اهل الشروكيات

[سكن العزاب]

السلام عليكم
والف شكر على المنتدا المتميز
اخواني محتاجكم في شغله بسيطه
انا رجال ابشري شروكي وابي اعرف اي الشروكيات احسن القراند والا السبورت
وايها ازين الاماراتي والا السعودي او الامريكي وشنو عيوبها والمميزات
وكيف اسعارها
الله لايهينكم محتاج رد بسرعه

[سعد الخرجي]

يعطيك العافيه اخوي
طال عمرك من واقع تجربة للشيروكي السبورت والكلاسيك سياره طيبة وتتحمل الدق ولجميع الاستخدامات
بالنسبة لنا بالكويت شيروكي وارد بهبهاني افضل من الامريكي والفرق شي بسيط بعض الاكسسوارات وحماية الغاردن الامامي وتانكي البانزين من الخلف والامريكي ماعليه كلام ولكن الناس تفضل الوكالة
بس نصيحه اخوي اذا كنت معزم ابعد عن التماتيك لان ثقيل ومامن عزم وبسرع تمل منه
واذا في اي استفسار طال عمرك انا حاضر عندي ايميلي ورقم التلفون
واذا لك بالترهيم هم حاضرين وبرسم الخدمه
والله يكتب اللي فيه خير وصالح

[بن داود]

والله ياطويل العمر
اذا حصلتلك واحد نظيف ولقطه اشتره

واذا انت راعي جلد وهبال ابعد عنه

لانه يبيله واحد يحافظ عليه ويعتني فيه

والله يوفقك

[العاذر]

عليك باالتايوتا عطية الله دواء

[وطني]

تحياتي لك اخوي سكن العزاب

بصراحة ومن واقع تجربة طويلة مع الشيروكيات تمتد ل 8 سنوات
املك سيارة جيب شيروكي كلاسك موديل 2000
اول مااشتريته كان ماشي 113000 الف والحين 501000 الف ولله الحمد والفضل والمنة (ما شاء الله تبارك الله )
لا توجد صحراء في المملكة إلا وذهبت إليها (ماعدا الربع الخالي )بواسطته ولم اجد منه مايكدر الخاطر كان نعم الرفيق قلب ذيب مايهاب ولا يرده شي..إلا قدر الله .. ومعي أخي الذي يملك أيضاً جيب شيروكي كلاسك موديل 1998 باب واحد كارفه كرف غير طبيعي كشتات وتطعيس ومطامر غير طبيعي بصراحة سيارة رائعة جداً
قد تواجه بعض المشاكل الفنيه في هذه السيارة مثلها مثل أي سيارة ولا تلتفت للإشاعات وكلام المرجفين خاصة من ملاك طايوطا
اكثر ماوجهني خلال الفترة الطويلة مع الأستخدام ..
تغيير فحمات فرامل صوف للمكينة والقير مساعدات صليبات اعمدة
اوصيك بالنظيف خاصة البدي اهم شي بدي سليم مع القير والمكينة :good:

[سوبر VTC]

الافضل 6سلندر
كلاسيك او سبورت

http://www.mekshat.com/vb/images/misc/subscribed.gif ماذا تعرف عن الشيروكي ... دعوة للنقاش (http://www.mekshat.com/vb/showthread.php?t=264042)

[diver1120]

الله يوفقك

[Abusliman]

لا كنت راعي مطاعس نصيحه ابعد عنه
معي زيه وبصرراحة
هو حق طلعات بس تكشت تدور مكان حلو وتوقف لو جلدته بيذلك ذل
واحلا فئة للشروكي سوح باب واحد ابيض قير عادي سعودي << اكثر فئة عليه طلب ويمسك سعرهـ
ولا تاخذ شي منكرف ترا بتخاوي الصناعية
عاد الله يعينك على النظيف شبه مستحيل تلقى بحكم ان السيارات وقف تصنيعه عام 2002 وتغير الشكل
يا تاخذ نظيف نظيييف ولا ابعد عنه

[saher772]

تحياتي لك اخوي سكن العزاب

بصراحة ومن واقع تجربة طويلة مع الشيروكيات تمتد ل 8 سنوات
املك سيارة جيب شيروكي كلاسك موديل 2000
اول مااشتريته كان ماشي 113000 الف والحين 501000 الف ولله الحمد والفضل والمنة (ما شاء الله تبارك الله )
لا توجد صحراء في المملكة إلا وذهبت إليها (ماعدا الربع الخالي )بواسطته ولم اجد منه مايكدر الخاطر كان نعم الرفيق قلب ذيب مايهاب ولا يرده شي..إلا قدر الله .. ومعي أخي الذي يملك أيضاً جيب شيروكي كلاسك موديل 1998 باب واحد كارفه كرف غير طبيعي كشتات وتطعيس ومطامر غير طبيعي بصراحة سيارة رائعة جداً
قد تواجه بعض المشاكل الفنيه في هذه السيارة مثلها مثل أي سيارة ولا تلتفت للإشاعات وكلام المرجفين خاصة من ملاك طايوطا
اكثر ماوجهني خلال الفترة الطويلة مع الأستخدام ..
تغيير فحمات فرامل صوف للمكينة والقير مساعدات صليبات اعمدة
اوصيك بالنظيف خاصة البدي اهم شي بدي سليم مع القير والمكينة :good:

كلامك صحيح ,

انا معي سبورت 99 له الان 6 سنوات ولله الفضل مريحني , انا اشهد انه عز ,كرف غير طبيعي حتى خارج المملكة
ستجد اناس ينتقصون منه ولكن هؤلاء اما شريطية او جهال لم يستخدمونه اهم شي عليك بالنظيف