رايكم يا الربع

[القويماني]

مساكم بالخير







ابغى رايكم في طير عرض علي قبل شوي من واحدن شريطي مدحه لي رجال ووصاه
وان شاء الله انه صادق والطير ما شفته على كلامه


لكن


الطير فرخ حر صايد خرب على كلامه ولحق الخرب وذبحه


حجمه 17*17


حمر كاشف راس
يقول طبوعه زينه
يقول يلحق السوادي وشرط يجيب حمامته معه قبل يشري



انتم وش رايكم يا الربع في حر يلحق السوادي


لاني خابر الحر ما يلحق السوادي سلم




والرجال معي ع الجوال والطير مهوب غالي حول ال 30



وش تنصحون فيه



وجزاكم الله خير مقدما

[رأعي الخرشه]

السلام عليكم ورحمة الله وبركاته
ماشاء الله تبارك الله
في طيور تصيد السوادي لكن نادره من الحرار
بس انا اشوف ان الطير في هذاا الوقت 30 الف
واجد الحين وقت ربطه ولا راح تستفيد من الطير شي
وبعدين لو في اول الوقت نقول يمكن صيد وسبق فارط يستاهل
الله يطرح البركه في الطير والله يرزق راعيه
بس في هذاا الوقت غالي الطير
تقبل مروري

[صاحب نوماس]

الله يوفقك

بس لو تنزل لنا صورة للطير

[ربع خالي]

الطير فرخ حر صايد خرب على كلامه ولحق الخرب وذبحه



حجمه 17*17
حمر كاشف راس
يقول طبوعه زينه


يقول يلحق السوادي وشرط يجيب حمامته معه قبل يشري






أعتقد ياخوي مابعد شرط الرجال على طيره كلام ,, وعسى الله يباركلك فيه ان
شريته,,,

تقبل مروري
تحياتي

[راعى شاهين]

نصيه لوجه الله لاتشرى الطير الا تشوف جناحه على الحمام القوى اذا ماعندك انا عندى حمام قوى شواهين يمكن تصيده او ماتصيده

[صقار مبتدئ]

لا تشتري الان وقت الربطه قرب

[بو غازي]

السلام عليكم ورحمه الله وبركاته
اخي العزيز القويماني اذا الطير شيخ كشكل وحمر طيب وراسه كاشف صحيح ويكون صافي يعني لاتنسى انه فرخ يعني ممكن اذا غسل يجي لونه حمر عادي او ارقط الا اذا بين انه بيجي صافي ويلحق السوادي العسر سلم
وان كانه صحيح وعلمه وكاد انه صايد خرب يسوى قيمه لكن لاتنسى ان الطير فرخ يعني لو قرناس يكون افضل عشان تعرف ان طياره ماراح يختلف عليك يعني قيمته والعلم عند الله من ال15000 الى 20000 اذا الطير شيخ شيخ عاتق وسرة وجه كايف ولوين
وبشرط انك تجيبله حمامه سواديه عسره
انت رجال تبي تربط
وعسى الله يكتبلك خيرة الامور
:)

[فالح العرجي]

الله يوفقك

[ابـــًًو تركـــًي]

اشتره مادام يقول يلحق السوادي وقال جيب الحمامة بس انا
من راي الحين جا وقت الربطة وما ادراك ماو قت الربطة
مراح تستفيد منه شي يعني الزبدة انا ماقولك لاتشتري
بس انا الرجال عجبني قال جيب الحمامة معك اذا
شريته الله يباركلك فيه ولو في صور افضل
ونتظر للموسم الجاي خذ ااااااااالطير الزيييييييين
تقبببببببببببببببببببببببببببببببببببل مرووووووووووووري

[مشبر البران]

الأخوان ما قصروا
بس جبله حمامتن مب صاحية

[ابـــًًو تركـــًي]

الأخوان ما قصروا
بس جبله حمامتن مب صاحية
ميمه ميه جبله الحمامة السكرانة ولي ماتدري عن شي :D
خلها تفحط على الطير واذا الطير صاده مبرووووووووووووووك

[رأعي الخرشه]

ياشباب القويماني يبي نصيحه ماهو ( هياط )
الطير 30 الف ماهو 3 الاف على شان الواحد ماسك عليناا
جيب حمامه قويه وحمامه سكرانه وشو ذااك الكلام
ياخوي الطير( فرخ ماهو بكر ولا ثنو) بعد نقول معيد في الصيد الطير صايد ( خرب واحد بس ) ويلحق حمام وشو يعني ياخوي الحين اخر الوقت والطير 30 الف واجد في هذاا الوقت على فرخ ماتدري وشو يصير معه بعد المقيض هو يجيب سبقه او يتغير ( انا اقول روح شوف طير طلع وسبق فارط ومعيد في الحباري وملون ابرك من الفرخ اللي ماتدري عنه والطير تبيه للحباري ماهو للحمام
لا أحد يزعل مني ياشباب
انا مع اخوي ابو غازي ان الطير فرخ
والله يرزقك بالنادر اللي ينومس عيونك في صيده
تقبل مروري

[القويماني]

جزاكم الله خير وبارك الله فيكم وكثر من امثالكم

ما قصرتو يا اخوان والله يكتب الي فيه الخير

[a1Ruwais]

الله يرزقك.

[داااحم]

الله يرزقك ويعطيك الي تبيه

[ابو جاسم111]

خذه قبل لايروح تقبل مروري$$

[يدوي الشرق]

حياك اخوي وذا الرجال معروف بصقاره وكلامه ثقه وتعلوم اطير صح سالم من اتنكرات وصياح وفرع بسياره ونت رجال منت شريطي راعي جنات طير لا تفرط بطير
فأقول الله يباركلك فيه

[Lance-501]

الله يوفقك

[حمد الجربوعي]

السلام عليكم ورحمة الله وبركاته

أخوي ماراح اقولك اشتره ولا راح اقولك خل الطير

بس ابغى شي واحد اذا الطير فرخ ولا قرناس

مع ان الفرخ احتمال 50 في الميه يتغير اذا قرنس بس مافيه مشكله

اذا عليه شرط صيد الحبارى وشرط اجيب حمامتي معي قبل لااشتريه

اذا ماتبغي الطير ولاتهون انا ابغيه ب 30 واجيه في المكان اللي يبغاه

وانا صامل ولاتهون وطرش لي رقمك على الخاص

تقبل مروري وفائق احترامي

اخوك حمد

[مرعوب]

تأكد انه مو جير واهل الخبره القديمه الشيبان يعطونك خبر اذا جير والا اصيل

اذا اصيل صل صلاة الاستخاره وتوكل على الله واشتره والله يهنيك ويهني كل مسلم

[القويماني]

الله يعطيكم العافيه

اخواني الي طلبو رقمي انا مقدر ارسل رسايل خاصه السموحه مشاركاتي قليله

الوكاد اني ما اعرف الرجال لكن مدحه لي واحد والرجال كبير وان شاء الله انه لحيتن غانمه شروى من يقرى

والطير حر اصيل مهوب جير

لكن انا ما ازكي الرجال ولا اعرفه الله بينا وبينه والله يعطيكم العافيه

[قرناس شماالي]

السلام عليكم ورحمة الله وبركاته

ماشاء الله تبارك الله
في طيور تصيد السوادي لكن نادره من الحرار
بس انا اشوف ان الطير في هذاا الوقت 30 الف
واجد الحين وقت ربطه ولا راح تستفيد من الطير شي
وبعدين لو في اول الوقت نقول يمكن صيد وسبق فارط يستاهل
الله يطرح البركه في الطير والله يرزق راعيه
بس في هذاا الوقت غالي الطير
تقبل مروري


:good2: :D :good2:

[القويماني]

مساكم بالخير كلن بسمه

اولا ودي اشكر اخوي ابوغازي بيض الله وجهه ما قصر معي

تعب وحصل لي حرار وافيه من نظره الوافي وتعب وخسر من جواله ويدق ومهتم فالموضوع وودي اشكره اوثني عليه اشهد لله شهاده انه اجودي وما قصر وانا ان شاء الله لقيت الي ابي

لكن كلامي ذا هو شكر لكم انتم ولاخوي ابوغازي الي اتعبته معي

جعل والديك الجنه يا ابوغازي وما انسى جميلك ووقفتك وابيض وجه انت ومن رد من الاخوان

[بو غازي]

مساكم بالخير كلن بسمه

اولا ودي اشكر اخوي ابوغازي بيض الله وجهه ما قصر معي

تعب وحصل لي حرار وافيه من نظره الوافي وتعب وخسر من جواله ويدق ومهتم فالموضوع وودي اشكره اوثني عليه اشهد لله شهاده انه اجودي وما قصر وانا ان شاء الله لقيت الي ابي

لكن كلامي ذا هو شكر لكم انتم ولاخوي ابوغازي الي اتعبته معي

جعل والديك الجنه يا ابوغازي وما انسى جميلك ووقفتك وابيض وجه انت ومن رد من الاخوان

جزاك الله خير يابو محمد والشكر لله ثم لهذا المنتدى الي جمعنا وعرفنا على الرجال الطيبين شرواك وشروى جميع الاعضاء
وجعل والدي ووالديك الجنه
:)