تشحيم ركب الباترول

[محمد النيساني]

السلام عليكم
بغيت اسئلكم ركب الباترول 2004 هل تتشحم لأني لقيت مسمار في الركبه بارز عن البقيه قالي اليمني تفكه وتعبيه شحم بعدين تسكره :D
وش رايكم للي مجرب

تحياتي القلبيه لكم :heart:

[_دربيل_999]

أخي الكريم,.
في جميع المفاصل المتحركة يوجد مشاحم..ماعدا بعض السيارات تجي الركب فيها بدون مشحمة..
انا معي باترول 2003وفيه مشاحم لكل الأذرعة..
هذا اللي بيفك مسمار ماهو مشحمة انحش عنه ودور غيره اكثر خبرة..لايحوس توازن سيارتك..

وفقك الله

الروقي

[محمد النيساني]

هلا اخوي حياك الله

انا فكيت المسمار مره ثانيه بأيدي ولقيت جوته شحم ^ ^
لأنك مجرد ما تفك المسمار تقلط على بطن الركبه الي فيها شحم

[_دربيل_999]

طيب يمكن يركب محل المسمار مشحمة أسأل الله يحفظك..

وفقك الله

الروقي

[محمد النيساني]

ان شاء الله بتأكد وارد في الموضوع

[رفيع المقآم]

شحم لا يتاااكل الحديد

[محمد النيساني]

هلا اخوي منوتي الشاص انا معاك وابي اشحم بس هل فيه احد فك المسمار الي تكلمنا عنه وشحم عن طريقه او لا ولا التشحيم اكيد ضروري

[العاذر]

شف ونا اخوك الجيب الربع العشه القديم مشاحم الركب تجيك مثل السده تفكها وتعبي الركبه شحم بعدين تشدها والظاهر اللي عندك نفسها :) الفتحه بحجم الربع ريال او القرشين صح:d

[محمد النيساني]

كلامك صحيح مسمار زي السده يربط وينفتح الظاهر انه نفسه
بيض الله وجهك

[العاذر]

الحمد لله هذا مانريد :d

[لحن الوداع]

ان شاء الله لقيتو حل

هي تتشحم ولا كيف ؟

[العاذر]

ان شاء الله لقيتو حل

هي تتشحم ولا كيف ؟ نعم بعد البحث والتحري تتشحم الكبه عفوا اقصد الركبه :D ولا يوجد لدينا مانع التوقيع العاذر:good2:

[ff-19]

احد الزملاء فك الركبة للبترول م 2000 بها صوت قرقعة وجد الرمانات منتهيه اوناشفة مافيها ولاأثر للشحم غير الرمانات كلها واخذ القطعة(غطاء الركبة) للمخرطة اوفكلها سنة مثل الجيب التويوتا من م 97 أوتحت الركبة كلفته شغل يد 150 ريال

[حامد حمد]

الله يعين ماقد شحمنا الركب

[محمد النيساني]

حيالله الشباب كلن بأسمه
انا مريت اليوم المحطه ووديتها للحفره وقلت له فك المسمار الي قلتلكم عنه وشحم
المهم فك المسمار ولكنننننن للأسف لايوجد مكان للتشحيم لأن الي ورى المسمار حديده
وفائدة المسمار الي فكيناه طلع يوزن الكفر علشان اذا لفيت الدركسون لاخر شي مايحك الكفر في الدفرنس

زبدة الكلام لايوجد للاسف مشاحم لركبة الباترول والله اكبر مصيبه يعني لازم تفك الركبه من الخلف وتشحمها

تحياتي لكم

[لحن الوداع]

^^^

بيض الله وجهك يا بعدي ..

[د ك م 586]

حيالله الشباب كلن بأسمه
انا مريت اليوم المحطه ووديتها للحفره وقلت له فك المسمار الي قلتلكم عنه وشحم
المهم فك المسمار ولكنننننن للأسف لايوجد مكان للتشحيم لأن الي ورى المسمار حديده
وفائدة المسمار الي فكيناه طلع يوزن الكفر علشان اذا لفيت الدركسون لاخر شي مايحك الكفر في الدفرنس

زبدة الكلام لايوجد للاسف مشاحم لركبة الباترول والله اكبر مصيبه يعني لازم تفك الركبه من الخلف وتشحمها

تحياتي لكم
كلام صحيح ميه بالميه
للاسف الباترول بجميع موديلاته مايجي له مشاحم مثل التايوتا (كان معي ربع تايوتا موديل 92 له مشاحم ) يعني لازم تفك الفلنجات وتطلع الهوب وتفك غطاء العكس الين يجيك التجويف الداخلي وتعبيه شحم
لذا انصح اي واحد عنده ندى زيت من الركب انه يصلح الصوف ويعبيه شحم مرة وحدة حفاظا على العكوس والرمانات ولو فتح له سنة عن طريق المخرطة افضل وافضل

[ابـــوزيــاد]

اعزائي زوار واعضا ومشرفين منتديات مكشات

عندي باترل 90 وجربت اشحم الركب عن طريق اربع مسامير مكانها فوق الركبه فكيت واحد منهم
وعبيت شحم ونجحت معي
المسامير 4 فوق الركبه و4تحت استخدم الي فوق

ارجو ان المعلومه وصلت ولي عنده شرح افضل يحطه ترا شرحي مهو الي

[لحن الوداع]

للرفع للفائده ...

اشوف الموضوع مهم فياليت احد يفيدنا

[BAH]

اول شي السلام عليكم ورحمة الله وبركاته مرت علي مشكلتك معي نيسان ربع 96 لفيت الركبه لف ما لقيت مشاحم لها من زود الاهميه فكيت الركبه وشحمتها بعد التشحيم صارت الركبه تهرب زيت حست الركبه حوس انصحك ركبة النيسان ما تشحم هي من اصلا يجيها الزيت حق الدفرنس وزيت الدفرنس مثل الشحم وسلامتك

[BAH]

الحاقا لموضوعي اذا بغيت تغيرزيت الدفرنس لا تغير الا من عند الوكاله لان زيت الدفرنس يجي من عند الوكاله فيه شحم يعني زيت وشحم مخلوط واكثره شحم انصحك للمره الثانيه انحش عن فك الركبه لا تحوس الصوف وزنتها

[goold6060]

والحل اذا هل نتركها هكذا بدون تشحيم %%%

[BAH]

اتركها وعلى مسؤليتي وهاذي نصيحتي ونت بكيفك

[شراوي99]

السلام عليكم

ياشباب إذا أحد لقي حل للمشكلة ياليت يشاركنا وندعي له .

تحياتي

[عابد عبود]

الباترول مافيه مشاحم للركبه بالنسبه لموديلات 97 وتحت الباقيه لا اعلم
لاكن انا عندي بترول 97 فكيت الركب كامله كلها الثنتين يمين ويسار مع تغيير جميع الرمانات حقات الهوب وحقات الركبه مع صوفها وكلش كلفتني قرابة 1700 مشتريات مع شغل يد والسلام ختام

[عابد عبود]

يسير يفكلك نفس الركبه ويترس ابوها شحم لين تتعبا كامله بعدين يقفلها

[عابد عبود]

لاكن مثل ماقال الاخ BAH انتبه ترى الصوف لها وزنيه معينه مايعرفها الا المهندس الخبير لانه اذا ماضبطت الوزنيه يسير الركبه تهرب زيت على طول حتى لو كانت الصوف جديده
لكن مثل ماقالك اذا انه صحيح ومايضر الركب انه فيه زيت من الوكاله مخلوط بشحم ويغني عن الحوسه هذي والفك والربط والله كنت بآخذه واريح راسي
بعدين احنا صراحة شعب في من لقافه شويه وحرص زايد ، يعني معقول انه هذا عيب مصنعي في الباترول انه يجي من دون مشاحم اكيد معناته ماتحتاج تشحيم او انه عيب مصنعي والله العالم

[العطاوي a511]

الباترول الفتك مايشحم الا العمود فقط والرمانات الاماميه تشحم كل 60 الف كيلو حسب كلام فني بالوكاله وتشحيمها بسيط ماياخد ساعه

[الا سير]

الباترول مثل ما قالوا الشباب مايتشحم الا تفك الركبة وفيه مسامير فوق
بنفس الغطا الحامي للركبة تقدر تفكها وبشطارتك تشحم الركبة منها
وهذا مقطع فرط دفرنس امامي وتركيب قطعه بالكرونة مدري وشي
بس الظاهر انها مثل عمل الفرار بس مستغرب ليش ما الغا الفرار
الجزء الاول http://www.youtube.com/watch?v=llaqhUs8_yk

الجزء الثاني http://www.youtube.com/watch?v=JMibycf4MrQ
تابعوه راح تستفيدون منه اعجبني انسان شغله راكد
والي يعرف القطعة الي ركبها يعلمنا وش وظيفتها

[abarre3an]

اتوقع ميزة بالبترول...
لأنه معي فتك 2004 الى الان ماعمري شحمت لهىالا مرة واحدة بس بسبب نصيحة مكانيكي...وهي اصلا" ماتحتاج...70% من من المشاوير مطانيج وبر ونفود... ولا به اصوات ولا مشاكل ماشاء الله وتبارك الله...

[سفاري 95]

اخوي اذا مافيه مكان او مسمار للتشحيم لاتحاول انك تشحم او تشوف طريقه ثانيه تشحم فيها الركب

لانه لو كان تحتاج تشحيم اصلا كان الشركه المصنعه نفسها حطت مسمار تشحيم ولاراح يضرها شي
لذلك اتركها مثل ماهي ولاتحاول تعبث بسيارتك ... اللي تشوف ان فيه مسمار تشحيم شحمه وغيره خليه

والله الموفق

[الوقيدي]

السلام عليكم : اخي الكريم تستطيع ان تعمل فتحه للتشحيم في ركبه الدفرنس مثل سيارات تويوتا بشرط ان تكون الفتحه واصله لتجويف الركبه عندما تلف الدركسون لجه اليساره للكفر الايمن وكذلك للكفر الايسر عندما تلف الدركسون لجهه اليمين. مقاس القتحه 14 لدخول رأس المشحمه داخل الركبه.