المساعد الشخصي الرقمي

مشاهدة النسخة كاملة : تكفون يالنشاما شوفوا لي حل (باتروووووول)


أبوضيف الله
09/02/2010, 12:55 PM
السلام عليكم
تكفون يالنشاما شوفوا لي حل امبير البنزييين قام يستهبل مره يجيب فل ومرة يجيب نص
مايثبت على شي
الموتر باتروول فتك فل 2007
والمكان الرياض
وش الخراب و وين يتزين (للذين يملكون الخبرة)
د ك م 586
09/02/2010, 01:22 PM
اذا كان امبير البنزين يلعب بس مايتعدى الواقع يعني مايعطيك فل وهو مافيه الا النص
فالخلل في الشرايح اللي في العوامة يعني ياتغير عوامة كاملة او تحاول تضغط البليتينه اللي تمشي على الشرائح النحاسية التي بدورها تنقل الكهرباء الى الامبير او انك تسحب الشرايح النحاسية شوي وتنضفها وانشاء الله تضبط معك
سوبر VTC
10/02/2010, 01:40 AM
اخوي عندك مشكلة بطلبون عدادات الانبير
خراب ايسي يلخبط عليك الانبير
و يعطي قراءة خاطئة
مره فل و مره على النص احيانا على الربع
احياتا ما يحول التانكي الصغير
ورشة التركي تخصص نيسان بالصناعية القديمة
بجانب ترايستار
يصلح لك العطل على الضمان
او ورشة العثيم ببريدة
التكلفة من 300 الى 500ريال
ان بغيت ارقام لهم علمن
اذا كان التانكي الصغير مايحول
يكون احيانا العوامة منطلقة من مكانه او فيوز او كتاوت
و غالب المشكلة من الطبلون
موفق
ياسر10
11/02/2010, 03:05 PM
ممكن ترسل لي ارقام الورشه على الخاص :)
دوما
11/02/2010, 03:11 PM
معي فتك ومرة لخبط معي الأمبير
انحاس الكبير صار يعبي الصغير تشقلب
المهم رحت للصناعية قالوا هذي تبي لها كمبيوتر
تذكرت سالفة واحد من الربع
وصلت البيت بعد العشاء
وفكيت أصابع البطارية وخليتهم مفصولات لما الصبح وشبكتهم فعاد كل شي مضبوط إلى ساعتك
الشاهد مثل هالخلل قد يكون بسبب البرمجة ولما تفصل الكهرباء مدة طويلة ست ساعات مثلا وتعيدها مرة أخرى تعاد البرمجة من جديد
وقد تنتهي المشكلة
جرب وأخبرني لن تخسر
_دربيل_999
12/02/2010, 01:37 AM
أخي الكريم..
العطل عندك في العوامة..بتحصل ورش يقولون لك نصلحها لك..لكن بقولك إذا صلحوا العوامة الحالية اللي تتخبط تراها بتعطيك قراءه خطأ..وبيرجع الخراب بعد أيام واقوى من الأول..
نصيحة:good2:
اشتر العوامة كاملة ودور الوريشة الرخيصة اللي تنجزها لك في نصف ساعة وركبها عندهم..ومالك ومال كبار الورش اللي تكبر الموضوع لك عشان يكبر المبلغ..!!
لا وتجلس السيارة عندهم بعد..


اخوك الروقي