أبي نصيحتكم يالربع بالدوافير واسعارها

[ربيق]

بسم الله الرحمن الرحيم
.
ودي أشتري دافور كبير حجم 12 لتر ولقيته بــ 110 ريال صناعة إيطالية وش رايكم
وين أرخص الأسواق بالنسبة لأدوات البر في الرياض
.
ننتظر الإجابة يالربع تكفون

[ربيق]

وين الناس
.
تكفووووووووووووووووووون
.
قبل ما خربها

:confused:

[ابوفزعه]

مساء الخير

اسعار الايطالي تقريبا واحده وهي افضل شيئ

خذها وانت مطمئن بأذن الله تفي بالغرض

[كشاته]

لا تتعدى ( برايموس ) لك وللزمن

عندي عين برايموس لها أكثر من عشرين سنة

[عاشق الرملة]

السلام عليكم ورحمة الله وبركاته ....... حياكم الله جميعا .

أخي العزيز RBIG إليك اّخر الأسعار :

* الدافور الايطالي أكبر حجم 12 رطل بــــ 85 ريال .

*الدافور البريموس 10 رطل بــــ 100 ريال .

--- بالنسبه للدوافير أنصحك وبشده بالايطالي لأنه ينافس البريموس من ناحية الجوده والأهم من ذلك
أنه أكبر حجم من البريموس ( أسأل مجرب ولا تسأل طبيب ... معي الايطالي الحين له تقريبا 3 سنوات
ومن مقناص لمقناص ومن فيضه لفيضه ومن شعيب لشعيب وماشي معي زي الحلاوه ولله الحمد ) .

--- أما البريموس أغلب اللي بالسوق الحين صناعه هنديه مهوب مثل أول يصنّع بالسويد .



أرجو اني أفدتك انت والأخوان .





تقبلو تحياتي .

[عزوز الليل]

يعطيك العافيه على اثارت الموضوع هذا لأني ناوي اشتري واستفدت من راي الشباب

[الفردوس]

الدافور الايطالي
واسعاره من 100 الى 110
وركب عليه عين بريموس ثابتة مجربة من فترة وتمام

[الذيب سرحان]

شف اشتر اي دبة غاز ومعها البريموس السويدي ابو عينين وله ذرايات من جوانبه والمشكلة ان هذا البريموس اعجزت احصله لإن اللي معي قديم وقيمة هذا البريموس 280 ريال 0

[ربيق]

مشكوووووووووووووووووورين على الردود
.
والله يعطيكم العافية

[عزوز الليل]

ياخوي ربيق انا شاري دافور قبل اسبوع 12 لتر بــــــ 85ريالايطالي وركبت عليه راس غاز وشريتله لي وقز يحبه قلبك

[عاشق الرملة]

أخي العزيز عزوز الليل ............. الله لايهينك وشو ذا القز اللي يحبه قلبك
ياليت تقولي وش اسمه وكم عين وايش صناعته لأني حست ودست السوق وماحصلت ولا قز
يشفي الغليل . وهل هو من النوع اللي يتصفط ولا لا .


وشاكر ومقدر سلفا .

[عزوز الليل]

هلا بك والله عاشق الرمله شويه متأخر
ايه القز الي يتصفط بس ماشالله عينه زينه وقويه وتوسع الصدر

[البرحه]

سلام عليكم

بريموس السويدي عندي من 5 سنين ما قد قال اح

بس ما اظن تلقاه لان الي اخبر انه انقطع !!!!!!!!!!!

بس خذ بريموس الموجود في السوق ...مونتاز

بس ما فيه مثل راس السويدي القديم <<(السويدي والا البديعه)

وشكرا

[راعي العوجاء]

شباب انا عندي بريموس الاصلي العين الصغيره بس المكلة قواعدها قصيرة والي قصير يعني لازم احط العين في شي او اسدح الدبة ما في حل ثاني ؟

[رواح]

عيب الدافور ماينفع لتخبيز إذا كنت راعي تخبيز ولاكن لاتعدى دبة الدافور الإيطاليه والعين بريموس هنديه

[صوح الجبل]

شف وانا اخوك ....... الاخوان جعلهم يسلمون ماقصروا ...... لكن ايام الشتاء اترك كل الدوافير والقزوز وعليك بشبة الضو الى فصل الصيف ..... وبعدها الايطالي هو الان اللي متدوال وسالك ولايجي منه خلاف ....