويته
3- الكربون والكتمه
4-ازعاج الابواب الخلفيه


طبعا انا جربت 99 وبعته قلت يمكن يكون خلل مصنعي وشريت 2000 ونفس الوضع


وبعدها قاطعت النيسان ودخلت عالم التويوتا


صراحه سيارات عمليه جدا .


الان انا معي جيب لكزس 2002 وابي اجدد حاط لي ميزانيه محدده


دورت لاندكروزر هدد الشكل الجديد اقل فئه لقيت الاسعار مرتفعه شوي


وحصلت اعلانات الفتك موديلات 2008 اسعارها مناسبه ومواصفات افضل


وش رايكم بالفتك الجديد هل العيوب اللي ذكرتها لا زالت موجوده او انتهت


اللي جرب اللاند كروزر الجديد من 2008 وطالع وجرب الفتك يعطيني رأيه



واتمنى مايأخذ الموضوع منحنى ثاني ويصير موضوع هواش


شاكر لكم ,,,

[باترول للأبد]

وعليكم السلام ورحمة الله وبركاته

أخوي الباترول مازال فيه بعض المشكلات مثل الرجه وأزعاج الأبواب الخلفيه

حتى لو الموتر 2009 بتشوف فيه هالشغلات والأبواب أمرهم سهل

بس الرجه يبي لها تدفع فلوس وتروح بس حرام موتر جديد

[مدمن فتك]

شوف ياغالي اما انا معي 2009 فتك
بالنسبه للبنزين يمشيني من 490 الى 550 تقريبا
الرجه ماتذكر ولاهي دايم
ازعاج البيبان الخلفيه غير موجود والموتر له معي 10 شهور بس تبي الصراحه
الموتر شيييييييييييخ شيييييييخ بمعنى الكلمه جبار بالديره وبالبر

[ادولف هتلر]

اذا تبي تجرب الفتك ارسلي خاص

مافيه اصوات في البيبان لها حل يكلفك 3 ريال هههههه والله صدق انا مسويه معي سوبر سفاري جلد تماتيك عادي 2008 ..... الرجه مره تجي ومره لا واذا جت خفيفه مرررره على 80 بس .... البنزين من 450 الى 550 على حسب ديره او خط... اذا خط وعلى مهلك يمشيك 600 بالراحه



تحياتي

[شامخ ألهيلا]

اخوي انا مثلك جربة الباترول 94 و 99
والان على لاند كروزر 2002
ومقرر عن قريب لاند كروزر 2010 او 2011 اذا شاء الله
نصيحة لاترجع توهق مرة اخرى
نيسان مافلحة الا في الددسن فقط

[ادولف هتلر]

^^^^^^^^^
^^^^^^^^^
^^^^^^^^^


حلوه هاوي ورش ....<<<<<<<<<<<<< الاند كروزر العملي الممتاز فقط من موديل 2007 وتحت الجديد دمار ..

[ابوحمد666]

شف وانا اخوك يالنايف
والكلام من تجربه طويله للنيسان والتويوتا
اذا انت راعي بر وطلعات وتطعيس وطرد وتبغى وناسه بالبروقياده ممتعه خذ فتك او جيب تويوتا من 97 واسفل
اذا انت عكس ما ذكر با اعلاه خذ تويوتا لكن التويوتا مبالغ في سعره جدا
ملاحظه الجيب 6 سرندل لا يقربك ثقل في تقل ,,خذ 8 سرندل
تحياتي لك

[المميـز]

أنا من مؤيدين السيارتين اللاندكروزر والبـــاتــــرول

وكل السيـــارتين لهم هيبه ولهم سوق ولهم زبون والم عند البيع ان شاء الله

السيارتين حقت كد ومد

إذا كنت ناوي تشتري باترول مستعمل عليك بالنظيف النظيف النظيف

لأنه إذا ماكان نظيف بمعنى كلمة نظيف يبي يتعبك شوي بالتصليحات

واحرص انه ما يكون عقب شـــاب راعي تفجيـــر وتطعيـــس :)

واللاندكروزر ماعليه ان شاء الله لو اخذت نظافه وسط يبي يطربك

ولو كنت أنا مكانك

أخذ الفتــــك :good2:

وعليك بالاستخاره بعد الاستشاره

والله يكتب لك اللي فيه الخير

وحنا جاهزين وحاضرين لجميــــــــع استفساراتك طال عمرك

[yasser1389]

خذ فتك وكاله ولا يهمك احد

[أبوسعد الذيب]

شف وانا اخوك انا معي gx 2008 v6 طبعا الموتر ما شاء الله شيخ

وقبل ما اخذ الموتر كثير من الشباب ما نصحني فيه وقالوا لي خذ القديم

بس انا استخرت وتوكلت على الله

بالنسبه للعيوب للي في الموتر فيه صوت خفيف اذا مشيت مهدي اقل من 60 يقولون علشان الموتر 6 سلندر والا الثمانيه ما فيه صوت طبعا موتري قير عايدي

وفيه عيب ثاني ان كمبرسر المكيف والثلاجه واحد يعني اذا شغلت الثلاجه لازم يشتغل المكيف

وبالنسبه للبانزين يمشي من 650 الى 700

وانا اقول استخر ربك والموتر ما شاء الله فخامه ومركب وقوه ويكفي انه تويوتا

[عشق الشمال]

باختصار


تويوتا وبس :good2:

[خيال النفود]

صبحك الله بالخير اخوي
بختصرلك وبحطلك موضوع لي ودخل شف الصور
مفخرة الارض ماعتقد فيه شي افضل منه
هذا وهو سته سلندر وقير عادي
بس اذ انت راعي بران ارفعه باياي سترالي من قدام ورا وكفرات بالون وبتشوف
وقوه وراحه ورساوه وراحه ودلع
وعز وطرب
ولو احاكيلك من هنا الي بكرا ماوفيت حقه
للمعلوميه الموتر معي له سنه ونص تقريبا مافي مكان مارحتله وجالده جلد خطوط وجلد ونفود
ومشاءلله تبارك الله ولله ثم ولله صوت الصرصره والطقطه ماتسمعها مع الجلد مع العلم اني ماعمري وديته لا صيانه ولا شي اغير زيت وقماشات بس
بس اهم شي اذ بغيت تاخذ الشكل الجديد خذ خليجي لا تقرب السعودي ابد

http://www.mekshat.com/vb/showthread.php?t=264141&highlight=%E1%C7%E4%CF%DF%D1%E6%D2%D1 (http://www.mekshat.com/vb/showthread.php?t=264141&highlight=%E1%C7%E4%CF%DF%D1%E6%D2%D1)

[النايف999]

وعليكم السلام ورحمة الله وبركاته

أخوي الباترول مازال فيه بعض المشكلات مثل الرجه وأزعاج الأبواب الخلفيه

حتى لو الموتر 2009 بتشوف فيه هالشغلات والأبواب أمرهم سهل

بس الرجه يبي لها تدفع فلوس وتروح بس حرام موتر جديد
الله يعطيك العافيه اخوي وانا استغرب من هالشركه الى الان والمشكله موجوده من 10 سنوات

[نادر الافراح]

تويوتا خليجي والتماتيك أفضل
معي 2008 قير عايدي متعبني
ودي بتماتيك
عموماً أفضل للك الاستخارة
وحاول تستأجر جيب تويوتا وتجرب
ونيسان وتجرب
لو يوم واحد
تحياتي.

[واحد مبسوط]

من تجربة اخوي
والله وانا اخوك بقولك شي ناتج عن التجربة
انا شريت فتك 4800 موديل 2002
الموتر جبار ومريح لكن خراباته كثيرة واهم شي الشكمان وطرمبة البنزين وصرفية بنزين عالية
وشريت 4500 موديل 2007 بابين سلقة مثل سيارات الحكومة
اعطاله لاتذكر قمة الراحة وفي الخطوط الصحراوية راسي وصرفية بنزين اقتصادي جدا ولكن ليس بالقوة المطلوبة

والان معي vxr2004 فرق السماء عن الارض نيسان ماله عاقبه
وبعدين فيه نقطه
الناس ماهي زي اول تكد السيارة 15 سنه
هالحين 5 سنين وبعها واشتر غيرها اللهم لك الحمد
والتايوتا شيك في البيع واوجه ورسمي
والاستخارة مطلوبه

[هاوي غماره]

لا والله وانا اخوك
هذا حديد لايرفع ضغط ولاقام ولا قعد
رح شف زباين البترول وزباين الكروزر
زباين الكروزر اكثر
وبعدين
يدلك على الخيل اثمانها
شف سعر ذا وشف سعر ذاك:good2: :D

السعر مب دليل ياخلفهم انت اعطيك مثال

شف البرادو ذا حقكم الكرتون شف كم سعره 195 فل كامل خير انشاله وين عايشين اخبر 2006 فل كامل ب65

والشي الثاني

ياراعي المضوع اذا تبي موتر رزه اقوله لك تويوتا واذا تبي حق لعن خذ فتك وانت مغمض

رح شف حقين البر والطردي وش ياخذون
ابقولك شيء اشور عليك انك تصبر شهر وثلاث ايام يبي ينزل الشكل الجديد للباترل يمكن ينزل سعر الشكل ذا

آآسف على الاطاله
والسلام الختام

[النايف999]

الله يعطيكم العافيه ماقصرتوا كفيتو ووفيتوا

صراحه الفتك ماعليه كلام كل وقوه

واللاند صبر وشيك

ان شاء الله نتوفق بالموتر الزين ومانستغني عن مشورتكم

[مدمن فتك]

اسمحلي انا اخالفك
تدري ليش التويوتا سعره مرتفع ... سمعته القديمه وبالعربي من 80 الى 2007 (جامد ومايتفكك)
رغم انه مافيه زود قوه بالبر ومع ذلك ابو جميل يرفع الاسعار مع التلاعب بالجوده والناس تقولك تويوتا وبس وبعد هذا ماتبيه يرفع سعر ..اترك الجواب لك؟
اما النيسان من 88 الى 97 (معروف بتفككه) ثم جا 98 الى 2001 ولافيه زياده على ماقبله من ناحية التفكك..
بعدين جا الفتك من 2002 الى 2009 وهذا اللي قلب الطاولة على مستخدمي التويوتا وقلب الموازين لصالح النيسان.. اما بالنشاط الفتك مايجاريه جيب ابد وكلامي هذا مع تجربتي للشيروكي والشاص ومع ذلك تفوق الفتك..
بعدين ماكل غالي زين والدليل المخدرات وتجارتها غاليه ..
اتمنى ان المقصود اتضح والله يوفقك

[فهد773]

تايوتا وبس الفتك مايصبر كل يوم والثاني طالع لك خراب ويتفكفك بسرعه ماهو صبور حتى قطع غياره اغلى
ومثل ماقال شامخ الهيلا مانجح من نيسان الاالددسن

[محمد الجويسر]

والله وانا اخوك انا ما جرت النيسان ودي اجربه


بس تويوتا صور ويتحمل الكده


بالنسبة للبيع انا اشوف ان النيسان الان صار شيك مثل التويوتا

بس اسعار التويوتا اسعاره مبالغ فيها تقبل مروري

طي وش رايكم بالامريكي عز الله انه مررررررررريح موب يم الياباني

[مدمن فتك]

صدقني كل من تكلم بالفتك فهو يعرف بما لايعرف ولاجربه بس على قولة يقولون ولا ل جربه كان انصف وصدق بكلامه

[subr]

ان كانك تبي المريح ولايتفكك وسعره مايطيح خذا لاندكروزر

اما اذا ماهمك الراحه و التفكك خذ باترول واحد من اقاربي معه باترول 2009 صوت البيبان الخلفيه يرفع الضغط وعامود التوازن الخلفي اللي كل يوم مرتخي وغيرها من المشاكل المكانيكية

[فهودي2010]

السلام عليكم مساكم الله بالخير يالربع
عذراً أنا مشاركاتي قليلة لكن حبيت المشاركة في الموضوع
أنا أقول وأعوذ بالله من كلمة أنا إذا كان معك قبل لكزس ما ينفع تركب فتك لعدة أسباب
1- مواصفات اللكزس
2- عزم اللكزس
3- راحة اللكزس
4- رزة اللكزس
كلها أحسن من الفتك
و ودي لوشريت المفخرة أو الفتك تعطينا إنطباعاتك ورايك والله يكتب للجميع الخير ولا تنسَ صلاة ودعاء الاستخارة

[ذيب عالية نجد]

والله يأصحاب التايوتا ماخذين مقلب في كلمة شيك في المخبى
وأدعوا اللذين يقولون بإنه شيك في المخبى إلى طرح تجاربهم مع معارض السيارات وبيع سيارة تايوتا ولو واحده وسوف نعرف كم مبلغ البيع مقارنةً بالمشترى بكل صدق وأمانه وأذكر أن أحد الأعضاء قد طرح موضوع عن هذه النقطة وأرجو من الأخوان أن يبحثوا عنه ووضع رابطه هنا لكي يقرأه صاحب الموضوع ويقتنع
أما من ناحية النيسان فيكفيها فخراً فقط نظام التعليق والتوازن الممتاز الذي فشلت ولازالت التايوتا في أن تصنع مثله أما من ناحية قوة المحركات فلا مجال للمقارنه بالعقل مكينه 4800 زيها زي 4700
تحياتي لكم

[ابو انس111]

اذا انت قناص وراعي طرد و ما ترحم الموتر خذ لك فتك ولا تشاور
اما اذا انت راعي كشتات و حولها اللاند طيب
لا تنسى الاستخاره

[النايف999]

الله يعطيكم العافيه ماقصرتوا

الا وش الحل مع صوت الابواب اتذكر يوم جربت الباترول ماارتحت الا بعد مافكيت الاستبنه

[الادعج]

اول شي ياجماعه من ناحيتي انا ووجهه نظري التي لاتقدم ولاتؤخر ..بالمفخره ..صراحه موتر ممتاز ببعض المقايس وليس جميعها ..منها الراحه والفخامه والشكل الخارجي ..لكن موتر بر مايقارن بالفتك نهائيا شاء من شاء وأبا من أبا ..
هذي نقطه ..
اما بخصوص مقوله التويوتا شيك بالمخبا ...انا اتمنى من اصاب تلك المقوله دخول هذا الرابط والتمعن فيه ..
http://www.mekshat.com/vb/showthread.php?t=134726 (http://www.mekshat.com/vb/showthread.php?t=134726)
..وليعرفوا حق المعرفه بانه كلام فاااااضي
وبعدين انا ابسال سوال كم قيمه الجكسار 2008 ماشي 70000 ..وكم كان قيمته وهو جديد
...لانضحك على انفسنا ياخوان ...
لكن كلامي لصاحب الموضوع ..
عزيزي لاتستعجل و انتظر تاريخ 13/2/2010 ......الموافق ليوم السبت
مابقي الا 10 ايام
اعتقد بان هذا التاريخ سيقلب موازين سيارت الدفع الرباعي قاااااطبه
وسيقلب الطاوله على المنافسين
مع اطـــيب المــنى
’’’’’’’’’’’’’
’’’’’’
’’’
’’

[الادعج]

الله يعطيكم العافيه ماقصرتوا

الا وش الحل مع صوت الابواب اتذكر يوم جربت الباترول ماارتحت الا بعد مافكيت الاستبنه

الحل طال عمرك ..تروح لاقرب بقاله لبيتكم ..وتقوله ياصديق عطن شطرطون اسود بريال..
ثمن تروح وتفتح باب الباترول الخلفي ..تحصل حلقتين على شكل U وحده فوق ووحده تحت ..طبعا كلهن بنفس الشاصي مهوب بالباب ..كل ماعليك تقوم تلف هالحلقتين بالشطرطون لفتين ونص الى ثلاث لفات بــس ارجع واقول بــس لانك لو زودت كنك يابو زيد ماغزيت ..طبعا تلفهن دار مادار ..وعقبها صك الباب وهذ وجهي ان سمعت الصوت مره ثانيه ..والصوت ماله دخل بالاستبنه
والان مسوي الحركه هذي لي اكثر من 7 شهور ...ومن ابدع ما يكون
,,,,,,,,
,,,,,
,,,

[mr.majid]

مع انه حذف ردي السابق وهي تمثل وجهة نظر خاصة.
لكن عندي لك حل، استأجر لاندكروزر وفتك كل واحد يوم وتكون نهاية الاسبوع واطلع وجربهن، لو خسرت لك ألف ريال بس تكون على بينه.
مع تمنياتي لك بالتوفيق

[عزوز الهويمل]

يالربع التويوتا ماعليه كلام والفتك ماعليه كلام بعد

بس الفتك نفس خفيفه ووذف ويدور البران

وانا عن نفسي باخذ فتك ...

لكن الله يعينك والله لك حق تحتار كلهن شيوخ لكن كل واحد له مميزاته

ولكل مقام مقال الفتك ووسع صدرك اجل التويوتا بـ 200 الف وين عايشين

[الربذي]

وعليكم السلام
حتى انا محتار وابي اعرف ودي بنيسان لرخصه لكن حيرتوني زياده واحد يمدحه ثم جاء ثاني وسبه وهكذا دواليت .
انا اعرف ان تويوتا اصبر بس قلبي يميل لنيسان .

[عاشق الغضا]

انصحك انك تسأل مجرب الباترول والاند وحاول انك تبعد على الناس المتعصبة فالباترول فيه سلبيات وايجابيات والاند كذلك

[باترول_94]

انصحك في الباااترول

[محب النيسان]

اانا مجر الاند2010 v8الموتر ثقيل واذا دخل الرمل لازم تنسم وشريت عقبه باترول1998 والباترول داخل به طعوس بدون تنسيم وبدون دبل
انصحك بالباترول

[شامخ ألهيلا]

الموضوع اخذ حقة بزيادة
لاكن وانا اخوك
رح يم ذييب لاجار السيارات
وجرب الي يجوز لك
اما هناء
ماراح تاخذ رآئ
ناس يعشقون الاند ويمدحونه
وناس يعشقون الباترول ويمدحونه
ولو تحط مقارنه بين الباجيرو وسيارة اخرى جوك اهل الباجيرو يمدحونة لك

توكل على الله وانا اخوك وجرب
وفيه معارض بالنسيم
ومعارض بالشفاء
وطب وتخير

[الربذي]

الموضوع اخذ حقة بزيادة
لاكن وانا اخوك
رح يم ذييب لاجار السيارات
وجرب الي يجوز لك
اما هناء
ماراح تاخذ رآئ
ناس يعشقون الاند ويمدحونه
وناس يعشقون الباترول ويمدحونه
ولو تحط مقارنه بين الباجيرو وسيارة اخرى جوك اهل الباجيرو يمدحونة لك

توكل على الله وانا اخوك وجرب
وفيه معارض بالنسيم
ومعارض بالشفاء
وطب وتخير
:good2: :good2: :good2:

[النايف999]

الحمدلله شريت لاند كرورزر 2008-v6
مبدئيا السياره خفيفه وتسارعها حلو مع انها 6 سلندر واسبيرين وونش
انا توقعت هالاياء تثقلها زياده
بصراحه انا اقارن عزمها مع السياره اللي قبلها جيب لكزس 2002 مافيه فرق يذكر
والحمدلله مافيه اصوات ((السياره متماسكه)) وبنفس الوقت مريحه

وراح اطرح تجربتي ان شاء الله بنفس الموضوع باقرب وقت

اشكر كل من تفاعل مع موضوعي والله يعطيكم العافيه ماقصرتوا

[الربذي]

الحمدلله شريت لاند كرورزر 2008-v6
مبدئيا السياره خفيفه وتسارعها حلو مع انها 6 سلندر واسبيرين وونش
انا توقعت هالاياء تثقلها زياده
بصراحه انا اقارن عزمها مع السياره اللي قبلها جيب لكزس 2002 مافيه فرق يذكر
والحمدلله مافيه اصوات ((السياره متماسكه)) وبنفس الوقت مريحه

وراح اطرح تجربتي ان شاء الله بنفس الموضوع باقرب وقت

اشكر كل من تفاعل مع موضوعي والله يعطيكم العافيه ماقصرتوا

ماشاء الله مبارك الله يعطيك من خيره ويكفيك شره كيف صوته على 140 هادي مثل الكزس وهل كانت 470 لانها صراحه هاديه جدا ومريحه
طيب الناس ليه تسبه ويقلون ثقييييل وهل هو اوتو ولاقير عادي

[الجندي2005]

انا استغرب من هذا التعصب الغريب يتحدث البعض وكأنه هو الذي صنع السيارة
ياشباب حنا مجرد مستهلكين ضعفاء لا أكثر من ذلك و لا أقل من يستخدم الفتك
لو حصل واستخدم اللاند لن يتغيرشي والعكس ،،،،،،،،،،،،،،،،،،،، دعونا نكبر عقولنا ونبتعد عن التعصب الغريب .................... (( نحن مجرد مستهلكين يتحكم بنا الوكلاء ))
تحياتي للجميع رغم اني من يستخدم الفتك إلا اني ممكن أن استخدم اللاند ،،،،،،،،،

[الشنه]

باختصار


تويوتا وبس :good2:

[مدمن فتك]

اخوي الشنه اسهل رد عليك
يجي واحد يقول نيسان وبس
نبي تقريب لوجهات النظر مهو اذكاء للتعصب الفائز فيه الشيطان (ولكن نجح بالتحريش بينهما)

[خ الفياض]

تايوتا ولا غيرها بديل
الفتك يفز ويطرب ولا يبعد
تبي راحة البال تايوتا

[النايف999]

ماشاء الله مبارك الله يعطيك من خيره ويكفيك شره كيف صوته على 140 هادي مثل الكزس وهل كانت 470 لانها صراحه هاديه جدا ومريحه
طيب الناس ليه تسبه ويقلون ثقييييل وهل هو اوتو ولاقير عادي
اكثرسرعه 120 تقريبا ومافيه اصوات

اللكزس اللي كان معي 470 صراحه فيه فرق بينهم الاول اصغر حجم وتتحكم فيه بسهوله

القير اوتو وبصراحه اشوفه ممتاز واذا حولته لعادي يعطيك عزم اقوى

[abuktab]

والله يالغالي أنا من عشاق الفتك واشير عليك به لانه موتر كده .. واذاتبي رزة وكشخه خذ اللاند .. واما عن قطع الغيار الباترول ارخص ولا الفرق .. طبعا هذا من تجربه سابقة والا الحين شاري باترول 2009 شاريه مستعمل من رمضان الماضي .. وقسم بالله اني ماغيرت به شيء حتى الفحمات ماجيتهن ولاجيت شيء ابد الا انيغيرت فيوز به بس والحين ماشي 67 الف وكاده كده مع انه جديد .. لكن الامر الزين والطيب استخر وتوكل على الله وشف اللي تميل له ..

[الرجل الحجري]

اشتر لاندكروزر الجديد
بس السعودي فية قطع تجارية مثل المسجل والخط والجنوط والالكشافات !
خذ خليجي او سعودي وارد اليحيا او البازعي
والنيسان رقم اثنين بعد التويوتا بس فية صرف البانزين وكثر الخرابات
انا مجربها جميعا