المساعد الشخصي الرقمي

مشاهدة النسخة كاملة : الفزعه يالمكشاتيين منشار البنزين تعطل ولا لقيت من يصلحه


د ك م 586
03/02/2010, 12:06 AM
السلام عليكم ورحمة الله وبركاته
عندي منشار بنزين نوعية بولان مقاس 16 انش شاريه قبل عامين من ساكو واستخدمته ثلاث او اربع مرات استخدام بسيط وكان فيه مشكله انه يطفى بدون ماتضغط على زناد البنزين
اخر مره كان يشتغل شوي ويطفى الين عجزت عن تشغيله وديته لصيانة ساكو قالو يبيله بستم وشنبر وسلندر وبيكلف حول 450 ريال لانه لايوجد لديهم غير بستم صفر ولابد من تغيير السلندر
اللي يعرف محل مختص ببيع قطع غيار له غير ساكو اكون له من الشاكرين او حتى محل مختص بالشغلات هذي لاني اعرف ان بعض المناشير مثل (تنكا) مايكلف اكثر من 150 ريال قطع وخرط وشغل يد .
وهذي صور للمنشار




http://www.up4mb.com/up/get-2-2010-psh4euhu.JPG (http://www.up4mb.com/up)



http://www.up4mb.com/up/get-2-2010-2zmhs4kf.JPG (http://www.up4mb.com/up)



http://www.up4mb.com/up/get-2-2010-i2ls33d2.JPG (http://www.up4mb.com/up)
طارق200
03/02/2010, 12:26 AM
حدد منطقـتـك او المدينة
والاعضاء مايقصروا
د ك م 586
03/02/2010, 12:29 AM
حدد منطقـتـك او المدينة




والاعضاء مايقصروا



المدينة الرياض
النحيف
03/02/2010, 12:31 AM
شف ياخوي رح لمحلات تصليح الدبابات بس شف لك واحد زين وراح يضبط
( عن تجربة )
أحب القمرا
03/02/2010, 02:14 AM
هلا بك اخوي
رح للصناعية القديمة وخل حقين الزجاج على يدك اليمين وقبل ما تطلع الكبري ادخل يمين في الشارع الضيق . الشارع هذا في ورش مختصة للتوضيب والتصليح ، اذكر فيه ورشة صلحت المنشار حقي عندهم أظن أنه أخر ورشة على اليمين اللي فيها حضرمي .
المغيض
03/02/2010, 02:29 AM
السلام عليكم...شف وانا اخوك الورش اللي في حراج بن قاسم...تراهم كويسين...والا الصناعيه القديمه نفس ما قال اخوي(أحب القمرا)..بس اهم شيء انك تاقف عنده لاتخليه عنده..خله يصلحه وانت عنده...
تقبل تحياتي
sameer_1798
03/02/2010, 03:19 AM
من وصفك للعطل توقعت انه يحتاج فقط تنظيف ووزن كربيتر
لكن يوم أنهم طلبوا منك هذه القطع شكله يحتاج توضيب الله يكون في عونك
إذ قطع التنكا تركب عليه ركبها أفضل .

وضروري تعرف سبب المشكله إما إنك ماخلطت البنزين مع الزيت أو نقص زيته . عشان تتفادها مستقبلاً
د ك م 586
03/02/2010, 08:38 AM
شف ياخوي رح لمحلات تصليح الدبابات بس شف لك واحد زين وراح يضبط
( عن تجربة )
رحت لم محلات الدبابات وبالذات اللي في الحراج وقالو مانعرفله
التصليح سهل بس وين القى القطع(ممكن اصلحه بنفسي)
د ك م 586
03/02/2010, 08:43 AM
هلا بك اخوي
رح للصناعية القديمة وخل حقين الزجاج على يدك اليمين وقبل ما تطلع الكبري ادخل يمين في الشارع الضيق . الشارع هذا في ورش مختصة للتوضيب والتصليح ، اذكر فيه ورشة صلحت المنشار حقي عندهم أظن أنه أخر ورشة على اليمين اللي فيها حضرمي .


مشكور وماقصرت على الوصف
تهقى ابلقى عندهم قطع غيار له؟؟؟
د ك م 586
03/02/2010, 08:46 AM
السلام عليكم...شف وانا اخوك الورش اللي في حراج بن قاسم...تراهم كويسين...والا الصناعيه القديمه نفس ما قال اخوي(أحب القمرا)..بس اهم شيء انك تاقف عنده لاتخليه عنده..خله يصلحه وانت عنده...
تقبل تحياتي
رحت لاكثر من محل في الحراج ومالقيت من يصلحه
اما عن الصناعية القديمة مارحت لها
د ك م 586
03/02/2010, 08:53 AM
من وصفك للعطل توقعت انه يحتاج فقط تنظيف ووزن كربيتر
لكن يوم أنهم طلبوا منك هذه القطع شكله يحتاج توضيب الله يكون في عونك
إذ قطع التنكا تركب عليه ركبها أفضل .

وضروري تعرف سبب المشكله إما إنك ماخلطت البنزين مع الزيت أو نقص زيته . عشان تتفادها مستقبلاً

بالعكس اخر مرة كنت زايد الزيت عن النسبه المطلوبه خوفا من انه يخرب لاني كنت ناوي اقطع لي كوم شجر
حتى اني شكيت ان السبب من زيادة الزيت وفكيت البوجي كم مرة لتنظيفه عشان يشتغل بس مانفع وبعدها زدت البنزين عشان يخف الزيت بس على قولت اخواننا في الكويت (ماكو فايدة).
ALRAGY
03/02/2010, 09:21 AM
بخصوص المنشار

رح لمحلات قطع غيار الدبابات
وخذ من عندهم بستم ويكون نفس مقاس اللي عندك
ويكون الرقم اللي عليه
0،25
اذا كان اول خرطه له
ورح لمخرطة واخرط البستم على المقاس اللي تبيه
ونظف المكينة مره وحده
وانشاء الله تضبط معك
د ك م 586
03/02/2010, 09:52 AM
بخصوص المنشار

رح لمحلات قطع غيار الدبابات
وخذ من عندهم بستم ويكون نفس مقاس اللي عندك
ويكون الرقم اللي عليه
0،25
اذا كان اول خرطه له
ورح لمخرطة واخرط البستم على المقاس اللي تبيه
ونظف المكينة مره وحده
وانشاء الله تضبط معك


قصدك ادور بستم مطابق لبستم المنشار عندهم
مع الاسف الكلام ذا صعب المقاييس دقيقه عندك عرض وارتفاع وقصه البستم من تحت عشان يمر من خلاله الكرنك وكذلك خانة البنز كلها مقاييس دقيقة جدا وليس من السهوله انك تجد مايطابقها
كان عندي دباب مقاس 125 خلط
احتاج توضيب ومالقيت له قطع غيار حاولت اطبق له بستم من الدبابات الاخرى اللي بمقاسه (يمكن اكثر من 30 نوع وبجميع الصناعات) ماضبطت معي
الين ارسلته مع واحد سوري رايح لسوريا وصنعوه تصنيع وجابه لي وكلفت القطعه (بستم وشنبر) حول 300 ريال بس كان تمشية حال لانه خبط مامشى 1000 كيلو
أحب القمرا
03/02/2010, 01:40 PM
اخوي الكريم
انت رح للمحلات اللي وصفت لك في الصناعية القديمة وصاحب الورشة بيعلمك من وين تجيب القطع منه أو هو يجيبها وانت تحاسبه
فل اوبشن
03/02/2010, 03:04 PM
اذكر خرب على منشار وصلحته بمحل في حراج بن قاسم ترى محلاتهم صاده شوي اساساً محل تصليح دبابات

مريت كذا واحد وسعرت وصلحته

عاد مشكلتك عدم وجود قطع لنفس المنشار اللي معك لابد تخاطب ساكو

وش هالبضاعه اللي مالها قطع غيار

الله يسهل امرك
هاوي أم دكه
04/02/2010, 03:05 AM
محلات الدبابات
Tech1
04/02/2010, 02:09 PM
بسم الله الرحمن الرحيم
اخي هناك طريقة ان شاء الله راح تستفيد منها لكن بشرط بعد ان تفقد الامل:D في الحصول على قطع الغيار
اللي استنتجته من الموضوع ان المنشار خبط ولازم تغيير البستون والسلندر والشنبر. هذا ان وجد قطع الغيار. لكن اذا ما وجدت فهنا طريقة ان شاء الله تستفيد منها لكن قبل تطبيقها تاكد تمام ان البستون و السلندر بحالة ممتازة و اقل شئ جيدة. شوف الصورة اللي تحت رسمتها لك اخي كمثال

http://www.mekshat.com/pix/upload03/images146/mk125163_p.jpg




تشتري شنبر جديد مقارب لشنبر المنشار وحاول ان تشتري شنبر اكبر شوي من حجم السلندر اخي شوف الصورة

http://www.mekshat.com/pix/upload03/images146/mk125163_r.jpg


ان شاء الله راح تستفيد من المنشار مرة اخرى ولا تنسى بامكانك اعادة الطريقة مرة اخرى اذا حدث و تعطل عليك.

واي استفسار انا حاضر

بالتوفيق:)
رسمال
04/02/2010, 05:14 PM
اخوي افضل نوع بالعالم كله ويستخدمة قاطعوا الاشجار بامريكا واوروبا تنتجة شركة المانية اسمه ستال STAHL وهو مصنوع للمحترفين وللأغراض والأعمال الشاقة
لكن اتمنى عدم وقع مثل هذه المناشير بأيدي العابثين والانتهازيين والجهلة من قطاع الاشجار الذين قضوا على الأشجارالتي يقل عددها بالسعودية عاما بعد عام
فيصل التميمي
04/02/2010, 11:16 PM
شف وانا اخوك فيه محل في شارع الرين اسمه الفانوس عنده مناشير ويمكن تلقا عنده قطع غيار وفيه عند محلات الخرط في الصناعية القديمة يامني يصلح المناشير
الساهر2003
05/02/2010, 11:57 PM
هلا بك اخوي
الشباب ماقصرو والله ييسر امورنا اجمعين

سؤال هل جميع المكانيكيين اجمعو على التوضيب او فقط ساكو من قال بالتوضيب
واذا الجميع اجمع على التوضيب
فلا تستعجل ممكن الخلل بسيط
هل المنشار يشتغل 30 ثانية او اكثر او اقل
اذا يشتغل 30 ثانية او اكثر فالخلل من الكلبليتروعدم وصول البنزين بشكل سليم
وبصراحة المواطير الصينية ماتسوي كذا من الباب لطاقه توضيب
التنكا وغيره يجلدونه جلد ويمشي زي الحلاوة
ويمكن مشكلتك بسيطه وزن البنزين والهواء صارة معي في دباب
ويوجد عند الفانوس عامل هندي يجلس خارج المحل يصلح مواطير ومناشير تصليح خفيف ويوزن التنكا وزن مضبوط مر عليه ويمكن يعرف له ويوزنه صح
وننتظرك ووافانا بالجديد
ولا تستعجل في التوضيب
abo tayyar
06/02/2010, 03:25 AM
أخوي عندك وكالة سزوكي يمكن تلقى القطع اللي محتاجها عندهم .. أنا معي منشار بنزين نفس اللي معك بس من سزوكي وله معي تقريبا 8 سنوات اذا ضعف والا جاه مشكله وديته لهم للصيانه ويضبطوونه ...
محلهم بعد كبري القطار تجيك اشارة مخرج 17 عدها الاشاره اللي بعدها خذ يوتيرن يسار تجيك وكالة سزوكي على اليمين والصيانه خلف المعرض داخل الحاره ...
majedm2m
06/02/2010, 10:58 AM
الحل عندي أن شاء الله (((بس لاتضحك ولا تعلق ألين تجرب)))
عندي نفس المشكله في المنشار (yamaha)
وديته للباكستانيين اللي بسوق الحطب اللي يشتغلون تقطيع حطب بدون قطع غيار وضبطه تضبيط زي الجديد
وعطيته خمسين ريال شوي ويحب يدي ((((((أسأل مجرب))))))
د ك م 586
06/02/2010, 07:15 PM
شكرا لكل من مر وشارك برايه وخبرته وهذا العشم في اعضاء مكشات
واسف لتاخري في الرد لاني كنت بالبر هلااسبوع
وللاسف ان اخوي هداه الله وداه لصيانة ساكو ولكن بعد اجماع الميكانيكيين على وجوب توضيبه ولم نجد قطع في غير ساكو واضطر بعدها لذلك