مشـــــوره (( جعلكم ووالديكم بجنة الفردوس ))

[راعي طخيمان]

السلام عليكم ورحمة الله وبركاته


لاهنتو يالربع الله لا يحرمكم الاجر بغيت اشري موتر واللي هو بالتحديد فتك



وحصلت 2008 فل كامل سوبر سفاري قير عادي ماشي 71000 لونه لؤلؤي بـ108000 وانا يالربع ناوي استخدام فتره قصيره حدود الشهرين وابيعه فالسؤال هنا الله لا يهينكم



هل سعره مناسب؟ والموتر خالي من الرش والتعديل على كلام راعيه وان كاني بعد الاستخاره وبعد مشورتكم نويت اشري اكيد بفحصه



الشي الثاني ان شريته ان شاء الله ونويت ابيعه بعد مده قصيره بيطيح من سعره واجد او ابيعه بنفس سعره ((توقعاتكم)) حسب خبرتكم



وجزاكم الله خير وبيض الله وجيهكم

[سفاري959]

حياك الله اخوي راعي طخيمان بالنسبه للموتر اكيد خليجي لان السعودي ما يجي فل قير عادي اهم شي تاكد من سلامه البدي والمحركات اذا هي سليمه انا اشوف سعره مناسب وان شاء الله ما راح يخسرك عند البيع توكل على الله وخذه ولا تنسى الاستخاره قبل كل شي ارجو اني اكون افدتك الله يكتب لك اللي فيه صالح وخيره يشرفني اني اول من رد عليك تقبل مروري

[شمالات نجد]

يا اخي حاول تاخذ جديد تأجير منتهي بالتمليك بدون دفعة أولى

راجع عروض نيسان الحمراني

سلام

[راعي طخيمان]

سفاري 959
بيض الله وجهك وجعلك ما تشوف الشر ولا تدل دروبه ويشرفني طلتك وردك الحكيم

شمالات نجد
لاهنت ولنت ودمت وكرمت يالغالي تسلم يمينك الله لا يهينك

[سفاري959]

راعي طخيمان الله يبض وجهك والشر ما يجيك والله يجزاك الجنه على دعواتك اذا تبي اشوفلك الموتر او ارسلك على ناس لهم خبره في السيارات اكثر مني ابشر مبروك مقدما والله يبارك لك

[مجالس الرجال]

انا اشوف إنه طايح بسعره لكن شرط يكون ممشاه حقيقي
ونظيف بالحيل وراح يجيب راس ماله اوقريب منه الشتاء القادم

[أبو عمار الخالدي]

لو انا منك ومعي فلوسي والله لاشريه

ممتاز قيمته

[راعي طخيمان]

سفاري 959
تبشر بالجنه وبالحور العين ان الله اراد والله قاله ياجعلك حي وسالم انا افدا خشمك يا ذيب وخيرك سابق ياجعل احبابك يحضرون عرسك وان كنت معرس الله يخليلك عيالك وجعلهم قررة عينك وجعلك قررة عيونهم

مجالس الرجال
تسلم اناملك يالغالي نورت الموضوع بردك الله يحفظك لاحبابك ولا يهونون الرجال

عاشق الامنيات
جزاك الله خير على ردك اللي يشفي والله يحقق لك كل امانيك واحلامك اللي تعشقها
والله يوفقك بدينك ودنياك ومن يقرى وكل مسلم

[العاذر]

والله انا اشوف ان التويوتا قيمته فيه

[راعي طخيمان]

العاذر
صدقت وصح السانك ولولا الاذواق لبارت السلع نورت الموضوع وشاكر لك ردك يالغالي

[abofahd55]

اخوي راعي طخيمان

ادا كان خليجي افحصه زين وانا اخوك وتاكد زين لان المواتر الخليجيه وخاصه الفتك والاند يجيك معفووووووووووووول لين عض الارض


والله يكتب الللي فيه خير

[راعي طخيمان]

ابوفهد55
ياجعل اللي جابك في جنة الفردوس تسلم يالذيب ونصيحتك تنشرى بكنوز الذهب
لكن الموتر يبدو لي وانا توني ما بعد فحصته انه استخدام حشمه وراعيه محافظ عليه
لكن هو احتاج لفلوسه الله لا يحوجك لغيره عطرت الموضوع بمرورك الف شكر

[ابو شريف]

هلا اخوى
هذى اقيامهى بس ياخوى ترى السعودى اكثر رغبه من الخليجي في البيع

لان الخليج الغش فيه واجد وانتبه منه

دورلك سعودى واذ ما لقيت استخر ربك وخذلك الى انت ناويه

بس تاكد من مسامير الثلاجه ومسامير القزوز
وغيره من المسامير الى با المكينه ومسامير الدفرنسات ومسامير الرفارف والكبوت

وغيره واذ تبي فحص في النسيم معروف وصاحي ارسلك رقمه على الخاص
وهو معروف بفحصه وتقريبا ازين واحد

[ابو شريف]

لا تنسى الاستخاره قبل كل شي

ومبروك مقدمااا

[abofahd55]

آمين والله يجزاك خير

والله يكتب لك الخيره المباركه

[الحسن القاضي]

أنا من وجهة نظري ياراعي طخيمان إنك تلف السوق وتشوف أقيام المواتر اللي بنفس الموديل وتقارن .
وطالما أنك بتستخدمه شهرين بس خذ لك موتر جيد حتى لاينزل سعره عند البيع..والله يبارك لك في مالك وحلالك.

[راعي طخيمان]

ابوشريف
الله يخليلك شريف ويرزقك برره وان كانه مابعد جا الله يجيبه ياليت ترسللي رقمهم الله لايهينك ومنك العذر والسموحه تعبناك
الله يخليك لعين ترجيك ولا يوريك مكروه

[راعي طخيمان]

الحسن القاضي
بيض الله وجهك وتسلم يالغالي وانا اشهد انه مافي منك اثنين على كلامك وردك الجواهر ياجعل عيني ماتبكيك ولا تبكي امثالك ولايهونون الرجال

[الربذي]

لقيت 2007 ماشي اظن 120 الف ييقول مسيوم ب105 لكن الي لقيت انت سعره مناسب صراحة وقير عادي وفل ولون ابيض لو تنتظر لين يطلع 2010 يمكن يحطم الاسعار
لكن اشوف ان سعره زين وكان الفل على خبري اعتقد انه ب165 الف بس نيسان يخسر
وانا لي نظر فيه بس ابي اشوف وش يصير على موضوع خلال اسبوع او اسبوعين ينتهي ان شاء الله ..

[سفاري959]

راعي طخيمان الله يجعل من جابك في جنات النعيم ومن يقرى وكل مسلم واخبر لك 2006 سوبر سفاري لونه بني ماشي قبل فتره 98000 بس قير تماتيك عادي وللامانه الموتر اخو الجديد وعشان اثبتلك ان سعر اللي تقول عنه مناسب هذا مسيوم ب 100000 لو ناسبلك هذا علمني وربي يوفقك والجميع دنيا واخره