المساعد الشخصي الرقمي

مشاهدة النسخة كاملة : وين القا البيوت المتنقله؟


محمد العتيبي
13/01/2005, 06:46 PM
السلام عليكم

ياجماعة مكشات عموم ارجو الافاده

انا رجل متنقل دائما واحب اشتري لي غرفه متنقله وسيعه استطيع ان اقلصها بسياره كبيره
وين القى تفصيل لها بسعر مناسب وتكون على حسب الطلب وتكون بمميزات شبه صحراويه
وتناسب كثرة الحركه والتنقل

شاكرين لكم التعاون والافاده

اخوكم : محمد العتيبي
Rahhal_xp
18/01/2005, 02:31 PM
وعليكم السلام ورحمة الله وبركاته،

أخوي أنا ماني خبير في مثل هذي الأمور، ولكني مريت على (عالم ساكو) على الدائري الشرقي - بعد مخرج 5- وشفت عندهم خيمة على عربة سحب وتتحكم فيها بالكهرب وسعرها 14000 ريال حسب كلام الهندي اللي كان عندها، مقاس الخيمة بعد فتحها (3x4).
الجيب الربع
19/01/2005, 11:53 AM
وعليكم السلام ورحمة الله وبركاته،

أخي محمد العتيبي

اذا ودك بالمقطورات السحب فعليك بالسلي وخاصة المطرودي ويمكن تلقالك مستعمل نظيف بالمحلات اللي حوله

لك تحياتي
رياض الجزيرة
20/01/2005, 01:13 AM
السلام عليكم
اخوي محمد - ولا يهون الجميع - مرة كان لي غرض في الصناعية ومريت في طريقي على مصنع يفصلون مثل هالبيوت المتحركة اللي ذكرتها .
وموقعهم بالتحديد وانت جاي من طريق الخرج داخل الصناعية ووجهك شمال تجيك الاشارة الاولى بعد الجسر الطويل تعدها وامش طوالي يجيك الجسر اللي فوق اشارة شارع الامير سلمان ومحلات قطع الغيار اطلع فوقه وخلك في المسار الايمن - لأنك بعد ما تنزل من الجسر يجيك نفق وزارة العمل - امش يمين فوق النفق يجيك على اليمين مدخل المدينة الصناعية الأولى وبالعلامة تلقى لوحه كبيرة تدل عليه , اذا لفيت يمين مع المدخل يصير وجهك شرق , اول شارع يمين - او الثاني - ادخل معه يصير وجهك جنوب تمشي لك مسافة تلقى المصنع على يمناك ويفتح شرق وعلامته تلقى على الشارع بيوت وغرف مصنعه على كفرات وبأحجام مختلفه .
أرجو اني أفدتك ولا تنسانا من صالح دعائك .
اخوك في الله/ رياض الجزيرة
WRWRWR
27/12/2010, 02:51 PM
طلبك عندي ونا افصلك على مزاجك
0540302307
مفتون صيد
28/12/2010, 08:10 AM
اتصل علي اخوي وانا خابر لك غرفة على كيف كيفك في لمساتها الاخيره فيها مشب وتمديد كهرب ومنجده وشيء طيب وامور اخرى كثيرة فيها وسعر معقول
0504107235
ابوعبدالله