ظروري رايح دبي وبي منكم استشارة

[ssmm89n]

السلام عليكم ورحمة الله وبركاتة

انا أنشاء الله يوم الخميس رايح دبي

وهذي اول مرا اروح يعني مادل شي
--------------------------------------------------------
بروح انا ومعي عائلة مكونة من 5 أشخاص وطفلين

طبعا فكرت اني استأجر سيارة بس غيرت رايي لأني مادل شي

نصحوني الشباب بالتجول بالمترو فما رأيكم

________________________________
كيف يمكنني زيارة هذه الأماكن بالترتيب في 6 أيام
* - حديقة الخور
* - مركز وافي سيتي .
* - مول الإمارات
* - التايم سكوير
* - متحف دبي حصن الفهيدي
* - لباص البرمائي مجمع برجمان
* - سوق التنين الصيني أو ( الدراقون )
* - أوت ليت دبي.
* - مجمع ابن بطوطة.
* - نخلة جميرا (فندق اتلانتس(
* - فستيفال سنتر
* - بلانيت هوليوود
* - مجمع وافي
* - دبي مول
* - ستي سنتر
* - أبراج الإمارات
* - المدينة الثلجية
* - برج دبي
* - ميركاتو في الجميرا
* - النخلة
* - الفستفال سنتر
* - فودو جمير
* - الوافي سنتر

[دغيم1]

السلام عليكم ورحمة الله وبركاته
حياك الله أخوي
شكلك بتروح طيران
وإذا كذا لابد لك من سيارة وهو الأفضل .
وأنصحك بالسكن في بر دبي بالقرب من شارع خالد بن الوليد فهناك شقق نظيفة وأفضل من ديره دبي لأنها مزدحمة جدا .
وزيارة المناطق التي ذكرتها يتوجب عليك شراء خارطة دبي ، تجدها في المحلات في المطار أو تأخذها من أي سوق كبير تزوره وتجد مكتي لدائرة السياحة في دبي .
المناطق كثيرة وجميلة والسواق منتشرة بكثره هناك .
والأجواء جميلة ومتشابهه لأجواء الرياض .
ولو كان معك جهاز قارمن 276 أو نوفي كان يغنيك كثيرا عن السؤال والبحث لوجود معلومات كثيرة عن الأسواق والمطاعم أو جهاز نوكيا 95 .
ولاتنسى الحجز المبكر للسكن دون حجز لاتغامر بالسفر
تمنياتي لك برحلة موفقه
تحياتي

[باني طوية]

ماشااء الله

تروحون وتجون بالسلامة ان شاء الله

يالحبيب مالازم تروحون لكل هالاماكن ماعليه على التدخل لكن هالاماكن واجد وصعبه تحصيها بست ايام اصلا المجمع الواحد لو تدخله الضحى ولا الظهر منت بطالعين الا الليل

والله يحفظكم يالغاالي

[ssmm89n]

الف الف شكر على مروركم الكريم ونصايحكم

اكيد اني مابروح كل هدي الأماكن بس ودي تكون مرتبة

[اللهب الحارق]

شكراااااااا وبالتوفيق

[ssmm89n]

ياشباب انا أنشاء الله اليلة طالع

وليوم شريت لي جهاز جارمن نوفي 780

عندكم شي تبون تفيدونا فيه قبل السفر قيل الساعة 9:30

[ملف علاقي]

تروح وترجع باالسلامه انت والي معك بس لا تنسانا من الهدايا وإذا وقتكم يسمح زورو مدينة العين تراها مره حلوه وخاصة جبل حتي والعين الي فيها دامك رايح هناك لأن اكثر الأسواق الي انت ذاكرها متشابهه وحرام تضيع وقتك عليها تمنياتي لك باالتوفيق

[أم سعيد]

السلام عليكم ورحمة الله وبركاته
هلا اخوي بحاول اساعدك على قد ما اقدر ولو اعرف اذا تبغي تتشرى يعني للاهل بقدار اساعدك بالاسواق الشعبيه ارخص لك بوايد

كيف يمكنني زيارة هذه الأماكن بالترتيب في 6 أيام
* - حديقة الخور --- ما اعرفها
* - مركز وافي سيتي . ---- مافيه شي ضروري
* - مول الإمارات ------ حلو وتقدر تتمشى فيه وتتغداء والعيال يلعبون
* - التايم سكوير يعني مب لي اهناك بس فيه كوفي الثلجي
* - متحف دبي حصن الفهيدي ------ ما اعرفه
* - لباص البرمائي مجمع برجمان ----- حلو
* - سوق التنين الصيني أو ( الدراقون ) ---- هاذا وايد حلو فيه كل شي تحتاجه يعني له يوم كامل بس تحمل يقصون عليك عليك بالمكاسر
* - أوت ليت دبي.------ فيه اشياء زينه بس لازم تتاكد من جودتها فيه اشياء خربانه يعني دقق عدل
* - مجمع ابن بطوطة.------ حلو بس بعيد عنك وايد
* - نخلة جميرا (فندق اتلانتس( -------حلو للنزهه
* - فستيفال سنتر ------ يعني نفس كل المولات بس مب حلو يضيق الصدر
* - بلانيت هوليوود ----- ما اعرفه
* - مجمع وافي ----- نفس وافي سنتر
* - دبي مول ------ اهنيه الروعه صدق بترتاح وانصحك بالنافوره الراقصه الساعه 6 اول عرض
* - ستي سنتر ------- حلو
* - أبراج الإمارات ----- فندق مافيه شي
* - المدينة الثلجية ----- في مول الامارات
* - برج دبي ----- قمه من الجمال ترى نفس مول دبي
* - ميركاتو في الجميرا ---- ما يستاهل الروحه
* - النخلة ---- حلو بس روح ذواك الممشى وايد حلو
* - فودو جمير ----- ما عرفه


والسموحه على القصور

[q8salem]

انصحك بما انه ما عندك موتر هناك انك تستأجر سيارة عائلية مع السائق يوديك وينتظرك وتتصل عليه متى ما خلصت وهو يدل كل هالاماكن وينصحك بالترتيب. لا تنسى الزحمة والمواقف صعبة.

وهذه طريقتي اذا رحت دبي واريح بالي من عوار الراس والسيارة دايم مكيفة وتحت أمري.



وتروح وترجع بالسلامة

[ssmm89n]

الله يرحم والديكم

بدات انتي يا ام سعيد

[ssmm89n]

انصحك بما انه ما عندك موتر هناك انك تستأجر سيارة عائلية مع السائق يوديك وينتظرك وتتصل عليه متى ما خلصت وهو يدل كل هالاماكن وينصحك بالترتيب. لا تنسى الزحمة والمواقف صعبة.

وهذه طريقتي اذا رحت دبي واريح بالي من عوار الراس والسيارة دايم مكيفة وتحت أمري.



وتروح وترجع بالسلامة

كم قيمت أجار التكسي في اليوم ( حتا لو تقريباً )

[مداوي]

تروح ونجي بالسلامه
حفظك الله فيحلك وترحالك
ما اظنك تستطيع زيارة ولا نصف ما ذكرت لكن شف احسنها