عندي راح يخبلني وشسوي

[سعدسالم]

اخواني اعضاء المنتدى والصقارين حياكم الله (اعطوني طير طول 16 وعرض 15 وهذا الطير دوخني حيل علما ان الطير صياد حبار واني مشاهده وهسه كلما اهد يطير مسافه وينزل يتصفن ولا يمه اي شي واجي اشيله وشوفه حباره يطلب ويهد لكن عند الوصول ينزل وياخذ يتصفن @@ فماذا افعل اعلمونا ماهو السبب وما الحل واكون شاكرا لكم)

[Lance-501]

يفيدونك الاخوان

[الرّمااااي]

شنو معني يتصفن وشكرا

[RKHW]

والله ترجم كلامك يالخو

[عاشق الفتك 20]

الكلام كله معاااني

وضح اللله يهديك

[7or 100]

انا انصحك انو تجوع الطير بالبدايه وتحصلك على حباري حيه وتبرقعها (حتى لا تجفل)وتهد الطير عليها وتكون جناحاتها مفتوحه حتى يعرف الصقر لون ريشها ولا يهابها تكرر العمليه من ثلاث الى اربع ايام ومن ثم توضع الحباره له من مسافه قريبه وتبعد المسافه تدريجيا الي ان يتم اطلاقها له.
اتمنى اني افدتك, تحياتي...

[أبو فيصل]

طيرك يا سعد رامك (هاذي الكلمه بوهقك فيها مثل ما وهقت الشباب بكلمة يتصفن ولو أني أعتقد يأن معناها الطير يتفلى أو ينسل ريشه) ههههههههه

[رأعي الخرشه]

السلام عليكم ورحمة الله وبركاته
اخوي اذا انت تقصد ان الطير يحط بالارض اذا وصل للحباره
طيرك هذا يبي الحباره وهي تطير مايرغبها وهي موقعه في الارض والسبب ان الطير جاه ضرب من احد الحباري اللي صاده من قبل
واذا الطير صار رامك يعني بدية حذف الريش مايهد على الصيد


تقبل مروري

[صقر القصيم 16]

فادوك الاخوان مع اني ماادري وش معنا يتصفن

[الصويتي]

الطير يا فسقاااان يا مستنكر


تقبل مروووري

[طيرحوران]

السلام عليكم
حياك الله اخوي سعد سالم
الأخوان ماقصرو
بس والعلم عند الله ان طيرك لاحقه ملوع قويه
هل تلاحظ أن الطير يصدر صوت نغقه عند بداية طيرانه
إذا كان نعم فيجب ترييح الطير لمدة خمسة ايام وإعطائه قليل من الشب والموميان والحلب
وبإذن الله يشفى
والسلام

[قرناس شماالي]

انا والله مفهمت بس الاخوان ماقصرووو

[7or 100]

المقصود من كلمة يتصفن:انو الطير يقف وينظر دون حركه ولا يفكر في الصيد.
تحياتي...

[333]

الأخوان افادوك
تقبل مروري
اخوك:333