خشم الحصان
08/01/2005, 09:26 PM
الاخوه الغالين
السلام عليكم
اخواني في الله حياكم الله في الجزاء الثاني من مشراقنآ عن بيت امي نوره واليوم بنتكلم عن بعض الاشياء الموجوده في البيت
.......................
هذي الصوره للبيت القديم او البيوت السبيره مره يعني لي الله منعم عليهم ونشوف في هالصوره لي ماخوذه من فوق يعني مثل الصوره الجويه تبين وش في داخل البيت القديم
مثل الغرف
القليب
الحوش او المصابيح سعة البيوت منول مهوب مثل الحين سنك في قفص كبريت من الضيق وخليكم مع الصوره
لئنها اقرب صوره عن بيوت قبل ودورة ولا لقيت صوره غيرها
http://www.mekshat.com/pix/upload/images6/mk2673_bt1.1.jpg
................................
الجصه
وشي الجصه الجصه هي عباره عن بنيان خاص بالتمر او كنز التمر وهي اغلي مافي البيت
او خلنا نقول تجوري البيت حتي منول يخافون عليه من النمل لاياه ياكل (الدبس) مهوب بخل فيهم لا ولكن الجوع
الله يكافينا شره امين
وهذي صورة الجصه يالي تنشد عن الجصه
http://www.mekshat.com/pix/upload/images6/mk2673_bt1.jpg
..................................
الحين نبي نوريكم صوره شامله لغراض البيت قبل ثم نفردها كلن لحاله ونعلمكم وشهيله وش تستعمل له زين دوكم الصوره
http://www.mekshat.com/pix/upload/images6/mk2673_bt2.jpg
...................................
نجي الحلين لي توضيح الاشياء لي كانت في الصوره
المهفه
المهفه عباره عن مروحه يدويه او (مكيف حار حصان كامل ) كانو منول يقعدون في الحوش او المجبب (مدخال البيت) وخذ هف علي روحك والبعض يقوم برش البيت ومع المكيف اليدوي حصان يجيك البراد اما حنا منول يوم حنا صغار لا نستعملها في تبريد الاكل مثل الجريش او المرقوق او المطاطيز من الشفاحه نبي نطلع بسرعه لي السكيك
http://www.mekshat.com/pix/upload/images6/mk2673_bt-3.jpg
ولا شف النقش والحركات في الديكور
................................
المده
المده او البعض يسميها الحصير او المصلاة يعني (خاصه بالصلاة) وهي تصلح من خوص او سعف النخل
وهذي صوره
http://www.mekshat.com/pix/upload/images6/mk2673_bt-4.jpg
.................................
السفره
السفره عباره عن سفره يعني لي يحط عليه الاكل مدري وشلون اوضح بس الصوره تبي توضح اكثر من حسيي
وهذي صورة السفرة مصنوعه هم من الخوص او سعف النخل
http://www.mekshat.com/pix/upload/images6/mk2673_bt6.jpg
...................................
النعل (الله يكرمكم)
النعل او زهب وابعض يسميها حذيان ولكن ماتشوفونه شي غريب وجديد وتوقع باسر هالشباب يبي يلبسونه مهوب حب في الماضي لا ولكن لتزكرت وهذي صورة نعال قبل الله يرفع قدركم
http://www.mekshat.com/pix/upload/images6/mk2673_bt7.jpg
يعني ترا استعمال اسبوع بالكثير ثم بدل ياولد المشكله انه بتغالط مع نعال اخوك او مثل (كنادر حسينوه كلهن يسر)
........................
مخرف او محفره او زبيل
مخرف او زبيل ان وان كنت في كلمة محفره لئني خابر ان المحفره ماجت الا مع كفرات السيارة يعني كانت تصنع من الربل وليس من الخوص او سعف النخل لكن البعض يسميها (محفره)
وهذي صورة الزبيل او المخرف او (المحفره)
http://www.mekshat.com/pix/upload/images6/mk2673_bt8.jpg
وتشفون فوق الزبيل سليك احمر او ازرق او اي لون المقصود منه انه ما يتاكل من فوق ولا يتفلفل والبعض يحط في قاعته من تحت جلد علشان ما ينخبز او يتشقق
.....................
المطعم
لاياكم ترحون بعيد مهوب مطعم بخاري ولا لبناني لا هذي منول يسمونها مطعم يعني كانو يحطون فيها التمر في الصحين السبير والصحين الصغير للفصم(العجم) مع ان حنا منول نزرطه بعبسه وكانو منول يروعونا يقلون اذا كلتو التمر بعبسه ينبت في بطونكم نخل وهذنا مشفنا شر وتدرون ليش مايبونا ناكل الفصم علشان يدقونه منول ويعطونه الغنم بس الا يامخلي شي وفيه مثل منول يقول(حتي عبس السوق ماخليتيه)
هذ ي لها قصه بقلون ان فيه عجيز (تنضل او تنحت) وكان لها عنيق ترعا مع الشاوي المهم يوم جاء المغرب وهي كالعاده تلمساها وتمسح عليها ارد اله وانهي تشوف هذيك العبسه وتاكلها قالت العجوز حتي عبس السوق ماخليتيه
وتتنش العناق بين يدينها يعني ماتت وذهي صورة المطعم
http://www.mekshat.com/pix/upload/images6/mk2673_bt9.jpg
.............................
القفه
القفه عباره عن شنطه بس بشكل ثاني وكانت منول تستعمل في شيل الزد او وضع الجرد اذا تم صيده او انهم يرفعون فيها شي ويعلقونها في الجدار بس تراها مهيب العرزاله مصنوعه من خوص النخل اي السعف
وهذ صورة القفه
http://www.mekshat.com/pix/upload/images6/mk2673_bt10.jpg
......................
اخواني هذا مالدي اليوم ارجو ان ينال اعجابكم
اخوكم المحب في الله
خشم الحصان
المصدر الكاتب
و
الصور من كتاب
رغبه مثال القريه النجديه
السلام عليكم
اخواني في الله حياكم الله في الجزاء الثاني من مشراقنآ عن بيت امي نوره واليوم بنتكلم عن بعض الاشياء الموجوده في البيت
.......................
هذي الصوره للبيت القديم او البيوت السبيره مره يعني لي الله منعم عليهم ونشوف في هالصوره لي ماخوذه من فوق يعني مثل الصوره الجويه تبين وش في داخل البيت القديم
مثل الغرف
القليب
الحوش او المصابيح سعة البيوت منول مهوب مثل الحين سنك في قفص كبريت من الضيق وخليكم مع الصوره
لئنها اقرب صوره عن بيوت قبل ودورة ولا لقيت صوره غيرها
http://www.mekshat.com/pix/upload/images6/mk2673_bt1.1.jpg
................................
الجصه
وشي الجصه الجصه هي عباره عن بنيان خاص بالتمر او كنز التمر وهي اغلي مافي البيت
او خلنا نقول تجوري البيت حتي منول يخافون عليه من النمل لاياه ياكل (الدبس) مهوب بخل فيهم لا ولكن الجوع
الله يكافينا شره امين
وهذي صورة الجصه يالي تنشد عن الجصه
http://www.mekshat.com/pix/upload/images6/mk2673_bt1.jpg
..................................
الحين نبي نوريكم صوره شامله لغراض البيت قبل ثم نفردها كلن لحاله ونعلمكم وشهيله وش تستعمل له زين دوكم الصوره
http://www.mekshat.com/pix/upload/images6/mk2673_bt2.jpg
...................................
نجي الحلين لي توضيح الاشياء لي كانت في الصوره
المهفه
المهفه عباره عن مروحه يدويه او (مكيف حار حصان كامل ) كانو منول يقعدون في الحوش او المجبب (مدخال البيت) وخذ هف علي روحك والبعض يقوم برش البيت ومع المكيف اليدوي حصان يجيك البراد اما حنا منول يوم حنا صغار لا نستعملها في تبريد الاكل مثل الجريش او المرقوق او المطاطيز من الشفاحه نبي نطلع بسرعه لي السكيك
http://www.mekshat.com/pix/upload/images6/mk2673_bt-3.jpg
ولا شف النقش والحركات في الديكور
................................
المده
المده او البعض يسميها الحصير او المصلاة يعني (خاصه بالصلاة) وهي تصلح من خوص او سعف النخل
وهذي صوره
http://www.mekshat.com/pix/upload/images6/mk2673_bt-4.jpg
.................................
السفره
السفره عباره عن سفره يعني لي يحط عليه الاكل مدري وشلون اوضح بس الصوره تبي توضح اكثر من حسيي
وهذي صورة السفرة مصنوعه هم من الخوص او سعف النخل
http://www.mekshat.com/pix/upload/images6/mk2673_bt6.jpg
...................................
النعل (الله يكرمكم)
النعل او زهب وابعض يسميها حذيان ولكن ماتشوفونه شي غريب وجديد وتوقع باسر هالشباب يبي يلبسونه مهوب حب في الماضي لا ولكن لتزكرت وهذي صورة نعال قبل الله يرفع قدركم
http://www.mekshat.com/pix/upload/images6/mk2673_bt7.jpg
يعني ترا استعمال اسبوع بالكثير ثم بدل ياولد المشكله انه بتغالط مع نعال اخوك او مثل (كنادر حسينوه كلهن يسر)
........................
مخرف او محفره او زبيل
مخرف او زبيل ان وان كنت في كلمة محفره لئني خابر ان المحفره ماجت الا مع كفرات السيارة يعني كانت تصنع من الربل وليس من الخوص او سعف النخل لكن البعض يسميها (محفره)
وهذي صورة الزبيل او المخرف او (المحفره)
http://www.mekshat.com/pix/upload/images6/mk2673_bt8.jpg
وتشفون فوق الزبيل سليك احمر او ازرق او اي لون المقصود منه انه ما يتاكل من فوق ولا يتفلفل والبعض يحط في قاعته من تحت جلد علشان ما ينخبز او يتشقق
.....................
المطعم
لاياكم ترحون بعيد مهوب مطعم بخاري ولا لبناني لا هذي منول يسمونها مطعم يعني كانو يحطون فيها التمر في الصحين السبير والصحين الصغير للفصم(العجم) مع ان حنا منول نزرطه بعبسه وكانو منول يروعونا يقلون اذا كلتو التمر بعبسه ينبت في بطونكم نخل وهذنا مشفنا شر وتدرون ليش مايبونا ناكل الفصم علشان يدقونه منول ويعطونه الغنم بس الا يامخلي شي وفيه مثل منول يقول(حتي عبس السوق ماخليتيه)
هذ ي لها قصه بقلون ان فيه عجيز (تنضل او تنحت) وكان لها عنيق ترعا مع الشاوي المهم يوم جاء المغرب وهي كالعاده تلمساها وتمسح عليها ارد اله وانهي تشوف هذيك العبسه وتاكلها قالت العجوز حتي عبس السوق ماخليتيه
وتتنش العناق بين يدينها يعني ماتت وذهي صورة المطعم
http://www.mekshat.com/pix/upload/images6/mk2673_bt9.jpg
.............................
القفه
القفه عباره عن شنطه بس بشكل ثاني وكانت منول تستعمل في شيل الزد او وضع الجرد اذا تم صيده او انهم يرفعون فيها شي ويعلقونها في الجدار بس تراها مهيب العرزاله مصنوعه من خوص النخل اي السعف
وهذ صورة القفه
http://www.mekshat.com/pix/upload/images6/mk2673_bt10.jpg
......................
اخواني هذا مالدي اليوم ارجو ان ينال اعجابكم
اخوكم المحب في الله
خشم الحصان
المصدر الكاتب
و
الصور من كتاب
رغبه مثال القريه النجديه