المساعد الشخصي الرقمي

مشاهدة النسخة كاملة : ربعي ارجال شفتهم صوب مكشات >>>>>>>>>>>>>>>> اللغز تم حله من قبل ( ابو ماجد )


فهد الهلالي
08/02/2010, 12:16 PM
السلام عليكم ورحمه الله وبركاته
هذا اللغز جديد


ربعـــــي ارجـــــــال شفتهم صوب مكشات
مـــــــــن بـيــــــنـهم لغــــــــز جـــديد تـــهيا
لغز جـــديــــد يذكـــرونه عــــــــلى الشات
والحـــمد للــــه يـــــــوم جــــمعهم هنيــــــا
وياويش رجــــــــــــلا جيته دون مشـــهات
يجـــي صــباح ولا يجــي لــك امســــــــــيا
عنــــده بنـــــــات مــــــع بعـضـهن شبيهات
في ذمــته عــــــــاقـد عـــــليهن ســـــــــويا
يمشي ويطلق عقب مسكت عمى شات
وراح وتــــــــركهن بــــــــين شمـس وفـــــــــــــيا



مع تحيات الشيخ مسكين



خيمة الالغاز في مكشات
قريب الدار
08/02/2010, 12:39 PM
السلام عليكم ورحمة الله وبركاته

لعالها بنات الأفكار ، او ابيات الشعر
ابو ماجد 2
08/02/2010, 12:57 PM
هلا ابو محمد
صح لسانك ملايين
والحمدلله عقب لمة هالربع
والفضل لله ثم لك وابو اسامه على تسيير هالقافله المباركه
محاولتين
توبيس البنات وشبيهات بالزي المدرسي
المحاوله الاخرى
موزع فواتير الكهرباء
او موزع الجرايد
تحيتي لك وتقديري
ياعين ابوي
08/02/2010, 01:08 PM
وعليكم السلآم ورحمة الله وبركاته ...

حياك الله مشرفنا وصح إلسانك .. لغز جزل تبارك الله ..

رمعه >> وش تقول بالإمتحان وبناته الأسئله ..
star22
08/02/2010, 01:20 PM
صح لسانك

وش رايك برجل المرور

والاشارات المروريه
فهد الهلالي
08/02/2010, 01:23 PM
السلام عليكم ورحمة الله وبركاته

لعالها بنات الأفكار ، او ابيات الشعر

هلا وغلا ياقريب الداروالساعة المباركه اللي سعدنا فيها بحضورك
والرمعه
مالك لوا
تحياتي
فهد الهلالي
08/02/2010, 01:29 PM
هلا ابو محمد

صح لسانك ملايين
والحمدلله عقب لمة هالربع
والفضل لله ثم لك وابو اسامه على تسيير هالقافله المباركه
محاولتين
توبيس البنات وشبيهات بالزي المدرسي
المحاوله الاخرى
موزع فواتير الكهرباء
او موزع الجرايد

تحيتي لك وتقديري


صح بدنك يابو ماجد والله يمسيك بالخير

ابو ماجد ماشاء الله عليك اللغز مات قبل مولده او في يوم مولده مايحتاج ذبحته
ذبح حرحره
نعم موزع الجرايد يضع الجريده قبل طلوع الشمس وهو ياخذهن موقع على استلامهن في ذمته حتى يسلمهن للمشتركين
وصح السانك وبيض الله وجهك
تحياتي
فهد الهلالي
08/02/2010, 01:39 PM
وعليكم السلآم ورحمة الله وبركاته ...


حياك الله مشرفنا وصح إلسانك .. لغز جزل تبارك الله ..



رمعه >> وش تقول بالإمتحان وبناته الأسئله ..


الله يحييك ياختنا الغاليه وصح بدنك
واللغز حله ابو ماجد (موزع الجرايد)
اشكرك على حضورك
تحياتي
فهد الهلالي
08/02/2010, 01:42 PM
صح لسانك

وش رايك برجل المرور

والاشارات المروريه

صح بدنك
والرمعه عند ابوماجد
تحياتي
ابوسعودد
08/02/2010, 01:51 PM
صح لسانك يابومحمد والله يمتعك بالصحه والعافيه وابوماجد ماشاء الله عليه ماعطانا مجال نرمع على اللغز ولكن يكفيني الرد والسلام عليك وعلى الجميع
درع الخوي
08/02/2010, 02:05 PM
ماشاء الله على أبو ماجد وشكرا ياشيخنا المبدع
ابو اسامه 2
08/02/2010, 05:59 PM
وعليكم السلام ورحمة الله وبركاته

ما شاء الله يا الشيخ

دائما اذا قلت ابدعت يا مبدع

الله يزيدك من واسع فضله

وبيض الله وجهك يا الزعيم على الحرحره

تحياتي للجميع