المساعد الشخصي الرقمي

مشاهدة النسخة كاملة : أبي فزعتكم يالنشاما هل هي جلد بلوف والا شنبر تكفون الجيب توني شاريه ؟؟؟


بن بريك
07/02/2010, 10:23 AM
الجيب موديله 2001 جي اكس ار ماشي 168000بنزين
السياره حالتها الميكانيكيه طيبه عزم واشتغال وصوته زين بس فيه دخان مرات خفيف ومرات وسط يطلع الصباح لاشغلته والسياره بارده وأحيان يطلع لخليته شغال من 5 الى 10 دقايق لونه ابيض على ازرق خفيف مع الدعسه الاولى يطلع والدعسه الثانيه اقل ثمن يختفي والمشكله توني شاريه وطالع علي بقيمه غاليه وديته كذا ميكانيكي وقالوا مافيه شي هذا دخان عادي يروح وانا ماني مرتاح وواحد قال جلد بلوف افك لك الراس لازم وقرأت في هذا المنتدىواحد يقول غير ربل صباب وراح الدخان وين مكانها وش معناها

وتكفون وش رايكم اللي عنده خبره يفيدني جعله ووالديه للجنه

وهل صحيح يصلحون جلد البلوف كبس بالكمبيوتر ؟

وبيض الله وجيهكم ورحم الله والديكم .
333
07/02/2010, 10:27 AM
والله يا الطيب ماعندي علم يفيدونك الأخوان
تقبل مروري اخوك:333
kmn
07/02/2010, 10:52 AM
اخوي انت الحين شخصت حالة سيارتك بنفسك
سيارتك اذا كانت شغالة مدة 10 دقايق وجيت ودعست ربع دعسه تلاحظ دخان ازرق هذه المشكلة من جلد البلوف ....
اما تقول انها من الشنابر فهذا الكلام غير صحيح لأن الدخان يخرج مع الدعس .
سوبر VTC
07/02/2010, 11:08 AM
خل الموتر يشتغل 10دقائق خصوصا الظهر

همن دس بنزين دوسة وسط
اذا طلع دخان ابيض فهذه جلد بلوف
يفك الراس و تغير الجلد
احيانا اذا شغلت الموتر و هو بارد الصبح
يطلع دخان ابيض مع و اثناء التشغيل مباشرة

اهم شي

اذا مشى الموتر 2000كيلو عاير الزيت
اذا كان النقص حول النص علبة
فلا تلمس المكينة
تاكد من عدم وجود تهريبات في
وجه الكرتير
و وجه صدر المكينة
و الصوفة اللي بين المكينة و القير
و وجه غطاء الراس
و قد يكون سبب النقص
جلد بلوف او ضعف بسيط بشنبر البستم
غالب نقص الزيت بالباترول و الجيكسار
(((من جلد البلوف)))

اذا كان دخان ازرق فهو ضعف بسيط جدا بشنبر البستم

انصحك لا تلمس المكينة

ادخل هالروابط

lمشكله في الgxr (http://www.mekshat.com/vb/showthread.php?t=266314)

فزعتكم فزعتكم ومشورتكم في توضيب مكينة باترول4500 بخاخ (http://www.mekshat.com/vb/showthread.php?t=266268)
ابورايف
07/02/2010, 11:26 AM
انا مع اخوي سوبر vtc ولكن اود ان اطمئك ان الوضع عادي اذا شغلت السيارة يطلع دخان مائل للبياض هذا يصير عندي وتقبل مروري
برنت
07/02/2010, 11:39 AM
اخوك عنده جيب جي اكس ار موديل 2001 مثل سيارتك.

يدخن عندما اتركه لفترة يشتغل ثم ادعس البنزين .

غيرت جلد بلوف وضبط ولله الحمد ..... مع انه ماشي 250 الف
الدوسري دت كم
07/02/2010, 11:55 AM
أخوي راعي الجكس ار,,, لاتسوي اي شي هالحين ابد توك شاري الموتراستعمله عادي جدا ولاتوديه لالمكنيكي ولاغيره ؟؟؟ استخدمه لستة اشهراواكثربس لازم تراقب الزيت كل اسبوع تعايره وتشوف النقص اذا كان كثيرمن اسبوع لسبوع اعرف موترك انت المكنيكي لسيارتك اذاكان نقص شنبر اونقص جلدبلوف ترا الجلدنقصها بصيط ماهوب مثل الشنبر. بس لاتسوي شي هالحين
بن بريك
07/02/2010, 05:26 PM
بيض الله وجيهكم الاخوان اللي تفاعلوا وردو والله يجزاكم خير
اشكركم على التوضيح والله ان الواحد يستفيد بمشورة الفاهمين شرواكم ونبي نصبر حتى تتضح المشكله .
بس هل لابد من فك راس المكينه ؟
العاذر
07/02/2010, 08:21 PM
شف ونا أخوك نصيحه لاتتعبث بالسياره خصوصا انك شاريه غالي حسب كلامك شكل الموتر مامشى واجد اجلده مع هالخطوط خل مكينته تصفى بس لاتفك لاراس ولا مكينه طع شوري بعدين الموتر مامشى يبيله جلدمع خط طويل علشان تصفى بلوفه وتنضف كنداسته وبتشوف الشكمان لونه اشهب
الصقار2007
07/02/2010, 08:46 PM
أخي العزيز المشكلة محسومه خذها مني اثنين من ربعي الخاصين غيرو جلد البلوف وانهت المشكلة تماما بدون فك الراس والورشة بالزلفي العضيب 064234595
بن بريك
07/02/2010, 11:21 PM
عز الله ما قصرتم

والله نعمه من الله في هذا المنتدى ان الواحد يستفيد من مشورة رجال اهل معرفه بهالامور

اما الميكانيكيه هالحين واحد يسند بك والثاني يحدربك

ومن عنده تجربه ويعرف ميكانيكيه شغل لهم زين يفيدنا

وانا ودي اعرف هل تكبس البلوف بدون ما يفك الراس وهل يعني لامغطته خط تلين الجلده ويروح الدخان
سوبر VTC
08/02/2010, 12:55 AM
لك رسالة على الخاص
موفق
فهدنت2007
08/02/2010, 01:31 AM
الجيب موديله 2001 جي اكس ار ماشي 168000بنزين
السياره حالتها الميكانيكيه طيبه عزم واشتغال وصوته زين بس فيه دخان مرات خفيف ومرات وسط يطلع الصباح لاشغلته والسياره بارده وأحيان يطلع لخليته شغال من 5 الى 10 دقايق لونه ابيض على ازرق خفيف مع الدعسه الاولى يطلع والدعسه الثانيه اقل ثمن يختفي والمشكله توني شاريه وطالع علي بقيمه غاليه وديته كذا ميكانيكي وقالوا مافيه شي هذا دخان عادي يروح وانا ماني مرتاح وواحد قال جلد بلوف افك لك الراس لازم وقرأت في هذا المنتدىواحد يقول غير ربل صباب وراح الدخان وين مكانها وش معناها

وتكفون وش رايكم اللي عنده خبره يفيدني جعله ووالديه للجنه

وهل صحيح يصلحون جلد البلوف كبس بالكمبيوتر ؟

وبيض الله وجيهكم ورحم الله والديكم .


المشكلة بسيطة اخوي جلد بلوف لكن لا حد يفك الراس اذا كان الميكانيكي شاطر يفتح الغطاء المكينة ويركب الجلد وذا الموضوع شنبر بيكلف 2500 ريال ويطلع لك موتر جديد
العاذر
08/02/2010, 05:22 AM
الرجال مصمم يفك الراس من حقه سيارته وهو حر فيها شكل السياره تعثور دخان مثل الفليت بس مهوب معلم نقوله الموتر مامشى لاتستعجل جرب عاير الزيت مافيه فايده خلاص خلوه يوضبه علشان يرتاح ويحط له راتب شهرين هههههه تحياتي
العاذر
08/02/2010, 05:26 AM
أخوي راعي الجكس ار,,, لاتسوي اي شي هالحين ابد توك شاري الموتراستعمله عادي جدا ولاتوديه لالمكنيكي ولاغيره ؟؟؟ استخدمه لستة اشهراواكثربس لازم تراقب الزيت كل اسبوع تعايره وتشوف النقص اذا كان كثيرمن اسبوع لسبوع اعرف موترك انت المكنيكي لسيارتك اذاكان نقص شنبر اونقص جلدبلوف ترا الجلدنقصها بصيط ماهوب مثل الشنبر. بس لاتسوي شي هالحين
يبن الحلال الرجال وده يفك الراس فهمت:D :good:
بن بريك
08/02/2010, 12:32 PM
اخوي سوبر vtc
جزاك الله خير ولك عظيم الشكر وجزيل العرفان

اخوي العاذر :
يوم اسأل أنا للمعرفه والاستفاده لانه قد نحتاجه لاسمح الله ويستفيد اعضاء المنتدى من خلال التجارب والاراء المطروحه

بس انت الله يهديك دخلت غلط بالموضوع
رفيع المقآم
08/02/2010, 06:53 PM
هلا اخوي تراها جلد البلووف انا موتري كذاا ما يهم عادي بس اهم شي تعاير اموتر كل 5 ايام اواسبوع والله يستر عليك وييسر امورك
mr.hanx
09/02/2010, 10:20 AM
هلا اخوي / ترا كلامي عن تجربة و معاناة
انا عندي نفس المشكلة لكن موديل سيارتي 96 جي اكس آر
غيرت جلد البلوف و كشطت الرأس عند المخرطة
ولكن مازل الدخان على حاله , لأني رحت لورشة نص كم ( تعبانه )
___________________________

اهل الخبرة وصفولي ورشتين في الزلفي متخصصة في الجيوب و خاصة تويوتا
ورشة الدويش و ورشة العضيب , ابحث عن تلفوناتهم لأني لا اعرفها و

اتصل عليهم و اذكر المشكلة لهم قبل ما تروح و تعني لهم

و بالتوفيق يالغالي
بن بريك
10/02/2010, 01:22 AM
منوتي الشاص
وفقك الله وماقصرت
mr.hanx
جزاك الله خير وبارك الله فيك
جيب الربع
19/03/2010, 11:52 PM
السلام عليكم ورحمة الله وبركاتة الي يبغا تركيب جلد بلوف لاندكروزر بدون فك الراس ولا ياخذ وقت طويل والورشة بالزلفي هذا رقم صاحب الورشة العضيب سعودي وعنده خبر خاصة بالجيوب عامه 0555122765
زاير الغيم
20/03/2010, 04:13 AM
[quote=سوبر VTC;3942657]


خل الموتر يشتغل 10دقائق خصوصا الظهر


همن دس بنزين دوسة وسط
اذا طلع دخان ابيض فهذه جلد بلوف
يفك الراس و تغير الجلد
احيانا اذا شغلت الموتر و هو بارد الصبح
يطلع دخان ابيض مع و اثناء التشغيل مباشرة



:good2:
المطلوب


-طقم جلد من الوكالة بــ 600 وشوي
-معجون أصلي من الوكالة بـ 110
-موية رديتر 14 لتر أصلي مخفف بماء مقطر
-ميكانيكي :good2:


وخلّه ينظف البخاخات بطريقة
وماعليك إلا العافية بإذن الله..



وشغل اليد على حسب
من 1000 إلى 1500
الريصي
24/03/2010, 12:09 AM
السلام عليكم ورحمة الله

أخوي انا حصل معي نفس الذي جرى معك وسيارتي جيكس 99 تبين انها جلد بلوف

غيرتها عند ورشة بحائل فتح غطا المكينة بدون مايفك الراس وخلال ساعتين استلمت السيارة

ممتازه واختفى الدخان والكلام هذا من سنتين والسيارة مثل الفل ولله الحمد وانا بخدمتك أخي تعال لحائل

وراح اوصلك للورشة وعلى مانتقهوى وناخذلنا فره نعرفك بها بعاروس الشمال حائل يمار السيارة خالصه

نتغدى سويا وبعدها لك الحرية تمشي ولا الامر راجعلك قل تم وراسلني على الخاص وتشرفنا والله بمعرفتك
ابن مزعل ضرغط
06/05/2011, 03:17 AM
السلام عليكم ورحمة الله وبركاتة
اخوي الريصي انا معي GXR 99 ويطلع دخان ابيض وسويتلة فحص بالكمبيوتر بالرياض ويقول ضعف شنبر وجلد بلوف
وش الراي .اسم الورشة اللي بحايل
ولك جزيل الشكر
الوسيطاء
06/05/2011, 03:29 AM
[COLOR="red"]اخواني الضحيان يسوي جلد البلوف بدون فك الراس بس غطاء المكينه بنفس اليوم يخلص 1000

مع القطع[/[/SIZE]
المنيعي1
06/05/2011, 03:53 AM
طبيعي وأكثر الندكروزر يدخن أذا طول واقف جلد بلوف ولاتسوا فك الراس
ولد حربmaged
07/05/2011, 08:04 PM
مساء الخير
أخوي هذي جلد بلوف اللي في موترك بسيطه حتى نقص الزيت بسيط