المشراق27 (بيت امي نوره) (2))

[خشم الحصان]

الاخوه الغالين
السلام عليكم
اخواني في الله حياكم الله في الجزاء الثاني من مشراقنآ عن بيت امي نوره واليوم بنتكلم عن بعض الاشياء الموجوده في البيت
.......................
هذي الصوره للبيت القديم او البيوت السبيره مره يعني لي الله منعم عليهم ونشوف في هالصوره لي ماخوذه من فوق يعني مثل الصوره الجويه تبين وش في داخل البيت القديم
مثل الغرف
القليب
الحوش او المصابيح سعة البيوت منول مهوب مثل الحين سنك في قفص كبريت من الضيق وخليكم مع الصوره
لئنها اقرب صوره عن بيوت قبل ودورة ولا لقيت صوره غيرها
http://www.mekshat.com/pix/upload/images6/mk2673_bt1.1.jpg
................................
الجصه
وشي الجصه الجصه هي عباره عن بنيان خاص بالتمر او كنز التمر وهي اغلي مافي البيت
او خلنا نقول تجوري البيت حتي منول يخافون عليه من النمل لاياه ياكل (الدبس) مهوب بخل فيهم لا ولكن الجوع
الله يكافينا شره امين
وهذي صورة الجصه يالي تنشد عن الجصه
http://www.mekshat.com/pix/upload/images6/mk2673_bt1.jpg
..................................
الحين نبي نوريكم صوره شامله لغراض البيت قبل ثم نفردها كلن لحاله ونعلمكم وشهيله وش تستعمل له زين دوكم الصوره
http://www.mekshat.com/pix/upload/images6/mk2673_bt2.jpg
...................................
نجي الحلين لي توضيح الاشياء لي كانت في الصوره
المهفه
المهفه عباره عن مروحه يدويه او (مكيف حار حصان كامل ) كانو منول يقعدون في الحوش او المجبب (مدخال البيت) وخذ هف علي روحك والبعض يقوم برش البيت ومع المكيف اليدوي حصان يجيك البراد اما حنا منول يوم حنا صغار لا نستعملها في تبريد الاكل مثل الجريش او المرقوق او المطاطيز من الشفاحه نبي نطلع بسرعه لي السكيك
http://www.mekshat.com/pix/upload/images6/mk2673_bt-3.jpg
ولا شف النقش والحركات في الديكور
................................
المده
المده او البعض يسميها الحصير او المصلاة يعني (خاصه بالصلاة) وهي تصلح من خوص او سعف النخل
وهذي صوره

http://www.mekshat.com/pix/upload/images6/mk2673_bt-4.jpg
.................................
السفره
السفره عباره عن سفره يعني لي يحط عليه الاكل مدري وشلون اوضح بس الصوره تبي توضح اكثر من حسيي
وهذي صورة السفرة مصنوعه هم من الخوص او سعف النخل
http://www.mekshat.com/pix/upload/images6/mk2673_bt6.jpg
...................................
النعل (الله يكرمكم)
النعل او زهب وابعض يسميها حذيان ولكن ماتشوفونه شي غريب وجديد وتوقع باسر هالشباب يبي يلبسونه مهوب حب في الماضي لا ولكن لتزكرت وهذي صورة نعال قبل الله يرفع قدركم
http://www.mekshat.com/pix/upload/images6/mk2673_bt7.jpg
يعني ترا استعمال اسبوع بالكثير ثم بدل ياولد المشكله انه بتغالط مع نعال اخوك او مثل (كنادر حسينوه كلهن يسر)
........................
مخرف او محفره او زبيل
مخرف او زبيل ان وان كنت في كلمة محفره لئني خابر ان المحفره ماجت الا مع كفرات السيارة يعني كانت تصنع من الربل وليس من الخوص او سعف النخل لكن البعض يسميها (محفره)
وهذي صورة الزبيل او المخرف او (المحفره)
http://www.mekshat.com/pix/upload/images6/mk2673_bt8.jpg
وتشفون فوق الزبيل سليك احمر او ازرق او اي لون المقصود منه انه ما يتاكل من فوق ولا يتفلفل والبعض يحط في قاعته من تحت جلد علشان ما ينخبز او يتشقق
.....................
المطعم
لاياكم ترحون بعيد مهوب مطعم بخاري ولا لبناني لا هذي منول يسمونها مطعم يعني كانو يحطون فيها التمر في الصحين السبير والصحين الصغير للفصم(العجم) مع ان حنا منول نزرطه بعبسه وكانو منول يروعونا يقلون اذا كلتو التمر بعبسه ينبت في بطونكم نخل وهذنا مشفنا شر وتدرون ليش مايبونا ناكل الفصم علشان يدقونه منول ويعطونه الغنم بس الا يامخلي شي وفيه مثل منول يقول(حتي عبس السوق ماخليتيه)
هذ ي لها قصه بقلون ان فيه عجيز (تنضل او تنحت) وكان لها عنيق ترعا مع الشاوي المهم يوم جاء المغرب وهي كالعاده تلمساها وتمسح عليها ارد اله وانهي تشوف هذيك العبسه وتاكلها قالت العجوز حتي عبس السوق ماخليتيه
وتتنش العناق بين يدينها يعني ماتت وذهي صورة المطعم
http://www.mekshat.com/pix/upload/images6/mk2673_bt9.jpg
.............................
القفه
القفه عباره عن شنطه بس بشكل ثاني وكانت منول تستعمل في شيل الزد او وضع الجرد اذا تم صيده او انهم يرفعون فيها شي ويعلقونها في الجدار بس تراها مهيب العرزاله مصنوعه من خوص النخل اي السعف
وهذ صورة القفه
http://www.mekshat.com/pix/upload/images6/mk2673_bt10.jpg
......................
اخواني هذا مالدي اليوم ارجو ان ينال اعجابكم
اخوكم المحب في الله
خشم الحصان
المصدر الكاتب
و
الصور من كتاب
رغبه مثال القريه النجديه

[المربد]

لا لا تراك ما انت مرخوص يا بو يراح ، لأنك ما كملت لنا محتويات الصورة ..!!
تكفى لا تبطي الله يعتق ابوك وكل اهلك من النار

[أبو ناصر]

وراك طفيت صاير تسنك ماطور قضى بنزينه >> ماشاء الله عليك .
شيّاب هاليومين مايمديه يكتب حرف إلا هو يقول قصرت >>> هههه الله يجزاك خير .الظاهر إن مفاصلك أصابعك قامت تصرصر مثل الباب المحْلي ( المصدّي ) اللي الهواء مايغير يلعب فيه وتسمع صرصرته .


أقول حلوة النعال هذي طيب يجي منها مقاس 45 ولا تزلق على البلاط >>> عشان ماأجيب العيد .
س / صراحة أول مرة أشوفها لكن هل استخدمتها أنت في السابق أو سمعت من أحد استعملها ( عطنا مميزاتها ) ؟

استبيحك عذرا على أسلوبي القروي وهذي حبة على راسك اموووووووه :heart: ( أقول يوم جيت أحب راسك سمعت رقبتك تصرصر ) :j :: يالله حسن الخاتمة .
:burnout2: :burnout2: :burnout2:
كثر قهوة عشان تكمل الموضوع ، بانتظارك يالغالي :hot: :hot: :hot: ،،،

جزاك الله خير ورحم الله والديك عن النار

[خشم الحصان]

الاخوه الغالين
السلام عليكم
حياكم الله كلن بسمه
....................
الاخ الغالي
المربد(..............)
هلا بك يابعدهم الله يغر لنا ولك وحياك الله الحين عرفة المقصد وانت عرفة الهدف
شف يابعدهم الله يثيبك الصوره مقصدي انه بتفسر نفسهل يعني كل فتره نبي نكتب عن الاشياء لي في الصوره
بس علي مرحل انشاء الله وبشر بسعدك ياخلفهم ومالك الا من يرضيك
اخوك
خشم الحصان
..........................
الاخ الحبيب
(المصرصر)
حياك الله يالغالي ابو ناصر وهذي الساعه الخرشه يوم جيت الله يغفر لنا ولك امين
مشكلتي اني ديزل والديزل ماش يبرد في البرد ويبله فتره لين يحتمي ان توحي
هذي الله يكرمك معاد توجد ومنول مهنا مقاس ولاهنا يمين ويسار البس ومش
المميزات
1- سنك مالبستا شي خفيفه
2- قصيرة العمر جدآ بس البديل متوفر علي طول
3- اذا جلدوك بها ماتحس مهيب مثل المهبوله الزبيريه صمخه ولاك مضيع الباب
4- وغيرها من المميزات
ايييههه حنا نصرصر بس نشيطين وانتم مثل طيحة الجدار مهنا صرصره يعيال تالي
الله يرحم والدينا والديك امين ويجعلهم في مستقر جنته امين امين امين يارب العرش العظيم
حياك الله يابو ناصر
اخوك
خشم الحصان

[ريف النشاما]

السلام عليكم ورحمة الله

اليوم بيت أمي نوره وبكره بيت خالتي حصيصه وعقبوه بيت جدتي عتقى

وآخرتها معك ياجدوه :director:

الله يسلمك الزرابيل على سم سيمن :)

بس سلملي على عجوز العناق وأنتبه تمر علينا :D

وشكررا لك على هذه السلسه النوريه :redcar:


وديوبك لاتصدق الربع وتعجل همن تطيح بالعتبه :)

[خشم الحصان]

الاخ الغالي
ومشرفنا الفاضل
ريف النشاما
السلام عليكم
اخيي انت وش قصة (جدو) الله يثيبك ورا ما تلبد
هقوتي انكم متسلطين مثل هالبرد
هالزربيل تلقاها في شارع التحليه تباع بس شكل ثاني اما هذي انتاج وطني وراحن مع اهلها الله يغفر لنا ولهم امين
(بس سلملي على عجوز العناق وأنتبه تمر علينا )............ماش هذي مافهمتها فيها ونه سنها ونة كرونه في دفرنس
لا شكر علي واجب مقدمه لك ولشروك الغالين يابعدهم
ان سان عثرة في العتبه ابطيح في الدهريز والدهريز هو بيتي وبيتي هو مكشات
حياك الله يالغالي
اخوك
خشم الحصان