احترت بين خيمة البيرق وخيمة المرقاب

[أبو رند]

السلام علييكم



اخواني واحباب قلبي



حبيت اخذ رائكم واستشارتكم لاني الصراحة احترت بين خيميتين

خيمة المرقاب من السنيدي
خيمة البيرق من القاضي


وابي رائكم من ناحية التجربة



قوة تحمل الخيمة تجاه الامطار ((الله يغيثنا يارب )):r
قوة تحمل الخيمة تجاه الرياح ((حمانا الله وياكم من الريح ))


افضل من ناحية جودة الخياطة يعني ما تخر المطر ما تتمزع مع قوة الشد
ايهما افضل من ناحية التدفئة في البرد القارس


خيمة المرقاب
http://www.alrs1.com/vb/uploaded/1_01228681150.jpg


خيمة البيرق
http://www.syadh.com/vb/imgcache7/7083.png



ومن ناحية السعر..!!:(
خيمت المرقاب 4.5×4.5 بـ 1180
خيمة البيرق 4×4 بـ 1550
خيمة البيرق 5×5 بـ 1800


انا تشدني المرقاب من ناحية سعره اقلهن كلهن واكبر وهي نفس البيرق


فأنتك وش رايك يالنشامى والي تنصحوني فيها:D




بالتوفيق,,

[نباك]

توكل وخذ خيمة المرقاب

[رعودي]

ابو رند
مساك الله بالخير

كلها حلوات وانا والله ماجربتها
بس من ناحية السعر اكيد الاغلى افضل
ومالك غناه عن سؤال راعي المحل ايها الافضل والاقوى

وانت قدّر الزين على حسب فلوس واستخدامك
وخل شورك في راسك
لان ماراح يستخدم الا انت وتوكل على الله قبل كل شئ

[العاذر]

اغلب الكشاته يفضلون البيرق من جد خيمه

[شقران755]

السلام عليكم اخوي ابو رند
تبي شوري خذ البيرق وريح راسك انا مجربه السنة الماضية في الجنوب في أبها جانا مطر وبرد يهول والحمد لله ماخالفت بشي ويكون بعلمك ترانا ماطقنا الاطناب الخارجية بس اللي حافة الشراع بصراحة قويه الخيمة طبعاً الخيمة اللي معي 5x5 وناسه كل عفشك داخل الخيمة .
فيه ملاحظة عليه واحده عندي ان الحبال اللي تشد به الاطناب ضعيفه لازم تغيره وبس .

[الجفن]

عليك في البيرق وبس انا بصراحه جربتها في مطر ما شاء الله تبارك الله لا يعلى عليها ولا تنسى الاستخاره

[جنتلـ]

هلا بك يالغاالي

بالنسبة لي مجرب البيرق فقط

لكن اشهد انه خيمة من ناحية الجودة والمطر ولها عندي يمكن سنتين ولا خالفت

لكن يعيبها شي واحد فقطصغر فحت مشب النار في الداخل لو كانت اكبر افضل عشان تقدر تستخدمها لتنظيف الخيمة . وشكرا

[ابوناصر426]

عليك بالبيرق 5*5 غاطين
انا اشهد انها خيمة
دافية وخفيفة ومافيه مثلها
توكل على الله واخذها

[أبو رند]

والله ما قصرتوا يالنشامى..!

اعجبتني والله البيرق ..

لكن ابي واحد مجرب خيمة المرقاب ..؟!
وهل بها عيوب..؟!

لان البيرق اغلى من المرقاب بـ 600
والمرقاب نفس البيرق بالضبط..!!

الله يوفق,,

[لاتكب البيالة]

السلام عليكم
شف خيمة المرقاب وش نوع شراعه يعني تفحصه بيدك اذا هو ناعم ولين ويتعفط فهذا قطن درجة اولى وابشر بالدفا
اما البيرق شراعة ليس قطن من الللي عليه العلم

[ن م ر]

المرقاب شفتها وهي عند السنيدي وجرابها متقطع فما بالك بعد الكرف والاستخدام !!!!!

اما البيرق فهي خيمة بحق ولن تندم على شرائها بشهادة الجميع


توكل على الله وخذ البيرق ولا تستخسر فيها زيادة 500 او 600 ريال لانها تستاهل

[humod]

طيب وخيمة التيربوا فيه احد جربها 3*6 أخف وزن بكثير

[رساوي مهاجر]

مساك الله بالخير أبو رند ، وكل من يقرأ هذه الكلمات .... أنا جربت خيمة البيرق وشفت خيمة المرقاب وأعتقد أن البيرق أفضل بكثير من حيث نوع القماش والتفصيل ولم أتأكد من الوزن ، من ناحية التصميم فهو واحد في الخيمتين فالفكرة وحدة لكن البيرق تدوم أكثر وتحمل وابني قولي على نوع القماش والخياط .

[العاذر]

مساك الله بالخير أبو رند ، وكل من يقرأ هذه الكلمات .... أنا جربت خيمة البيرق وشفت خيمة المرقاب وأعتقد أن البيرق أفضل بكثير من حيث نوع القماش والتفصيل ولم أتأكد من الوزن ، من ناحية التصميم فهو واحد في الخيمتين فالفكرة وحدة لكن البيرق تدوم أكثر وتحمل وابني قولي على نوع القماش والخياط .
كلام سليم ملييييييييييييييييييييييييييييييييون في الميه:good2:

[أبو هزاع911]

الله يوفقنا واياك لكل خير


اشف يا اخوي ومن وجهت نظري انا مجرب خيمة المرقاب وفي اهلك الظروف

من ناحية امطار ومن ناحية عواصف ماشاء الله تقول انك قاعد في غرفه مسلحة

وام اخيمة البيرق ما جربتها في مثل هالظروف لكن من كلام بعض الزملاء الي جربوها بمثل هالمواقف

يقولون انها ممتازة ورائعه ومن كلامهم استنتجت ان خيمة البيرق افضل من المرقاب

والعلم عند الله