انتبهو من تغير زيت الدفرنس للباثفايندر من اي ورشة

[تايه الخبر]

بالنسبة لزيت الدفرنس وهذا موضوع خطير مررررررررررررررررررررررررررررررررررررة
لا تغير زيت الدفرنس من اي ورشة لان الدفرنس له زيت خاص واسمة LSD وما ينباع الا بالوكالة واذا تبي تتأكد انزل تحت وتلقا ورقة ع الدفرنس مكتوب عليها use LSD oil only يعني استخدم الزيت ال اس دي فقط والي غيرة وحط زيوت عادية احسن له يغيرة بالزيت الخاص لان الدفرنس مو زي الدرفنسات حقت السيارات العادية , الدفرنس حق الجيوب وخاصة النيسان و السيارات الالمانية تكون معقدة ومصنوعة بطريقة معقدة وخطيرة ولها اسم بس نسيتة , عشان كذا تلقا توضيب الدفرنس غالي مرة ولا يرجع زي اول .... عشان ما اطول عليكم اذا تبي تشتري الزيت الخاص للدفرنس رح للصيانه حق الوكالة وادخل وشف لك اي موظف شكله حبيب واطلبه يعطيك لتر لانهم ما يبيعونة للزباين واذا ما نفع شف غيرة وعلى فكرة سعر اللتر من 80 الى 100 وعلى حسب الموضف . للمعلومة لون الزيت اخضر .
سامحوني ع الاطاله والله الموفق

[hamdani]

جزاك الله خير

[ابو رائد111]

جزاك الله خير ورحم والديك على هالمعلومة الطيبة .

[الشريف سلطان]

مشكور يالغالي

[س ل ي م ا ن]

الله يعطيك العافيه بس مافيه طريقه ألا الشحاذه من الوكاله يعني قطع الغيار مايبيعونه

[مكيشيت]

شكرا لك أخي الكريم على التنبيه

أتمنى من الاخوة الذين لهم طريقة أخرى في الحصول على الزيت غير الوكالة أن يخبرونا مشكورين

[بدوي جنوبي]

حتى جيوب اللاند كروزر تستخدم زيت خاص Lsd
تأكدومنه

بالتوفيق

[ابو ععع]

اهم شي في زيت الدفرنس والقير العادي والدبل يكون من موصفات Gl-5عندك شل بترومين فوكس لكن لازم برميل للاسف العلب والجولين من موصفاتgl-4هناك انوع ردية مكتوب عليها مطابقة ل Gl-5

[يوسف--]

السلام عليكم ورحمه الله وبركاته

هلا والله اخوي تايه خبر الحمدلله اني حصلتك انت اول انسان حصلتك فاهم (( حتى الوكاله مو مافهمه ))
اخوي تايه خبر انا زيت دفرنسي lsd ورحت لفروع ون ستوب قالوا 140رحت للوكاله قالوا 90 رحت لفرع ثاني قالوا احنا ماعندنا زيت lsd ف عادي نعبي لك 140 وانت مثل ماانت عارف زيت 90 و 140 مو حق دفرنسي ولا عارف وش اسوي ابي خبرتكم انت وين غيرت ب اي وكاله وقبل كم وبسالك هل الزيت له لزوجه ولا اسمه زيت خاص فقط lsd وياليت لو تقولي ككم لتر

ويعطيك الف عافيه

[أصيل حجآ زي]

كلام الأخ / تايه الخبر
صآحب الموضوع صحيح 100% .
وتعني هذي الكلمة المُختصرة LSD .
{ لمتد سلب دفرنشلLimited Slip Differential } .


ودآئم أفضل الزيت للقيور والدفرنشآت هي حقت الوكآلة الأصلية .

[يوسف--]

ايه صحيح كلامك اخوي اصيل

لاكن اخوي ماادري وين احصل الزيت وكم لتر اذا حتى الوكاله ماتعرف
الوكاله تقول مااعندنا هـ الزيت نعبي لك 90 والفرع الثاني يقول140 والله انجنيت اذا الوكاله وهي الوكاله ماهي عارفه وش تعبي ؟..؟؟

[omarx5]

زيت تويوتا ينفع

[أصيل حجآ زي]

ايه صحيح كلامك اخوي اصيل

لاكن اخوي ماادري وين احصل الزيت وكم لتر اذا حتى الوكاله ماتعرف
الوكاله تقول مااعندنا هـ الزيت نعبي لك 90 والفرع الثاني يقول140 والله انجنيت اذا الوكاله وهي الوكاله ماهي عارفه وش تعبي ؟..؟؟



صدقني موجود
عيآر زيت التآجية / الدفرنش بكــُتيب الخدمة .
بدليل المآلك
{ يسميه البعض الكتلوج / أونر منول Owner Manual } .
مفروض تحصل زيت دفرنشك من أي نوع بالوكآلة حقتهُ .
وأذا هو زيت للتآجية المحدودة LSD
ضروري يكون مكتوب على علبة الزيت LSD .


ويأخــُذ الدفرنش حوآلي علبتين ونصف .


بس أنصحك أن حصلت نفس زيت دفرنشك الصحيح بالوكآلة .
تشتري لا يقل عن وبين 5 الى 7 علب .
أحتفظ بالبآقي ترى يجي يوم ما تحصل طلبك .


كلامهــُم 90 أو 140 يدُل على أنهــُم ما عندهــُم سآلفة .


عيآر زيت الدفرنش أما عيآر 75W - 90


أو
عيــــــآر 80W - 90


وأحذر عيآر 140 للشآحنآت ثقيل ويخرّب التآجية { الدفرنش} بســُرعة .
يحتهُ حت .


الا أذا سيآرتك قديمة بالمرة ودفرنشها مـُـزمن .


:good2:

[السليطين]

غيرنا زيت 90 فوكس . ولا فيه اي مشكله .. باثفاندر 2006 واكستيرا والاخوه الزملاء نفس الكلام ولا فيه اي مشاكل . والان السيارات فوق 200000 كم ولله الحمد ماحصل شئ .. كلام الوكالة خرابيط واحتكار ...

هذا من تجرتي

[يوسف--]

وأحذر عيآر 140 للشآحنآت ثقيل ويخرّب التآجية { الدفرنش} بســُرعة .
يحتهُ حت .

لاابشرك اخوي اصيل رحت الفرع الرئيسي اليوم وقالوا ازيت هذا lsd مش موجود باالسعوديه كامله يقول اذا تبيه بطلبه لك من الامارات او جده اذا كان موجود ويقول الزيت اصلا 140 بس مواصفات خاصه
ويعطيكم الف الف الف الف عافيه على التفاعل معي

[ياطير أرسل]

انا مغير زيوت الدفرنس الامامي والخلفي عيار 140 والقير العادي عيار 90 والدبل عيار 10
نوع فوكس
طبعا كل هذا العلم موجود بالكتلوج حق السيارة
ملاحظة التغيير يتم كل 150000

[سيف العلا]

الله يجزاك خير يما راحت جربكسات ودفرنسات بسبت تغير الزيوت ونصيحه لبغيت تغير الزيت لدفرنسات والجربكس (زيده اذا كان ناقص اما تغيره بيظرب والله يرجال سارة معنابجيوب تايوتا وجيوب نيسان عامه )

[يوسف--]

اخوي سيف الغلا ، هلا والله

كلامك صحيح بتظرب قيور ودفرنسات وبتظرب لين مانفهم انا ليش قاعد ابحث وراعي اموضوع ليه كاتب لان لكل سيارة زيت خاص باالدفرنس وزيت خاااص باالقير وزيت خااااص ب الدبل لازم نعرف وش نوع زيوتنا انا سياتي الوكاله ((( الوكاله )) مش عارفه وش نوع الزيت حق سيارتي !!!!

انا اعرف واحد عنده لاندكروزر الرجال مسيكين راح عند ابوعلي ( البنشري ) وقاله شيك لي عى زيت القير قال زيت بدى يسود لازم تغيره الرجال قال توكل على الله ارجال عبى له زيت مدري والله وشو 140 حق القير عادي وهو قيره اتوماتيك الزبده الرجال بعدها بيومين بظبط السياره وقفت القير طق (( توظيب )) وظبه بترايستار ب 9800 تقريبا

الله يحفظ مواترنا من ها البناشر ولازم كل واحد يعرف وش نوع الزيت الخاص بسيارته ، عذرا طولت عليكم مجرد اني انبهكم

وشكرا

[هويدي]

الله يعطيك العافيه على التنبيه ولا يحرمك الاجر


ياليت القى احد عنده كتلوج باترول ودي اغير زيت دفرنساته والقير

بس مدري وش يشرب الاخ :)