اصغرررررررررررماطور؟

[النفود لعبتي]

السلام عليكم ورحمة الله وبركاته
ياجماعه انا عندي سؤال انا ودي بماطور قوته تقريبا من 300 الى 500 واط وتكون صناعته معقوله مش صيني وين الاقيه اذا تكرمتوا وشكرا

[طير الفلاح]

اذا كانت حاجتك للكهرباء لا تتعدى 500 واط فانصحك بمحول كهرباء على بطارية السيارة أو الولاعة من النوع الأصلي (wagon أو vector) حمولة 500 واط. سوف ترتاح من صوت المولد المزعج و تعبئة الوقود كل أربع ساعات!!!

يمكنك أيضا شراء البطاريات المتنقلة التي تشغل السيارة عليك بهذا الرابط...


http://www.mekshat.com/vb/showthread.php?t=25825

http://www.mekshat.com/vb/showthread.php?t=5359

[ابو شكاع]

عليكم السلام ورحمة الله وبركاته

حياك الله اخوي

قبل تقريبا شهرين كنت بشارع الريل اسعر المواطير ........ وشفت ماطور 300 شمعة ياباني صناعته يا هوندا او هي سوزوكي

لكن الظاهر هوندا ............ اعجبني جدا حجمه ....نسيت اسم المحل لكن ان لقيت الفاتورة اللي عندي من نفس المحل فانا بجيب لك اسم المحل ورقم تلفونه

هلابك

[الجيب الربع]

السلام عليكم ورحمة الله وبركاته

أخي النفود لعبتي

اذا ما انت راغب بالمحولات ومشتهي تسمع صوت الماطور فابحث عن نوع اسمه ROBIN عندي واحد 500 شمعه له أكثر من 18 سنه وشغال عال العال وحجمه صغير ووزنه خفيف

للجميع أجمل تحية

[liteon]

اخوي النفود لعبتي..........
بهذا السعر مالك الا الصيني..... فيه ماطور صيني اسمه Tiger قيمته 350 ريال بقوة 600 شمعة, يقولوا انه زين للأستخدام الشخصي ... يعني ما هو شغال على مدار 24 ساعة.
لكن المواطير اللي عليها الكلام مثل هوندا وروبن.... فالسعر من 1300- 1600ريال
اما بالنسبه للمحول فأنا لا انصح به من باب الحذر....... يعني اذا بطارية السيارة على نهايتها واستخدمته صدقني راح تورط خاصة اذا عندك امريكي وبعدين رح دور اشتراك في البر
اذا طلعاتك للبر واجده..... فخذ ماطور ممتاز لك وللزمن.

[المستوي 1]

ما قصرو الشباب بالجواب

الماطور الصيني زين لطلعه وحده يعني ترجع و تخليه بالبر لان الورش ما يصلحونه لان ما له قطع غيار

اذا تبي جديد لا تبعد عن هوندا او سوزوكي او روبن

انت راح تروح للبر و الصيني يوهقك نعم ارخص لكن اذا ما اشتغل و انت في البر تقول عطوني غيره ب 3000 لانه اذا انت بالبر ..... البر ما هو حقل تجارب لو ما جاز لك تبدل من المحل في ساعتها

اذا تبي رخيص و زين عندك هذي المركات نفسها باستعمال خفيف تحصلها في حراج بن قاسم و فيه بعضها جدددددددددديد ما تفرقه عن الجديد او قراطيس

راسلني على الخاص اذا تبي المزيد....

نصيحه للجميع: تعلموا على صيانة المواطير لانها سهله جدا جدا و تفكك من المشاكل البسيطه في الاوقات الحرجه و توفر فلوسك ازين من انها تروح للعماله خصوصا الكربرتير لانه بشكل عام لجميع المواطير لابد من تنضيف الكربرتير كل سنه

[النفود لعبتي]

اشكر للجميع مشاركتهم وتعاونهم معي ( كل واحد باسمه ) اما بالنسبه للمحول الي على البطاريه فهو عندي لكن ماينفع حق كشتة يومين لانه راح يسحب البطاريه اتمنى تزويدي بعناوين الاماكن الي توجد فيها المواطير المعقولة الثمن شاكر لكم

[الجيب الربع]

اذا انت بالرياض فعليك بشارع الريل وتخير اللي يجوز لك .......... الصيني موجود عند كارفور بطريق خريص وسعره فوق 200 ريال بشوي

لك تحياتي