وقف علي بابكم ............ولهان...........افتحولي

[خشم الحصان]

الاخوه الغالين
السلام عليكم
وخص المشرفين الله يحفظهم لي مدة وانا واقف علي باب مكشات ابي ادخل لكن يالربع البرد قرمشنا وانتم مافتحتو لي الباب ,,,,,,,,,,,,,, اخواني والله وبالله العظيم اني انقهر من عملية الدخول الي المنتدي بطي تعرفون وشلون بطي اقعد لي مده ثم اذا بغيت ادخل صفحة المنتديات يووووووووووووههه برد وباب مزرقن مايفتح
لي يومين وانا اغلفص في باب مكشات ويالله فتح
يالربع وش المشكله فيه
ان سان ماتبونا فحنا والله نبيكم والله بلاكم بواحد مهوب تركم لو تطيرون وتوزعون مغرز مغرز في مكشات
بس ارحمونا الله يرحمكم برحمته وزود علي هالبرد
ان سانه الكيلون فغيروه
وان سانه مفاتيح غيرتوها فعطوني مفتاح
وان سانه من جهاز فعلموني الوحه مع الطايه
كلش يهون مدام علشان مكشات بس لا نهون عليكم تكفون
اخوكم
لي قرمشه البرد ولا فتحتوله
خخخخخخخخششششششممممم
الححححححصصصصصاااااننننن
من البرد اتنافظ يوم اكتب

[السمح]

وأنا أقول وين الرجال له كم يوم ما بيّن :j
أثاري ضارجك البرد وانحن ما ندري ؟؟ :dance:

شف الله يغفر لك إن كان إنك تشوف الإعلانات اللي فوق فالأمور معك تمام ، وإن كان ما تشوفهن اسمع كلامي زين :
إذا فتحت لك الصفحة الأولى لا تعداها ولا تستعجل بضغط روابط وصفحات ثانية .. اصبر بيجيك رسالة تطلب تثبيت مشغل الفلاش . . . والله لا يهينك قل إيه ما عندي مانع .. واصبر شوي لين ينتهي من شغله ،، ثم شف وشلون يصير معك المنتدى .

مرحباً وبعودتك مرة أخرى

[المربد]

حيا الله الغايب اللي ما نسيناه :heart:

وشوري عليك ان تدخل على الدوس وتكتب :type: :
/:format c وما عليك الا انك تعيد تشغيل الجهاز وابشر بالسرعة :bounce: :dance: :type:

[عبد الله الفايز]

هلا والله بحبيب الكل

تصدق يوم قريت موضوعك بغيت أبكي

هالحين هالشباب الصغار صاكين الباب ومخلين العمدة برا

بس وانا أخوك لايهمك قل لي وانا أخليك تدخل من بابنا ثم أقمزك عليهم ومايدرون إلا وانت جايهم من الطاية

حبيبي لاتحذف الكوكيز من جهازك وسو تنظيف للملفات التي لاتستفيد منها عن طريق تنظيف القرص ( ترا

مهوب قرص الملة ) قرص الكمبيوتر وبعدين رح لم إدارة الأجهزة من خصائص جهاز الكمبيوتر واختر

أجهزة المودم .. ثم اختر المودم اللي تشغل عليه واضرب بالماوس الزر الأيمن عليه .. واختر خصائص

ثم خيارت متقدمة

تبي تلقى لك خانه فاضية اكتب بها ( AT&FX ) ثم موافق تبي تلقى جهازك سريع أكثر من العادة ويكتب

لك سرعة الاتصال 115

أرجو ياعميمي اني أفدتك

مع السلامة

[خشم الحصان]

الاخوه الغالين
السلام عليكم
حياكم الله كان بسمه

..................الاخ الغالي
ومشرفنا الفاضل
ابو تركي
السمح
شف ياخيي البرد كلني ماخلي شي فيني والسبه ان البشت خذه (ابوشكاع ) معه خبرك ماهوب يشوف زين وضفه معه يوم حنا منول في المجلس عاد وش بيرده من الرس كود اذا صخنته وجابوه يم الرياض يجيبه معه
انا سويت مثل حسيك وكلش تمام بس تهقاء جهازي صويحي مثلي ولا فيه شي
وش رايك انقعه و اغسله بقاز كود لي فيه يموت يعني افرمته مره
عطني شورك وهداية الله الله يغفر لنا ولك يامشرفنا ترنا غثيناكم حتي في اجهزتنا
مشكور الله يجزاك عنا كل خير
اخوك
خشم الحصان
.....................
الاخ الغالي
المربد(................) لين نلقالك اسم هالفراغ
وش الدوس هو يوكل ولا ينشرب ياخيي الله يثيبك ويرفع قدرك لا تغرك كشختي انا ريال غشيم والكمبيوتر موشغلتي
يعني اخاف اني اكحلها ثم افضخ عينها
خلني علي طمام المرحوم احسن ترا والله ماعرف
اخوك
خشم الحصان
............................
الاخ الحبيب
راعي الدوج
عبد الله الفايز
يالله انك تفوزه دنيا واخره امين يارب العرش العضيم
شفت ياخيي بس ملطوع ورا الباب والعله قي هالجهاز حسبي الله عليه
ياخيي معاد فيني شده علي الطمره مع الجدار اخاف ينشب الثوب ثم اتدودل لانيب لي طبيت ولا نيب لي سلمت من الضحك ثم عاد اخبرك تبي تروح يم المنتدي ثم جمعهم علي تقول شفو هالسبير متدودل سنه خفاش راسه تحت ورجليه فوق
ايه تطنز قرص مله وقرص عمر
اقول انا معرف حسيك اباشيل هالماخوذ وبوديه يم الهندي وانا متلطم وبخليه يسوي حسيك
اخيي وش و ذا(تبي تلقى لك خانه فاضية اكتب بها ( AT&FX ) رقم لوحة تريلة حديد
والله ياخيي معرف من حسيك شي
جب اذنك لا يسمعنا احد(اقول ترا محاسيك مهنا احد في الكمبيوتر انت توحي) لا تعلم زين
عمده وعميم بدينا في الحسي
اقول مع السلامة الله يغفر لنا ولك
اخوك
خشم الحصان