النفود بعد المطر ،،،، شي

[خلف]

سلام الله عليكم ورحمته وبركاته

بعد المطر :good2:

في الجو غيم :D

هذي بعض ألصور الي اختها من نفود الثويرات غرب الزلفي :good2:



http://www.mekshat.com/pix/upload/images6/mk443_rainthow1.jpg

http://www.mekshat.com/pix/upload/images6/mk443_rainthow2.jpg

http://www.mekshat.com/pix/upload/images6/mk443_rainthow3.jpg

http://www.mekshat.com/pix/upload/images6/mk443_rainthow4.jpg

http://www.mekshat.com/pix/upload/images6/mk443_rainthow5.jpg

سلام

[هواوي]

بسم الله الرحمن الرحيم

الاخ خلف تسلم ايدك يا شيخ على هالصور

بجد روعه روعه روعه

كني اشم ريحه الطعوس يعد المطر احلى من المسك ودهن العود

تدري لو انك مصور شبه النار على ذا الطعوس او صوره براد الشاهي كان شي خرافي فلو عندك صور لنار فحطها الله لا يهينك لاني مقهور ان ذا الجو ما استغل في شبه نار وبراد شاهي ودله قهوه

اكرر الصور اكثر من رائعه

[بركان]

انه السحر بعينه
لا يوجد اجمل من النفود بعد المطر
يشعر الانسان باحساس داخلي لا يعادله احساس
خصوصا كما ذكر الاخ هواوي اذا شبيت النار وخدرت لك ابريق شاي تلقيمه ماركة ابو جبل ( الصندوق الخشبي) وثقلته شوي وزدت في حلاه ياسلااااااااااااااااااااااااااااام سلم :hot: :hot: :hot: . ذاك الوقت تشوف مناير مصر الى رقيت راس الطعس. :j :director:

تسلم يا اخوي/ خلف يا بعد خلفهم
ما قصرت صور رووووووووووووعه تفتح النفس.

[أبــوريـــان]

أخوي خلف ياخلفهم
صور أكثر من رائعة
شي ممتع ريحة المطر على النفود وأشاهي وشبت النار
ومشششكوووور على الصور

[أبو فالح]

خلفوه يا هوه

وش ها الزين .. وش ها السنع .. وش ها الكيافة .. يعني يا الزلفاوي تملك إصيبعات ديجتلية وحارمنا كل ها الزمان ...
طيب تعال .. أحب أوريك أنك أمقصر وايد ( رهيبه وايد )

أنت عضو قديم .. تسجيلك عام 2002 ... ومشاركاتك يا القطوع يا صقير 50 مشاركة .

لكن أسمع .. اللي فات مات وحنا أعيال اليوم يا خلفوه .. يعني رهم مكينة صقر وخلّه أديّم علينا مشاركات .. وذا خمبقت تراي أبهجوك .. لأني شاعر فحل .. شرواي فحل الفصام .
ملاحظة

صور النفود دايم أدوخ عليه .. وذا كانت نديّة من السيول ... وش خليت من عقلي .. لكن فعلاً لو أدخلت صورة أبريق عدن أسود (سنافة ) على حافة نار .. وبيالة فيها ثلثينها من ها الخادر .. أعتقد تكون الصورة تحكي منظر
وايد حلو

[صاروخ]

خلف ياخلفهم ...........
وش هالزين وش هالعلوم الطيبه
وانتم ياشباب تتكلمون عن الشاهي ونسيتوا حليب هالخلفات المجاهيم ان كان لي عرف توهن سارحات من مرحهن والله يا طاسة الحليب على الصباح انه تسوى شيء كثير عندي
وكل (ن ) على همه سرى

[خلف]

سلام

هواوي

والله اني طلعت للنفود طلعة خطافية قلت اكيدالسيل شي في النفود وطلع مثل ما اتوقعت والمرة اجاية احمل الحطب والعزبة الخفيفة اللي انت خابر بالسيارة قبل ما امشي ولاتزعل ولايكون عندكك هم :alarm:

اخوي بركان يعطيك العافية على ذالوصف وجبتها من راسها يالذيب :good2:

اخوي ابو رياان

يعطيك العافية وماقصرة

ابو فالح

امممممممممممممممممم :( (واحد مسكر فمه وما يقدر يتكلم)

شكلك اقشر يابو فالح ، الى ذالحين مأثرة فيك (ابو فالح ....... مالح) :mad:

تراني تبت اتحرش فيك. :j

صاروخ

حاولنا نلقى راعي البل اللي في الصورة بس مالقينا حولنا احد

[هواوي]

بسم الله الرحمن الرحيم

الاخ خلف اشكرك على الرد السريع ونتمنا نشوف الصور وابريق الشاهي مرتز فوق الطعس

عموما اثاري عندنا محترف تصوير وحنا ما ندري واقصد من كلامي هذا هو الصوره التى في توقيعك يا ليت تتكرم علينا وتحطها بحجم كبير يتهئلي انها شي مميز جدا جدا ونحن في انتظار الصور

[البـــــيسج]

ياسلااااااااااااام



لاهنت اخوي


ويا ما حلا مطراشن لها



تحياتي لك

[صقر]

مشكور اخوي خلف على هذه المشاركة الرائعة

وبارك الله فيك

[نفل]

السلام عليكم ورحمة الله وبركاته

اخوي خلف

مشكور على المشاركة وفعلا مابه احسن من النفود عقب المطر
وجزاك الله خير على الصور الجميلة وبارك الله فيك

اخوك ابو محمد