المقادير بالتقصيل

[محب الشمال]

السلام علكيم
والله يعطيكم العافية
بس يا اخوان انا غشيم بالطبخ ويمكن فيه غيري كثير
فلنا طلب منكم انه توضيح المقادير بالظبط
يعني عند الطبخ تقولون حط الملح على الدجاج طيب كم مقدار الملح
ملعقه صغيره او كبيره او كاسه او ملعقتين
او تقولون حط الزيت طيب كم مقدار الزيت الي احطه
وهكذا
وكما تعلمون الطبخ مهم ولا يبي الواحد يخرب الطبخة بنقص او زيادة في المقادير
وشكراً لكم
واعذروني اذا الموضوع قد سبق طرحه لانه هذي اول مشاركة لي ;)

[Alfisal]

وأنا مثلك ياليت نعرف المقادير بالظبط

[نمر بن حثلين]

مقاديري ياخوي لمقدار طبخ دجاجه او ما يعادلها من اللحم

ملعقه كبيره ونصف ملح
حبه ونص ماجي
حبتين ليمون اسود
3 قطع دارسين
ملعقه كبيره بهارات
حبة بصل صغيره
حبة طماط صغيره
3 حبات فلفل حسب الرغبه
الرز كل نفر له كاس واحد بلاستيك حق مويه

والطريقه كالتالي
صب الزيت شوي بس على القدر ووزعه بحيث يتوزع على قاعة القدر كلها
حط البصل بالقدر وشب النار واصبر شوي همن قلب
اذا بدا البصل يتشقر حط معه الطماط والبهارات والماجي والملح والدارسين والفلفل والليمون الاسود وحرك
اذا اختلطت الدعوى حط الدجاج او اللحم
وحط معه نص كوب ماء او اقل
واصبر لما يبدا الماء يقلب وابد قلب الدجاج دقيقه او دقيقتين عشان يتشرب طعم البهارات

وبعدها صب الماء على الدجاج او اللحم لحد ما يغطيه الماء ويكون فوقه بسنتي او سنتيين
وغط قدرك وخل النار على اعلى شي
واصبر لحد ما يتش الكاتم واحسب 10 دقايق للدجاج و15 دقيقه اذا لحمتك لينه او 20 دقيقه اذا لحمتك قاسيه

بعدها افتح القدر وكب الرز ووزعه زين وناظر الماء ( لازم الماء يكون فوق الرز بمقدار سنتي واحد )
واكتمه وحط النار على اعلي شي واذا تش الكاتم اقصر عليه على اقل شي
واحسب 20 دقيقه اذا تبي الرز لين شوي او 25 اذا تبيه نثري

وبالهناء والعافيه

<<<<< مع تحيات الشيف رمزي :D

[نشميه]

يعني مهنا خبرره مرتن با الحيل في الطبخ..

بس اخبر والي اسمعه الكميه وعدد حبات الملح <<خكاريه
اقصد كميه المقادير تختلف على حسب كميه الاشخاص!!

يعني مقادير شخصين تختلف عن مقادير عشر اشخاص :alarm:

ومنكم نستفيد :good2:

[محب الشمال]

مشكور والله يعطيك العافيه