المساعد الشخصي الرقمي

مشاهدة النسخة كاملة : تكفووووون طفشتني هالددسن ــ الظاهر ما له الا الحراج


فهد 1426
04/02/2010, 09:07 PM
انا معي ددسن 2005 بخاخ فيه تفتفه وسرعته ما تعدى 120 كم حتى ورجلي على اخر الأبنس ما خليت عنه شيء وديته لثلاث ورش غيرت صفايه ونظفت بخاخات ومنظم وغيرت البواجي والسيور ونظفت الخزان وشيكت على جميع حسسات البخاخات وجربت ديلكو آخر ولا فيه فائده ـ رحت لورشه قالي الميكانيكي لازم اقيس ضغط الهواء في البلوف ولا زم فك رأس وصنفرة البلوف او تغييرها وخرط السلندر . وإن شاء الله تظبط والتكلفه شغل يد 600 ريال وقطع غيار حدود 800 ريال .


وقفت السياره في المعرض ــ هل ابيع او أصلح او فيه حل آخر

محتااااااااااار
محاااااااااااار
رفيع المقآم
04/02/2010, 10:11 PM
لالالالالالالالالالالالالالالالالالالالالالالالالا لالالا تهور ثم تندم اسمع هل غيرت اسلاك بواجي ام لا غيرها وشف النتيجه والله ما تندم كلها اربع اسلاك وانت بنفسك تغيرها
هـادي
04/02/2010, 10:27 PM
مادام انك غيرت صفايه ونظفت بخاخات ومنظم وغيرت البواجي مالك الا تغير اسلاك البواجي

ويمكن عندك انسداد في الدبه ويرجع الدخان للمكينه ويسبب تفتفه وهذا قد صارت مع واحد من الربع

وشيك على الشكمان شوف الدخان اللي يطلع كثير ولا قليل واذا كان قليل المشكله في الدبه
فهد 1426
04/02/2010, 11:32 PM
يعجبني في مكشات اعضاءه كنهم جسد واحد ــ راعين فزعات وشقرديه عساكم تسلمون
وجزاكم الله خير على التفاعل مع مشكلتي .



اسلاك البواجي حسب كلام الميكانيكي سليمه

نسيت اقول : بداية التشغيل ما شاء الله ما فيه مشاكل ولا تفتفه ــ بس 3 دقائق تقريبا ثم تعال شف مكينه الموتر وعصا القير رقص على اصوله ـ

وبعد : لين شغلت المكيف ( الكمبروسور ) او دعست بنزين على خفيف تروح التفتفه ـ لكن دعسه سريعه مباشره تحصل كتمه ونتعه ثم تروح .


يا شين الموتر اذا طلعت فيه عله ما عرفتها ــ وقمت تراجع به الى الورش وكلن يعطيك راي ــ والله ما ني ناقص وجع رأس ياليتني ما شريتها بس : يا زين الجديد وبس
ابوحمد1992
05/02/2010, 09:45 AM
هلابك فهد1426 احتمال يكون حساس الهواء ماركب زين لانه تركيبه حساس اعرف واحد صارت له ويتفتف موتره وكل شي اخرتها طلع الحساس مرتخي على العموم وثانيا تاكد من رقم البواجي الاي انت مركبه واحتمال يكون من الثلاجه اللي فوق البخاخات او وزن ديلكو
على العموم وده فحص كمبيوتر وانشاء الله يطلع العله
ناسف علىلالاطالة
قرم العرض
05/02/2010, 01:40 PM
فك القزوز إذا تغير الموتر فاعرف إن الشكمان من جوا ذاب الحديد وغيرهوبتشوف ان شاء الله
فهد 1426
05/02/2010, 03:01 PM
فك القزوز إذا تغير الموتر فاعرف إن الشكمان من جوا ذاب الحديد وغيرهوبتشوف ان شاء الله

الحقيقه انك شككتني في الشكمان ـ لان تشغيلة الصباح والموتر بارد احس بصوت خرفشه في الدبه اللي في الوسط بس تروح لين احتمى ما عاد تطلع ـ لأني وديته لراعي شكمانات يماني والصوت ما طلع قال سليم ما فيه شيء


Hi, I am new here. I viewed all posts. ---------------------------------------------------wholesale 925 sterling silver charms (http://www.toboer.com/Sterling-Silver-Charms/)

تراي مافهمت شيء لا تشرهه ـ لغتي : أيس فيه صديق


هلابك فهد1426 احتمال يكون حساس الهواء ماركب زين لانه تركيبه حساس اعرف واحد صارت له ويتفتف موتره وكل شي اخرتها طلع الحساس مرتخي على العموم وثانيا تاكد من رقم البواجي الاي انت مركبه واحتمال يكون من الثلاجه اللي فوق البخاخات او وزن ديلكو
على العموم وده فحص كمبيوتر وانشاء الله يطلع العله
ناسف علىلالاطالة
طبعا الموتر تم فحصه على الكمبيوتر وكل الحساسات سليمه وحساس الهواء تم تنظيفه هو والبخاخات والله مرتين وكذلك الديلكو تم تغيره وتجربة عدد 2 ديللكو والنتيجة واحده وبالنسبة للبواجي كل مهندس يفتح الكبوت يقوم يفصل في الاسلاك ويركب ويفصل بااسلاك حساسات البخاخات ويركب ويفصل حساس المنظم ويركب


اللهم لا سهل الا ما جعلته سهلا وانت تجعل الحزن اذا شيئت سهلا

سهل لنا امورنا ويسرها
العاذر
06/02/2010, 01:45 AM
حط يدك علا الشكمان ودعس اذا العادم يكوح كوح هواء قوي اتوقع الشكمان مافيه شي والله اعلم
فهد 1426
06/02/2010, 02:18 AM
حط يدك علا الشكمان ودعس اذا العادم يكوح كوح هواء قوي اتوقع الشكمان مافيه شي والله اعلم

راي زين بأجرب وأشوف


شكرا اخي العاذر