المساعد الشخصي الرقمي

مشاهدة النسخة كاملة : المساعدات وما أدراك ما المساعدات


n_aa_s
08/02/2010, 10:26 AM
رايكم يالربع نبي نغير مساعدات للباترول 97 صالون خليجي بس الصراحة احترت
فيه ناس يقولون ركب الصفر وفيه ناس يقولون ركب جبريل وفيه ناس يقولون ركب قدام شاص 2003 وورا ركب فكس آر 96
أنتم وش تشورون عليه فيه وش اركب
لحن الوداع
08/02/2010, 12:23 PM
يا بعدي ركب طقم اربع شاص قدام وورا

افضل من الوكاله
د ك م 586
08/02/2010, 11:18 PM
يا بعدي ركب طقم اربع شاص قدام وورا

افضل من الوكاله
صحيح لكن الموتر بيصير اوعر من الشاص بالذات الموديلات القديمة
د ك م 586
08/02/2010, 11:19 PM
مافيه مثل اولد مان لكن سعرها غالي
اذا تبي شي سعره معقول وزينات خذ جبريال
محمد النيساني
09/02/2010, 04:27 AM
خذ العلم طال عمرك افضل المساعدات على الأطلااااق
منرو الي تجي لونها اصفر وناس يسمونها اولد مان طبعا غاز ثم مساعدات الشاص ثم مساعدات الوكاله ثم جبريال مع ان جبريال ماتسوى ريال واحد ركبته ماكملة 8 شهور خااايسه
شقران755
09/02/2010, 09:32 AM
اخوي ركب مساعدات شاص وريح راسك اسأل مجرب
جهام القصيم
09/02/2010, 10:13 AM
من واقع تجربة1- قدام ركب شاص او ربع من 2002 او طالع غاز طبعاً
2- وراء مساعدات في اكس ار نفس الموديل لكن تحتاج الى ترهيم بسيط وهو تغيير الحلقة (يعني تركب حلقة المساعد القديم الى الجديد لأنة يجي جهه حلقة والجهه الثانية مسمار)
تجربة اكثر من 5 سنوات نفس المساعدات على الباترول وفق الله الجميع لكل خير قيمة المساعدات عند الحصان في بريدة عدد 4 (350 ريال تقريباً
لحن الوداع
09/02/2010, 10:16 AM
مساعدات الشاص اخف من اولد مان
د ك م 586
09/02/2010, 01:03 PM
خذ العلم طال عمرك افضل المساعدات على الأطلااااق
منرو الي تجي لونها اصفر وناس يسمونها اولد مان طبعا غاز ثم مساعدات الشاص ثم مساعدات الوكاله ثم جبريال مع ان جبريال ماتسوى ريال واحد ركبته ماكملة 8 شهور خااايسه
مالك لوا
المنرو شي والاولد مان شي
الاوله (المنرو) اقسى مطب وسعرها تقريبا 160
الاولد مان الين وسعرها 290
الاولد مان فيها تقنيه حسب تجربتي تجمع بين الليونه والقساوه يعني تزيد قساوتها كل ماانظغط المساعد (بشكل مراحل) وهذا لايجعلها ممله في الطرق المعبدة الامر نفسه نجده موجود بتقنية اليايات الاسترالية وفيها نجد ان حلقاتها الاولى لينه واذا انضغط الياي صار قاسي لانه اعتمد على الحلقات القاسية بعد ماانضغطت الحلقات الاولى وهذا مايجعلها تجمع بين الراحة (طبعا ليس لكل المقاسات) والمتانة في نفس الوقت .
د ك م 586
09/02/2010, 01:06 PM
مساعدات الشاص اخف من اولد مان
مالك لوا
الشاص اوعر بكثير من الاولد مان وانا مجرب الثنتين لدرجة اني ماتحملت الشاص وفكيتها في يومها لاني كنت مركبهن (الشاص والاولد مان ) على ربع باترول والربع خفيف ولو كان اربع ابواب وموديله فوق 98 (لانه اثقل وزن ) كان من الممكن اني اتحمل مساعد الشاص
حسين2002
09/02/2010, 02:06 PM
ركب مساعدات رانشو Rancho
فيها وزنية تظبطها على كيفك بس سعره غالي
رفيع المقآم
09/02/2010, 02:32 PM
الله يعينك ويوفقك
n_aa_s
09/02/2010, 05:00 PM
رايكم يالربع بيايات المرسيدس قدام
حبو 1
09/02/2010, 05:11 PM
جبريال ارخص ومعقولة
الشاص حلوة بس قاسية
اولد مان قوية بس سعرها مبالغ فية وقاسية
هويدي
10/02/2010, 07:43 AM
جربت المونرو الصفر طقم اربع حلوه بس عيبه بالديره مطبه قوي

واحد من ربعي ركبت موتره ماشاء الله مريح ومع التحميل ماينزل زي مساعدات الوكاله

قالي انه مركب مساعدات فكسار قديم من 97 وتحت بس الظاهر يبيله ترهيم