المساعد الشخصي الرقمي

مشاهدة النسخة كاملة : استفسار الله يفككم من النار


بعيد الخطا
10/02/2010, 12:23 PM
سبق وان طرحت مشكلتي بخيمة السيارات وتجهيزاتها ولا احد فادني انشالله القى الحل عندكم
عندي السياره فيها بعض الخدوش " شلوخ" بسبب اطفال الجيران
وديتها للورش وقالوا لازم دهان والسياره جديده وقيمتها غاليه ولا ودي ادهنها
الي عنده حل لايبخل علي وله مني دعوه صادقه
سوبر VTC
10/02/2010, 11:13 PM
و عليكم السلام و رحمة الله

ساعطيك طريقتي و لعل احد الاخوان تكون فكرته و طريقته افضل
ما نستغني عن ابداعاتهم

تشري من المكتبه ريشه حقت رسم اللي راسه مثل فرشة الاسنان او مثل الفرشات حقت راعين البويه
طبعا تاخذ اصغر مقاس و بعدين تقص كل الشعر بالمقص ماعدا 7 شعرات تقريبا
ال7 شعرات تقصهن بحيث يكون طول الشعره الواحده ثلث او نص سم للجميع
ثم تجيب غراء ياباني كرتونه برتقالي سعره ب2ريال
او امريكي كرتونه ابيض بسعر 3ريال
و تحط غراء على نفس هذه الشعرات او الشعيرات
حاول تجعلها متلاصقة بعد وضع الغراء
و اذا جف او نشف الغراء تقص من هذه الشعرات من الاعلى لمسة خفيفه تقريبا 1ملم
عشان يكون الراس مدبب و هذه نقطه مهمه من اجل تنقيط البويه بالشكل الصحيح

و تروح تاخذ بويه من حقين بويات السيارات
احرص على افضل شخص مشهور بتطبيق البوية بالشكل الصحيح
عادة تجد رقم بوية سيارتك من خلال باب السواق او من خلال الاستكر بدرج السيارة...الخ
و خذه من عنده تنر و حطه بعلبه صغيرة مثل حقت مويه
و خذ قطن او قماش

بعدين تحط البوية بعلبه قطرة عيون حقت الصيدلية عشان ما تنشف البوية
لانه اذا تعرضت للهوا و انت عارف ان شغلة التنقيط تحتاج سعه صدر تقريبا نص ساعه فاكثر اذا كانت الخدوش كثيرة
الريشة تغمر راس الريشه فقط بالبوية لا تكثر عشان ما تسيل البوية
يعني كل خدش تقدره التقدير الصحيح من ناحية كمية البوية و غمر الريشة
طبعا تنقط البدي بواسطة هذه الريشة و في نفس الوقت تحط اصبعك الكبير على نفس العلبة ==> تسكر الفتحه عشان ما تنشف البوية بسبب الهوا

اذا نقطت البدي بالبوية و اخطات في مكان التنقيط او سالت البوية من مكان الخدش
امسحه بواسطة التنر==>مسحه خفيفه و لاراح يضر
و اكمل عملك حتى تنتهي

ان امكن تلبس مدساس حق المستشفيات تحصله بالصيدليه
10حبات بريال
او الكرتون 100حبه ب12ريال

هذه الطريقة اذا طبقتها بالشكل الصحيح يطلع الشغل رائئئئئئئئئئئئئئئئئع جدا :good:
افضل من بعض الورش و الوكالات لانهم ماعندهم ذمه
و حالهم يقول ==> جلد مهب جلدك على الشوك جره :mad:

انا سبق جربت الابره حقت الصيدليه اصغر مقاس
لكنه متعبه جدا و تسيل البويه بكثره

موفق
أبوجهاد التبوكي
10/02/2010, 11:49 PM
شكر الله لك ياصاحب الموضوع وشكر الله لك يامشرفنا على هالمعلومات القيمه
هويدي
10/02/2010, 11:56 PM
عطاك اياه الذيب سوبر فتك بس فيه ناس ما تحب تحبرش مدري عنك

كانك من سكان الرياض فيه محل تلميع على طريق خريص

قبل المعارض اسمه الليزر ـ عيبه غالي وزحمه بس شغله مضبوط

وكانك تعرفلك راعي معرض او شريطي خله يدخله عن طريقهم لهم سعر خاص
بعيد الخطا
12/02/2010, 12:02 AM
اخوي سوبر Vtc
جزاك الله خير ومشكور اخوي والله يوفقك بس اجي من البر بجربها
بعيد الخطا
12/02/2010, 12:03 AM
اخوي ابو جهاد التبوكي
مشكور على مرورك
بعيد الخطا
12/02/2010, 12:05 AM
اخوي الهويدي
جزاك الله خير انا من الشمال بس راح اسأل عن المحل بعد ما اجرب فكرت اخوي السوبر على بعض الخدوش
-الساري-
12/02/2010, 03:14 AM
يعطيك العافيه اخوي سوبر Vtc ،،،
العاذر
12/02/2010, 04:07 AM
والله مدامك حول جيران يعبثون بالسيارت اترك الموتر علا شغله علاشان ماتتعب مرتين بعدين لاتصير حساس اخشى انك تتعب ويمخشونه مره ثانيه تحياتي لك وتقديري
بعيد الخطا
12/02/2010, 08:45 PM
اخي الساري

مشكور على المرور
بعيد الخطا
12/02/2010, 08:47 PM
اخوي العاذر

ان رفعت لشارب وان هبطت للحيه وش اسويبهم مالي غير الصبر

ومشكور على المرور
نايف الكشات
12/02/2010, 09:18 PM
هذولا باين عليهم ابوهم مافيه خير والا كان ادبهم وعلمهم حقوق الجار
تكفا كل ورع عطه طرااااااق
وكانهم من اهل البراطم الكبار افرك خشومهم والله ماينفع معهم غير العين الحمراء
هارون97
12/02/2010, 10:06 PM
فيه حل قبل ماتسوي اي شي في السيارة لازم تكسر يد واحد منهم عشان ينظبطون وأذا لازم الأمر مافية مانع تكسر يد الأب الان التربية عندهم صفر
ALRAGY
12/02/2010, 11:04 PM
ما قصر كفى ووفى سوبر فتك
بعيد الخطا
21/02/2010, 11:44 PM
اخوي نايف مشكور على المرور
مابليد حيله اسمه جار
بعيد الخطا
21/02/2010, 11:46 PM
اخوي هارون اشكرك على مرورك
ان رفعت على الشارب وان هبطت على الحيه
الشكو لله
بعيد الخطا
21/02/2010, 11:46 PM
اخوي الراجي مشكور
والله يعطي سوبر الف عافيه
قمة افرست
21/02/2010, 11:59 PM
فيه مادة تباع في السوق مشابهه للكريم
للامانه ماجربتها لاكن اصحاب محلات الزينه يقولون تشيل الخدوش
سعرها الاصلي ب 20 والتجاري 15
العلبة دائرية ويجي نوع اصلي وتجاري ومعها قطعة اسفنج
اذا جربتها تكفى قولنا وش صار معك والله يصبرك على الجيران
بس ترى على مايقولون لاتشكيلنا نبكي لك
هذه صايرة حالة عامة في اغلب المدن تمخيش السيارات خاصة الجديده

مانقول الا الله يصلح الحال
وحسبي الله وعم الوكيل
رفيع المقآم
22/02/2010, 07:06 AM
هلا فيكم يالربع كلن باسمه اما سالفه التمخيش فهي ظاهره موجوده وبكثره ابي اقولكم سالفه انا طلعت هلي 2008 وكاله وكانت اول هلي بديرتنا المهم من القهر اللي فيهم مخشو الباب الخلفي كله تمخيش مو صاحي حتى انها واظحه نص علامه تايوتا ما هي موجوده انا تركتهم وظبطت الموتر المهم وانا القاهم واسولف معاهم ولا اقولهم شي واذا لقيت واحد يمشي بالشارع وصلته المهم صارو هم يحافظون عليها اكثر مني بالطيب يالربع بالطيب ولا تنسون انهم ورعان هادوهم مهاداه والله يظبطون معاكم