المساعد الشخصي الرقمي

مشاهدة النسخة كاملة : شركة حماية السعودية لضمان السيارات ,, وش رايكم فيها تصمل ؟


عبدالله عتيق
08/02/2010, 02:36 PM
جيت اشري سيارة استعمال امريكي من احد الصالات قالوا لي مضمونة ثلاث سنوات على المكينة والقير والدفرنس بشرط تسوي صيانة كل شهر تقريبا

وش رايكم بالشركة هذي تصمل والا كلام قراطيس ؟؟؟
لاخلى ولى عدم
08/02/2010, 04:25 PM
سعر السيارات بالصالات يفرق حول 15 الف عن اللي بالمعارض

تبي شوري دورلك سياراه انت بالمعارض لين تلقى النظيف

ومليان النظيف بالمعارض

وبالنسبه لضمانهم يقول لازم كل شهر تسوي صيانه عندهم طيب لو صارلك

ضرف وما كنت متواجد بالمدينه اللي شريت منها السياراه هل لهم فروع او لا

وهل الصيانه الشهريه ياخذون فلوس عليها ولى يقولون لك الشغل علينا والقطع عليك

اتوقع كل شهر بيطلعون الف عله عشان تشري قطع غيار من عندهم
اااXااا
08/02/2010, 04:33 PM
راح تدفع للصيانه عندهم قيمة توضيب : مكينة و دفرنس و قير


يعني على أسوأ الأحوال خبطت المكينة والقير وفرط الدفرنس لا يزالون هم مستفيدين وأنت ضحية
][][زلفاوي][][
08/02/2010, 08:46 PM
نصيحة أبعد عن هالضمانات ما وراها إلا وجع الراس قبل عدة سنوات أخذت يوكون وكان ضمان الشرق الأوسط وحقيقة بهذله ما بعدها بهذله لا من ناحية القطع ولا من ناحية الشغل ريح راسك وخذ لك من المعارض اوفر لك ومسألة الصيانة انت شيك عليها اول بأول والله يوقعك الموقع الصالح .
بدوي جنوبي
08/02/2010, 09:30 PM
لا تصــــدقهم
البوعينين99
08/02/2010, 11:05 PM
كلام قراطيس
ستار سات
09/02/2010, 04:07 AM
. . . السالفة حنشلة . . . لو تروح لهم كل شهر بياخذون منك 500 ريال شغل يد , يعني 6000 ريال بالسنة , يعني 18000 ريال بثلاث سنين , فلو تخرب المكينة والقير والدفرنس , صلحوهن ب 10000 ريال , إذن كسبوا منك 8000 ريال في أسوأ حالاتهم ! ( ولا تنس انهم آخذين منك 10000 ريال زيادة على سعر السوق عند البيع ) !!!
لن أمل من العطاء
09/02/2010, 09:34 AM
. . . السالفة حنشلة . . . لو تروح لهم كل شهر بياخذون منك 500 ريال شغل يد , يعني 6000 ريال بالسنة , يعني 18000 ريال بثلاث سنين , فلو تخرب المكينة والقير والدفرنس , صلحوهن ب 10000 ريال , إذن كسبوا منك 8000 ريال في أسوأ حالاتهم ! ( ولا تنس انهم آخذين منك 10000 ريال زيادة على سعر السوق عند البيع ) !!!


هذا الكلام الصح

وبعدين من زين صيانتهم وشغلهم

وعلى فكره
تدفع اظن 2000 ريال قيمة الضمان

ويوم تجيهم عندك عطل

يطلعون الف عله وعله وفي الاخير يقولوا ماهو داخل في الضمان
عبدالله عتيق
09/02/2010, 02:36 PM
بيض الله وجيهكم
ولاقصرتوا

والله حسب ماقرأت وسمعت يضمنون لك القير والدفرنس والمكينة وكم قطعة غير استهلاكية

وعقبكم سألت راعي معرض يقول جربتهم صادقين

وسألت راعي صالة وتقل انه حط بها لنه

والصالة تعطيك السعر النهائي بعد الفحص والضمان والنقل

ولا ياخذون شيء على الصيانة كل شهر والباقي مادري عنه هذا ماوصلني والعلم عند الله

لكن من ناحية شرعية
سألت شيخ عنها قال اذا فيه دفع مبلغ مقابل الضمان حرام
اما عقد الصالة مع الشركة الضامنة مالك دخل فيه
يعني اذا اشترطوا عليك مبلغ للضمان خلهم يولون وانج بروحك
alsarem
14/02/2010, 11:42 AM
حياك الله اخوي
أناصاحب صالة واقولك أنهم نصابين وأقراء الشروط وتعرف
لأن من ضمن الشروط لايحق للعميل التدخل بنوعية قطع الغيار أي كان نوعه يعني يركب لك أصلي أو تجاري أو مستعمل مالك شغل
ولازم تسوي صيانة دورية وعلى حسابك